(Génesis) 26:22 - Awajún: Apajuí chichame pegkejam Porciones del Antiguo Testamento y el Nuevo Testamento

²² Dutika ukuak Isaac atushat weuwai, nunik nuwi tikich yumigmatan tainiajui. Tujash nunak maanitkachaju asag, adaikajui, “Rehobot”. Nunak “agkanmagamu” taku tawai. Nunak “yamaik Tuke Pujuu agkanmitkagmae juju nugka juwi takainak emkatnume” taku tuu adaikauwai.

(Génesis) 26:22 Iomraidhean Croise

(Génesis) 17:6

Amina uchijum wegantu aidaunak shiig kuashat ikaugkattajai. Nuadui ame wegantunmaya apu agtinai, tuja ame wegantu aidau kuashat aents nugka muunnum yujakagtinai.

(Génesis) 26:21

Nunikag Isaaka inake aidau, tikichin yumigmatan tainiajui, dutikawagmatai nunashkam dutiksag maanitkajui. Untsu Isaac nuna adaikauwai “Sitna”. Nunak “shiwagmagat” taku tawai.

(Génesis) 28:3

Apajuí ashí senchigtina nunú pegkegnum yumigtamsati, dutijamak nigki ame uchijum wegantunash shiig kuashat uyujkati. Imatikam nugka múun aidaunum batsamsagtin atinme.

(Génesis) 41:52

Untsu tikich uchiji ekeun Efraín adaikauwai. Nunak “juju nugka juwi pujusan waittsawaitag nunú nugkanmak pujaig, Apajuí minak jimag uchin sujuse” taku tuu adaikauwai.

(Salmos) 118:5

Waittanum pujusan Tuke Pujuun untsukbaijai, dutika ai, aijuk uwemtijugmayi.

(Éxodo) 1:7

Nunikagmataish dita uchiji aidauk kuashat akiinak wedau asag, shiig kuashat yujakajui. Imaanidau asag ditash senchigtin wajasag nugka dita batsatbaunmak piyakajui.

(Isaías) 54:2

Israel aents aidauwah, atumin aakjum aina nunú puyattsuk nuni senchi múun awajsatajum, dutikajum daek esajam yajuakjum nunú achimtika jigkaktin numi shiig ajigtajum.

(Isaías) 54:3

Ame wegantu aidauk shiig kuashat yujaktatui, nunikag tikich nugkanum shiyakag makichik yaaktakesh atsaunum dita yaaktamak batsamsagtinai.