(Génesis) 3:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Tama nuwa yujagken diistakama shiig senchi wakejukui. Nuniak dekas yuwatjai, nunikan Apajuí wainbau yacha iman atajai tusa, akaka juki yuwauwai. Nunik aishinashkam susam, niishkam juki yuwauwai.

(Génesis) 3:6 Iomraidhean Croise

(Génesis) 3:12

Tama aishmag Apajuín ayaak: “Ame wijai tsaniasa pujusa yainikti tusam nuwa sujusmaum nunú yujagken sujusmatai, wika yuwamjai” tau.

(Génesis) 3:17

Tusa aishmagnashkam chichajak: “¿Wagka nuwemin chichame antugkumesh, wi juju yujág yuwawaipa tusa timajam dusha yuwamume? Ame umishtaimin yamai nagkamsag nugkak shiig pegkegchau wajastatui. Amek nuwiya waittsam ajakmam yuwatnaitme, ima imaniakuam ame jakum ukuktinaitme.

(Génesis) 39:7

Iman asamtai, tikich tsawantai apu Potifaran nuwe Josén senchi wakejukui, nunik makichik tsawantai chichajak: “¡Iijai kanagmi!”, tiuwai.

(Génesis) 6:2

Nunú nuwa shigmauch aidaun, Apajuín uchiji aidau nuna diisag etegkeg dita wakejamun nuwatkaju ainawai.

(2 Samuel) 11:2

Nunik pujau makichik tsawantai agkuantai David pegakjin ayamak tepau, nantaki wajas niimsatatus yakí wakauwai. Nuwi wajas niimkama makichik nuwa shigmauch wajakin niina agájin maak pujuttaman wainkauwai.

(Job) 31:1

Tuja nuigtu Job chichaak: “Wika nuwa muntsujut aidaunak makichkish wakejukchatin atajai tumamiuwaitjai.

(Oseas) 6:7

Tujash mina aentsug aidautigmek, Adágjai betek antakchau intimkiu ainagme, nuadui chicham umiktinun wi amasuitag nunú umikchaugme.

(Evangelio según San Mateo) 5:28

Tujash wi tajime: Aents nuwan dutikachainjash tusa wakegas diyaushkam, anentainig tsanijimui.

(Primera carta de San Pablo a Timoteo) 2:14

nuigtush Adagkak tsanuamak asachui, nuwa tsanuam asauwai, dutika tsanujam tudaun takasui.

(Primera carta de San Juan) 2:16

Wagki ashí nugkanum ayá nu, iyash wakegamu aidau, diisá wakejut aidaush, nuigtú wiki iman achainjash tusa anentaimat aina dushakam Apajuinumia ainatsui, nugkanmaya ainawai.

(Jueces) 14:17

Tusa tamashkam ujatkati tusa niyai ayaumas pujus nii nuwenku jiistabau siete tsawan aajakua imanisag siete tsawan buutú pujau. Imatika waitka pujujam tsawan sieteya duwi nunash wajina takug tiyawa nuna ujakui. Tusa ujakam niina patayi aidau batsatun jegajua niishkam ujakui.