(Génesis) 28:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Apajuí ashí senchigtina nunú pegkegnum yumigtamsati, dutijamak nigki ame uchijum wegantunash shiig kuashat uyujkati. Imatikam nugka múun aidaunum batsamsagtin atinme.

(Génesis) 28:3 Iomraidhean Croise

(Génesis) 1:28

Dutika pegkegnum yumigkiak: “Yujaktajum, nuniakjum nugkak ashí jamagtajum, tuja nayantsanmaya namak aidauk ashí atum kuitamkatajum, tuja agkajunum chigki nanamin aidaush, kuntin wegantu nugkanum yujaka dushakam ashí atumin umigtamtinme”, tiuwai.

(Génesis) 13:16

Amina uchijum wegantu aidaunak nugka yukukuntujai betek awajsattajai. Nugka yukukuntu dekapamainchawa iman amina uchijum wegantushkam dekapamainchau agtinai.

(Génesis) 17:20

Ame mina Ismael pachisam tujutam nunashkam antugkajame, nuniku asan wi pegkegnum yumigsattajai. Niina uchijish kuashat atinai, tuja niina uchiji wegantunmayanash kuashat uyujkatnaitjai. Ismaelak doce apu agtina nuna apaji atinai. Aatus nugka muunnum batsamsatin ainawai.

(Génesis) 24:60

Dutikainak, Rebecan pegkegnum yumigkinak aatus tiajui: “Iina umayi yamai akupkami: ‘Chah, ubajuh, ¡Amek shiig kuashat aentsun dukujimtai atin ata! ¡Nuigtushkam amina uchijum wegantu aidauk, ditá shiwaajin depetkatin atinme!’ tusa wakegaji”, tiajui.

(Génesis) 26:24

Tuja nunú kashia duik Tuke Pujuu Isaakan wantintuk chichajak: “¡Witjai amina apa Abrahama Apajuíjinuk, makichkish ishamkagtukaipa, wi aminak kuitamjame! Abraham mina chichamjun umigtukua duwi aminash aikasnuk pegkegnum yumigsan, amina uchigmin uchiji wegantu agtinashkam ikauntuktatjame”, tiuwai.

(Génesis) 26:4

Amina uchijum wegantu aidaunak nayaimpinum yaya dekapamainchauwa iman awajsattajai. Dutikakun juju nugka junash ashí ditanak susattajai. Tuja nuigtushkam, ashí tikich nugkanmaya aidaush amina uchijum wegantu aidaunum yunumas pegkeg yumigkin jukiagtinai.

(Génesis) 27:33

Tutai, Isaac anentai jegagchauwai, nunik kujakjatun chichaak: “Tujash ¿ya minash kuntinun maa yutain umikash itagtuame? Nuna wika ame eke tatsminig ashí yuwamjai. Dutikan niina ashí pegkegnum yumigjamjai. Nuadui nii yamaik pegkegnum yumigjamu juwake”, tiuwai.

(Génesis) 35:11

chichajak: “Witjai dekas Apajuí ashí senchigtinnuk; amek kuashat uchigtin atatme, nuadui ame wegantu aidaush imanisag agtinai. Nuadui ame wegantu aidau nugka muuntan yaaktamawag batsamsagtinai. Tuja ame uchijum wegantunmaya apu waigkagtin ainawai.

(Génesis) 41:52

Untsu tikich uchiji ekeun Efraín adaikauwai. Nunak “juju nugka juwi pujusan waittsawaitag nunú nugkanmak pujaig, Apajuí minak jimag uchin sujuse” taku tuu adaikauwai.

(Génesis) 43:14

Apajuí ashí senchigtina nunú atumnak yaimpaktinme, dutijamamtai apu wait anenjamag yatsumin Simeógkan agkanmitka, yatsum Benjamígnash emettsuk awagkiti. Untsu namputchawame nuna awakeachkuish, wika uchigtuchukesh juwaktin atajai!” tiuwai.

(Génesis) 48:3

Nunik ekemas Josén chichajak: “Apajuí ashí senchigtina nunú Canaán nugkanum yaakat Luz tutai awa nuwi mina wantintujuk, pegkegnum yumigtak,

(Génesis) 48:4

aatus tujutiabi: ‘Antukta nijah, wi aminak kuashat uchin uyujtuktatjame, dutika ai ame wegantu aidauk kuashat kawegkag nugka muunnum yaaktamak batsamsagtinai. Tuja nuigtushkam ame wegantu aidaun juju nugkanak susatnaitjai. Nuadui ajumaish tuke ditanu atinai’.

(Génesis) 49:25

¡See kuashat, Apajuí amina apa Apajuíjiya nunú yaimpakti; Apajuí dekas ashí senchigtina nunú aminak pegkegnum yumigtamsatin ati! ¡Nayaimpinmaya pegkeg jutai aina nuwiyanash! ¡Nayantsa initkenia pegkeg jutai aina nuwiyanash! Tuja ¡uchi akia shiig tsakapaktinnashkam, dutiksag yaimpakti!

(Génesis) 9:1

Apajuí Noén niina uchiji aidaujai pegkegnum yumigkiak aatus tiuwai: “Yujaktajum, imaniakjum nugka pampankajum pimutkatajum.

(Salmos) 127:1

Tuke Pujuu jegan jegamchataik, jegá jegamin aidauk wainak takak waituinawai; tuja Tuke Pujuu yaakta kuitamchataik, yaaktan kuitamin aidauk wainak kuitamak waituinawai.

(Salmos) 127:3

Iina uchiji aina duka, Tuke Pujuu anentag pegkejuch amasbau ainawai.

(Éxodo) 1:7

Nunikagmataish dita uchiji aidauk kuashat akiinak wedau asag, shiig kuashat yujakajui. Imaanidau asag ditash senchigtin wajasag nugka dita batsatbaunmak piyakajui.

(Éxodo) 6:3

Wika Abrahaman, Isaakan, Jacopan wantintukuitag nuaduik: ‘Apajuí ashí senchigtinaitjai’ tuu iwainmamkauwaitjai. Tujash dekas mina daag ‘Tuke Pujuu’ tutaya nunak ujakchau ainajai.

(Segunda carta de San Pablo a los Corintios) 6:18

Wi atumin Apa atajai, tuja atum mina uchig, mina nawantug atajum, tiuwai Apu ashí senchigtina nunú”.

(Apocalipsis) 21:22

Nuanuig jega Apajuí ememattainak wainkachbaijai, wagki ditá jee Apajuí ememattaiya duka, Apu Apajuí ashí senchigtina nuna Uwigjai emematuidau asagmatai.

(Rut) 2:4

Nunik juwaak wekagai Booz Belén pujau niina ajajin weuwai. Nunik jeganta ajaka juu aidaun kumpamak aatus tiuwai: “¡Tuke Pujuu atumnash kuitamjamkatnume!” tiuwai. Tusa tama dita ainak: “¡Tuke Pujuu aminashkam pegkegnum yumigtamsati!” tiajui.