(Génesis) 3:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Amek yamai nagkamsamek nuwajaig tuke shiwag atinaitme, nuadui amina uchijum wegantu agtina dusha, nuwa uchiji wegantu agtina nujaish tuke shiwajak agtinai. Nuwiya makichik amina buukmin dekenjamkatnai, tujash amek ayatak niina sagkani esattinaitme”, tiuwai.

(Génesis) 3:15 Iomraidhean Croise

(Génesis) 49:17

Dagkak dapi jintá dakamak tepes caballo minittaman sagkannum esai ajiyama iman atinai.

(Isaías) 53:12

Nuadui Apajuí niinak senchigtin ashí eme anentsa diitai awajsattawai. Wagki niig pegkegchau takamsachuitak, pegkegchaun takamsaujai betek, aents aidau uwemjatnume tusa, dita tudaujin dita mantamnamainun nii mantamdauwa duwi.

(Isaías) 7:14

Nunin asagmin atumnak Apajuí nii dutikatnujin iwaintugmaktatui. Nunak: ¡Makichik nuwa muntsujut aentsu takashtai ejapjuktatui, nunik uchi aishmagkun uchigmaktatui, dutika uchigmakmatai, uchi daaji adaikattagme Emanuel!

(Jeremías) 31:22

Makichik nuwauch emetnag pujuchujai betek wainka yujajum dusha ¿wajutiya idaisattagme? Witjai Tuke Pujuu, Israel aents aidau Apajuíjinuk, juju nugka juwi pegkejan Apajuí umike. Nunak nuwa aishin aneak ataktu wakitkittawai”, tawai.

(Daniel) 9:26

Sesenta y dos semana nagkaemakmatai, apu atin etegka adaikamun makichkish utugchatji atsujunak maawagtinai. Tuja tikich apu ekemtina nuna suntaji aidau Jerusalégnak jega Apajuí emematku ijuntai jegamkamujai ashí tsaikagtinai. Nunú tsawan uminbauk pachiachbaunum nujag dujajak utuwama numamtuk atinai. Tuja maaniamu, tsainiamu atinai tusa etsegkamua duka imanisag wea weakua amuekatnai.

(Amós) 9:3

Tuja muja Carmelo titijin waka uumkagmataish, egakan achikagtatjai, tuja nayantsa kunajin uumjutkagmataish, kuntin múun ichiag ijinati tusan awetittajai.

(Miqueas) 5:3

Tuja Tuke Pujuuk nuwa uchin uchigmaktin ejapjuk puja nunú uchigmakmatai, niina aentsji aidaunak ataktu yaigtin asa, yamai nagkamas ima ditanak idaiwai. Nunú uchi akiinamtai, tikich Israel aents aidau shiwag amuam iwaku juwaku aidau dita patayi aidaujai ijunjagtinai.

(Evangelio según San Mateo) 1:23

“Ejapjuktinai makichik muntsujut aentsú takashtai, nunik uchigmaktinai aishmagkun, nunikmatai Emanuel adaikagtinai”, nunak: “Apajuik jutiijai awai” taku tawai.

(Evangelio según San Mateo) 1:25

Tujash Mariajaig tsanigchauwai eke uchi akiintsaigkik, nunik pujai uchi akiinamtai adaikauwai Jesús.

(Evangelio según San Mateo) 12:34

¡Iwanch weantu aidauwah! ¿pegkegchautigmesh, wajuk pegkejash chichaktagmeki? Wagki shiig kuashat anentainum awa nuiyan aentsuk chichawai.

(Evangelio según San Mateo) 13:38

aja timag nunak ashí nugkanmayan takun timajai, ajaka jigkayí pegkeg timag dushakam Apajuí inama nuna uchijí aina nuuwai; untsu cizaña timag duka Iwanchi uchijí aina nuuwai;

(Evangelio según San Mateo) 23:33

“¡Iwanch dapimea aentsun tsanujua nujai betek aidauwah! ¿Wajuk uwemtugtagmeki, suwimak waitiamu atina dusha?

(Evangelio según San Mateo) 3:7

Nuniai kuashat fariseo aidau, saduceo aidaujai yamimajagtatus jegantajam, chichajak: “¡Iwanchi uchijí aidauwah! ¿Ya atumnash yamimaku Apajuí suimkaji tikijuch wajasá nu uwemtumainai tusash tujabiagmae?

(Evangelio según San Marcos) 16:18

dapi achiam esaimash, jatai egketuamun umuinakush jakashtin ainawai. Jau aidaunash ditá uwejin achikag etsagaidiagtinai”, tiuwai.

(Evangelio según San Lucas) 1:76

Nuna tii uchijinashkam: “Amek uchijuh, ashí tikich aidau nagkaesau muunta nuna profetaji tama atatme; wagki amek eemkam wetatme Apú jinti umigkatasam,

(Evangelio según San Lucas) 10:19

Nuadui atumi shiwajum Iwanchia nuna senchijí depetkatnun mina senchijun amasmajime. Dutikamu asagmin dapi esapainakuish, titigkesh ijupainakuish wajukashtatjume.

