(Génesis) 32:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Dutika ishimak aatus akatmamjauwai: “Wika nii tabaun umiktasan, kuashat tsawan Labágkai pujaun ukukin minajai.

(Génesis) 32:4 Iomraidhean Croise

(Génesis) 23:6

“¡Apuh, wait aneasam antugkagtukta! Jutii ainag nuwiyamek ametme dekas Apajuí etegkamumek. Nuadui iina ukumataiji dekas pegkeg aina nuwi nuwemik ukusta. Makichkish jutii ainag juwiyag ukumatain sujitjamainuk shiig atsawai”, tiuwai.

(Génesis) 25:30

Nunik minis Jacob inajak pujaun wainak chichajak: “¡Wait aneasam minash anú yutai pachimjam kapantu emam inajam nunú ajamjusta, nujantai jajai!” tiuwai. Nuadui Esaú tawa nunak kapantu taku, tawai.

(Génesis) 27:29

¡Kuashat aents aidau aminak takagtamiagtinai, nuigtushkam nugka muunnumia aidaush ima aminak antugtamainak umigtamiagtinai! ¡Ame apu wajasamin, yatsumshakam amina umigtamtinai! ¡Amina pegkegchaunum yumigtamaidauk, ditashkam dutiksaik pegkegchaunum yumigkiam agtinai! ¡Untsu amina pegkegnum yumigtamaidauk, ditashkam dutiksaik pegkegnum yumigkiam agtinai!” tuu yumigjauwai.

(Génesis) 27:37

Tama Isaac Esaún ayaak: “Antukta nijah, wi Jacopan amina apujum ati tusan tijai, dutikakun ashí niina patayi aidaushkam niina umijin atinme, timajai. Nuigtushkam trigo aidaush, umutai vino aina nujai kuashat ajiti, timajai. ¿Tujash uchuchi yamaish aminash, itugkatjamki?” tau.

(Génesis) 31:41

Imanikan waitiaknush veinte mijan amina jemin takakun pujusuitag duika ¿mina jutik akijam? Amina nawanjum jimaja juna jukitasan takagsawaitjame catorce mijadai; tuja amina kuntinjumin kuitamkunchakam seis mijan takagsawaitjame. Imaniaish amek imaan akiktagme tusa anagtuawaitkum betek akigtsayume.

(Génesis) 32:18

Tusa tujamkuig ame ayaakum: “ ‘Apujuh Esaú, juju kuntin aina juka aminu ainawai, junak Jacob amina inakmea nunú awetugmame. Tuja niishkam iina ukujin minime’ tusam ujakta”, tiuwai.

(Génesis) 32:5

Tuja baka aidau, burro aidau, uwig aidau, nuigtu iinak aishmag aidau, nuwa aidaushkam kuashat ajutui, juna susatjai dutika ai mina apug wait anenjugmatai, niijai kumpamdayatjai tajai”, tiuwai.

(Génesis) 33:14

Nunimain asamtai mina apujuh, amek emkata, wika diipasan mina tagkug aidaun, mina uchig aina nujai saasan mina minakuan ame pujamunum Seírnum taatjai”, tiuwai.

(Génesis) 33:8

Nuniagtai Esaú Jacopan iniak: “¿Wajuk anentaimsamea juju tagku aidaush emtikamesh ishiakmaume, dutikamunash wisha wai wainkawanush minaja?” tau. Tutai nii ayaak: “Juju aina juna juwak tsagkugtugti tusan ishitkamjame”, tiuwai.

(Génesis) 36:8

Nuniau asamtai, Esaú Edom tutaya duka, nugka Seír tawa nuna mujajin pujustatus weuwai.

(Génesis) 36:9

Juju aajaku ainawai Esaú wegantu aidau, edomnumia aents aajaku aina nuna apaji. Ditak nugka Seír tawa nuna mujajin batsamajakajui.

(Génesis) 4:7

Amesh pegkeg takakmek, shiig aneasam wekaemainaitme, amek nuniatsum duwi amina tudaujum wagagtamkittak awagtamui. Tujash amek tudauwa duka depetmainaitme”, tiuwai.

(Éxodo) 32:22

Tutai Aarón ayaak: “¡Apujuh, minak kajegtukaipa, amek shiig dekame, juju aents aina juka ayatak pegkegchau takatnak wakeyin ainawai!

(Proverbios) 15:1

Pegkegnum aimawa nunú kajekbaunak imijiawai; untsu kajeka aimawa duka nuni senchi kajeamun inimui.

(Evangelio según San Lucas) 14:11

Wagki nigki eme anenmama duka, imanchau diyam atinai, untsu imanchau diyamua nu eme anentam atinai.

(Primera carta de San Pedro) 3:6

Sarashkam Abrahaman umijak: Mina apug, tujakui. Atumek niina nawanji asajum pegkeja nu takaakjum shiig puyatkas pujumain ainagme.

(Jueces) 5:4

“Tuke Pujuuwah, Seír Edom nugkanum aajakua nuwi ame kuitamkagtusamin yujajin, nugka uugmayi, tuja yumishkam senchi yutujabi.