(Génesis) 32:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Dutika ukuak nuwi juwaki wesa niina yachi Esaú nugka Seír tutai Edom nugkanum awa nuwi pujuttaman, yatsum minawai tusajum ujatjuktajum tusa, niina aentsji chichama etsejin aidaun ishitkauwai.

(Génesis) 32:3 Iomraidhean Croise

(Génesis) 14:6

Untsu horeo aents aidaun muja Seírnum batsatun depetkau ainawai. Dutikawag pisagmatai pataetukag yaakat El-Parán tutai uwegshun ijus awa imanui wakajui.

(Génesis) 25:30

Nunik minis Jacob inajak pujaun wainak chichajak: “¡Wait aneasam minash anú yutai pachimjam kapantu emam inajam nunú ajamjusta, nujantai jajai!” tiuwai. Nuadui Esaú tawa nunak kapantu taku, tawai.

(Génesis) 32:11

¡Wait aneasam agkanmitkajuata mina yatsug Esaú mantuawai! Wika ishamajai, mina jetetak ashí mina duwag aidaun, mina uchig aidaujaí amutkai tusan, tajame.

(Génesis) 32:7

Tusa ujakam Jacob senchi ishamkauwai, nunik kuashat anentaimu. Nuniak aents niijai yujaidaun jimajan akanak ijumjauwai, dutikak uwig aidaun, baka aidaun, camello aidaunashkam dutiksag akanag ijumjauwai.

(Génesis) 33:14

Nunimain asamtai mina apujuh, amek emkata, wika diipasan mina tagkug aidaun, mina uchig aina nujai saasan mina minakuan ame pujamunum Seírnum taatjai”, tiuwai.

(Génesis) 33:16

Tutai ayu tusa ukuak, nunú tsawantaik Esaú Seírnum wakitkiuwai.

(2 Reyes) 6:17

Aatus tusa Eliseo Apajuín segaak: “¡Tuke Pujuuwah, wait aneasam amina senchigmin mina inakeg waintsu nunú yamai iwaintukta!” tiuwai. Tusa taig Tuke Pujuu niina suntaji caballo aidaunum, carro aidaunum jii kegaujai betek nunú mujanum Eliseon tentea ijunun iwaintukui.

(Malaquías) 3:1

Tuja Tuke Pujuu ashí senchigtina nunú chichaak: “Wi taatnun jintan umigtukti tusan mina chichamjun etsegnun awemattajai. Atum Tuke Pujuu dakajum duka pachiachbaunum wamak niina jee pegkegma nuwi wayattawai. “¡Chicham umikbaun jintinjamatna duka minawai!” tawai.

(Números) 24:18

Tuja Edom aents aidaunashkam depetkatnai. Seír nugkanum ditá shiwaaji batsata nunash depetuk, nugken atankiag dita jukiagtinai. Israel aents aidauk Edom aents aidaun depetuk dita senchijin iwainmamkagtinai.

(Evangelio según San Lucas) 9:52

Nuniak chichama etsegkatin aidaun emtikak awemau, dutikam ditashkam wegag samarianmaya aents aidau batsamtaijin yaakat yaignum wayawaju ni kanagtinun umikagtatus.

(Deuteronomio) 1:2

Tuja Cades-barnea jegamuk Horebnum juwaki jinta Seírnum wetaya duke wea weakua once tsawanta imajin jegawai.

(Josué) 24:4

Tuja Isaakan susauwaitjai jimag uchijin: Jacopan, Esaújai. Tuja Esaún susauwaitjai muja ikam tepau Seír tutain. Untsu Jacob niina uchiji aidaun yajuak Egipto nugkanum weuwai.