(Evangelio según San Lucas) 22:53

Wi kashí kashinig jega Apajuí ememattainum atumjai ijunnuweg duikish jutikagmek achigchau agmaugme. Tujash juka tsawantak atumdauwai, Iwanch inapainakui juniajum juka, tiuwai.

(Evangelio según San Lucas) 24:27

Tusa, Moisés agagbauwa nui nagkamas nuigtú ashí profeta aidau, ashí agagbaunum niina pachis tawa nuna ujakajui.

(Evangelio según San Juan) 8:44

Atumin apa duka Iwanchia nuuwai; nunin asamtai atumí apa wakega duke takastasajum wakegagme. Nagkamtinish Iwanchik magkagtin aajakui, nunin asa dekaskea nunak nigka tuchauwai, wagki niinig dekaskea duka atsau asamtai. Waita nunin asa chichakush waitnak tawai tuke nunin asa, wagki nigka waitai, nunin asa waita apajiyai.

(Los Hechos de los Apóstoles) 13:10

—Amek tikima wait, pegkegchau, iwanchin uchijí, ashí pegkeg aina nuna shiwajiyaitme; ¿Wagka Apu Apajuin chichame pegkeja dusha, pegkegchauwa nuninush chichagme?

(Carta de San Pablo a los Romanos) 16:20

Apajuí shiig agkan pujutan sukagtina nu wamak iwanchin depetugmaktatui, nunisag iina Apuji Jesucristua dushakam wait anenjabaujin iwaintugmaktatui.

(Carta de San Pablo a los Romanos) 3:13

Suwenig aents ukusbau ashiimua imanai, waitjuidau asag; ditá weninig dapí tsaagkega iman ajuinawai,

(Carta de San Pablo a los Gálatas) 4:4

Tujash Apajuí tsawan mamikiamujiya nu uminkamtai niina Uchijin awemauwai, dutikam makichik nuwanum akiinauwai, nunik chicham umiktina nuna umiak pujusui;

(Carta de San Pablo a los Efesios) 4:8

Nuadui agagbaunum chichaak: “Nayaimpinum ni shiwajin depetuk achijá yajuak wakae, nunik aents aidaun don aidaun tinamkae”, tawai.

(Carta de San Pablo a los Colosenses) 2:15

dutika Apajuí ashí wakan pegkegchau aidau apujinash, nuigtú wakan senchigtin aina nuna senchijinash atanjauwai, Cristui depetuk imanchau emak achijá ashí wainbaunum iwainakui.

(Carta a los Hebreos) 2:18

Niishkam Iwanch pegkegchau takamtiksatasa dekapeam asau asa, Iwanch dekapeam waituidaunak senchigtina ibau asa yaigtatui.

(Carta a los Hebreos) 5:7

Cristo ju nugka jui pujusua nuaduik, shiig senchi untsumak buutak negá negajai Apajuin segauwai. Ni jamaina nunak Apajuí senchigtina ibau asa agkanmitkajuati tusa. Nunitai Apajuik ni umigbau asa ayatak antugkauwai.

(Primera carta de San Juan) 3:10

Aatus iwainmamainawai Apajuí uchijí aina nuna, nuigtú Iwanchi uchijí aina nunashkam. Ashí pegkejan takainatsu duka nuigtush tikich Cristo nemagkau aidaunash aneatsu duka Apajuinuchu ainawai.

(Primera carta de San Juan) 3:8

Tujash tudau takaa wekaga duka Iwanchdau asa nuniawai, wagki Iwanchia duka nagkamtinig tunamajui. Nuadui Apajuí Uchijiya nu Iwanchi takatji aina nuna emegkakta tau asa tauwai.

(Primera carta de San Juan) 5:5

¿Yaita nugkanmaya pegkegchaun depetea dusha? Duka Jesusak Apajuí Uchijiyai tusa dekaskeapi tuina nuuwai.

(Apocalipsis) 12:17

Dutikamtai dragón nuwan senchi kajegkabi, nunik nuwá patayí weantu aidaujai maaniatatus wejibi, Apajuí chicham umiktajum tibaun umiina nujai, nuigtush Jesusan pachis etsegtuina nujaishkam.

(Apocalipsis) 13:7

Nuigtushkam Apajuí nemajin aidaujaish maaniati nuniak depetkati tibauyi. Nuigtushkam, ditash niimtin aina nuish, yaaktanmash, ditash chichaaku aidaunmash nuigtú ashí nugkanmash inamjati tusa idaitusbauyi.

(Apocalipsis) 2:10

Waittsattam duka makichkish ishamkaipa. Atum ainajum anuiyan, Iwanch wakegamun takau aina nu achigmakag cárcel egkepattajume dekapjamsagtatus, dutijamamtai diez tsawan waittsattagme, mantamainakuish minai dekaskeapi tabauk idaisaipa, nunikamin wi pujut nagkanchauwa nuna amastatjame.

(Apocalipsis) 20:10

Tuja Iwanch ditan tsanujakua nunak kucha jii azufrejai pachimjamua nui ajuabi, bestia nuigtú wait profeta egketbaunum, dutikam kashi tsawaijai ajumaish tuke waitú batsabiagtinai.