(Génesis) 3:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Nugkanmak jagki, ashí numi, dupa jagkigtin aidaush yujaktatui. Imanikmatai ikamia ajak aidau yutinaitme.

(Génesis) 3:18 Iomraidhean Croise

(Génesis) 3:17

Tusa aishmagnashkam chichajak: “¿Wagka nuwemin chichame antugkumesh, wi juju yujág yuwawaipa tusa timajam dusha yuwamume? Ame umishtaimin yamai nagkamsag nugkak shiig pegkegchau wajastatui. Amek nuwiya waittsam ajakmam yuwatnaitme, ima imaniakuam ame jakum ukuktinaitme.

(Génesis) 3:19

Amina senchigmin takasa yuwa pujusam ataktu nugka najaneakum ukuktinaitme, wagki amek nugka najanamu asam. Nuadui ame jakmeshkam nugka juki najanamu asam, nunismek nugka najaneatnaitme”, tiuwai.

(Job) 1:21

Nunik pujus chichaak: “Juju nugka juwi akiinkunuk wajigtuchu akinawaitag, nunisnuk jaknushkam wajiigtuchu jakattajai. Tuke Pujuu mina ashí sujusua nunú nigki ashí jujutkine. ¡Nuadui ima Tuke Pujuu pegkegma nuna ememattajai!” tiuwai.

(Job) 31:40

¡Untsu wi taja nunú dekaskechu ataik, mina nugkajuig trigo tsapatsuk jagki tsapaktinme, tuja cebada tsapamainun dupa tsapakti!”, tusa juna aatus Job ayamjumak chichaka inagnakui.

(Job) 5:5

Ajakmamujinash kuitamjuinatsui, nuadui aents nujantai jinuidau nuna yujuinawai, dutikainak jagkinmayanash akuumtuk yujajus yajutuinawai. Tuja wajiji aidaun diigsag, imanun jukitag tinu aidau kasajuk yajutuinawai.

(Salmos) 104:2

Amek dekas tsaaptin ijimakume. ¡Ame nayaimpia duka jáanchjai betek ejauwaitme!

(Salmos) 90:3

Amina chichamjuminig aents aidauk jakag nugka najanenawai.

(Proverbios) 22:5

Aents pegkegchau aina nuna tsanumtaiji aidauk ishamain ainawai. Untsu aents niina pujutjin kuitama duka nunak tupantawai.

(Isaías) 32:13

Mina nugkag múunta nuwig jagki aidau ashí tsapak akijuattawai, tuja jega pegkejuch aidau yaaktanum ayá nuwi batsamsajum, shiig anee batsatjum duka ashí tsaikam megkaejattawai.

(Isaías) 5:6

Dutikan pachitsuk idaisattajai. Tuja tuke nejen ati tusa, kanawe pegkegchau aidau tsupija utsanka pegkeg ematia nunash dutikachagtatui. Tuja dupanash takagsachagtatui, dutikamu asa dupa jagki aidaujai tsapaka akijuatnai. Tuja nuna uchupig pegkeg ematnunash yuminak yutumtijashtatjai.

(Isaías) 7:23

Tuja mil uva ajakbaun akike mil plata aajakua duka ayatak jagki tsapaka ikam wajas asatnai.

(Isaías) 7:24

Nunú nugkanmak ashí jagki tsapaka akijua ikam wajasu asamtai, ayatak kuntin maatasa wekaetai atatui.

(Evangelio según San Mateo) 13:7

Tuja tikich jigkai jagki ayaunum kakekaunak, jagki tsapainak yutuawajui.

(Carta de San Pablo a los Romanos) 14:2

Wagki, awai aents, ashí yutai aina duka yumainai tuidaush, nuniai tikich Cristui dekaskeapi tayatak shiig dekachu asa ajak dita ajakmamun yuu ainawai.

(Carta a los Hebreos) 6:8

Untsu ayatak jagkik ajanum tsapataik takatsuk idaiyin ainawai tikich tsawantin apea ajapatin asa.