(Génesis) 32:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Wika tikima wainkauch aig, ame minak wait anenjau asam yainkaume. Yaunchkek wika juju namak Jordágka junak ima mina ushujutaignak takusan katigkabiajai, tujash yamaik ame yaintsamin kuashat aents aidaush ajutui, tuja kuntin aidaushkam imanisag ajutui, nuadui kuashat asamtai, jimajan akankan ijumjajai.

(Génesis) 32:10 Iomraidhean Croise

(Génesis) 18:27

Tusa timatai, ataktushkam Abraham Apajuín chichajak: “¡Wait aneasam tsagkugtugta! Amek Apajuíyaitme nuniaminig wika aents wainkauchitkun juna iniajame.

(Génesis) 24:12

Dutika nuwi wajas Apajuín aujak: “Mina apujun Abrahaman ememattai Apajuí Tuke Pujuuwah, wait aneasam yamai mina apug Abraham wait anenjata, dutikakum minash shiig pegkegnum wekaegas wakitkiti tusam yainkata.

(Génesis) 24:27

“¡Tuke Pujuu mina apug Abrahama Apajuíjig pegkegnum chichagtai atin ati! Dekas amek mina apug wait anentau asam anagkuamugmek umitskek idaisachume. Ame minashkam jinta inaktugsam, mina apug Abrahama patayin itajuaume”, tiuwai.

(Génesis) 28:13

Tuja apu Tuke Pujuushkam niiyai ayaumas wajaun wainkauwai. Nunik wajas chichajak: “¡Witjai Tuke Pujuu, Apajuínuk, amina apachjum Abraham, nuigtu amina apa Isaac emematujaku aina nunuwaitjai! ¡Juju nugka juwi ame tepam junak amina, tuja amina uchigmin uchiji wegantu agtina nudau atinun amastatjai!

(Génesis) 28:15

Untsu wi amijaig pujajai. Nuniau asan tuwig wekaetam nuniakminish wi kuitamkattagme, dutikakun awagkin juju nugka juwi itattajame. ¡Makichkish wi amina anagkuajam nunak umitskek idaisashtatjai!” tiuwai.

(Génesis) 30:43

Dutika yaju yajumkawa Jacopak shiig wiakuch wajasui. Niig kuashat uwigjintin, tuja inake aishmag aidaush, nuwa aidaush shiig kuashat, tuja camellojishkam imanisag, burrojishkam ¡shiig kuashat aajakui!

(Génesis) 31:3

Nuadui Tuke Pujuu Jacopan chichajak: “Amina apa nugken pataim aidau batsata nuwi wakitkita, wi aminak uyuntsattajame”, tiuwai.

(Génesis) 32:5

Tuja baka aidau, burro aidau, uwig aidau, nuigtu iinak aishmag aidau, nuwa aidaushkam kuashat ajutui, juna susatjai dutika ai mina apug wait anenjugmatai, niijai kumpamdayatjai tajai”, tiuwai.

(Génesis) 32:7

Tusa ujakam Jacob senchi ishamkauwai, nunik kuashat anentaimu. Nuniak aents niijai yujaidaun jimajan akanak ijumjauwai, dutikak uwig aidaun, baka aidaun, camello aidaunashkam dutiksag akanag ijumjauwai.

(2 Samuel) 17:24

Davitak Mahanaim jegau ai, Absalógkak niina suntaji aidaujai pataetuk Jordágkan yama katituidau.

(2 Samuel) 7:18

Nuna antuk David Tuke Pujuujai chichastatus arca pujaunum wayauwai. Nunik Apajuíjai chichaak: “Apuh, Tuke Pujuuwah, wika tikima wainkauchitjai. Tuja mina pataag aidaushkam tikima wainkauch ainawai. Nuadui wika apu atajai tumamaitsujai.

(Salmos) 16:2

Wi amina chichagkun: “Ametme mina apug pegkegnum yainnumek, tikich amea ibauk atsawai.”

(Salmos) 8:5

Aentsuk ángelchawashit tumain najanauwaitme. Nuadui apu kuitamaina imatiksam kuitamam duka dutikame.

(Salmos) 84:7

Apajuíyah, amina senchigmejai ditak tuké senchimeawagtinai. Tuja Siógnum jegawag Apajuí senchigtina nuna wainkagtinai.

(Isaías) 6:5

Imaniakui chichaakun: “¡Jajapi yamaik! Wagki wika pegkegchaun chichau wajasu, tuja aents pegkegchaun chichau aina nujai ijunjan pujag, nuniayatkunuap Tuke Pujuu ashí senchigtina nuna pan wainkaja”, tusan tibaijai.

(Isaías) 63:7

Isaías chichaak: “Apajuí anenken pachisan chichaakun, nii jutiin ayamjutpak kuashat dutikauwa nuna anentaimtusan kantamatasan wakegajai. Apajuík Israel aents aidaun wait anentau asa niina anenkega nuna ditan iwaintak kuashat yaigkui.”

(Miqueas) 7:20

¡Iina apachji Abraham, Jacob, nuigtu tikich iina muunji aajaku aidau anagkuawaitam duka, dutiksamek wait aneasam amina anenkagmin tuke kuitamkagtuktin ata!” tiajui.

(Evangelio según San Lucas) 17:10

Atumshakam nunisjumek, Apajuí ashí dutikata tibauwa duke umiká idaikugmek: ‘Jutiik inak atsumchatai ainaji, imá tibauwa duke umidau asaja’, tumainaitjume”.

(Evangelio según San Lucas) 5:8

Imanitai Simón Pedro nuna wainak, Jesusa eemtin tikishmag: —Apuh, ukugkita minak, wika tudauwaitjai, tiu.

(Segunda carta de San Pablo a los Corintios) 12:11

Wika anentainkachu wajukmaina nunikbaijai wiki emematmamkun; nunak atum wajukeagme nuniakjumin nunikbaijai. Wika atum emematam amain aajakuitjai, wagki wika wainkayaitkunush, apóstol ainaji tusa eme anenmamaina nuna nugkaan achau asan.

(Deuteronomio) 8:18

Nunak Tuke Pujuu atumi Apajuíjum atumi muunjum aajaku aina nuna anagkuamun umiak, jamamtuchu pegkeg batsamas takastinme tujabiu asamtai, pegkeg pujusa takakjum wajijinau asajum. Nuadui Tuke Pujuu atumi Apajuíjiya duka kajimatkigpajum.

(Primera carta de San Pedro) 5:5

Nunisjumek datsauch aidauwah, anciano aina nui sumitkau atajum; ashí pempeentunisjumek sumimdaimain ainagme imanchau anenmamsajum, wagki: “Apajuik emebau aidaunak dakitus diyawai, tujash imanchauch aina nuna wait anentawai”, tau asamtai.