(Génesis) 24:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Makichik tsawantai Abraham niina inake chichintan, ashí niina wajiji aidaunash kuitamin atinaitme tusa tibaun untsuka chichajak: “Amina uwejum mina bakuju wakentin yununkata, wagki ame chicham umiktinjum dekaskenum tujuttin asam,

(Génesis) 24:2 Iomraidhean Croise

(Génesis) 15:2

Tusa tama Abram ayaak: “Apu Tuke Pujuuwah, ¿wisha nunash itugkatnunak ibaunash waketaja? Amek, mina uchig atsugta duka shiig dekame. Amek minak makichik uchikesh sujuschaume, nuadui ashí mina wajiig aidaunak, nugkajai nagkamas, wi tsakapagbau Eliezer Damasconmayaya nudau atinai” tiuwai.

(Génesis) 24:34

Timatai inak chichaak: “Wika Abrahaman inakegaitjai.

(Génesis) 24:37

Nunú mina apug wi chicham umiktinun chichagtak: ‘Mina uchiju nuwe atinuk Canaán nugkanum wi pujag juwiya nuwak egatkaipa,

(Génesis) 44:1

Nuna yuwawag, nuadui José niina inake niina wajijin kuitamnun juna aatus inajui: “Juju aents aidau jukiagtin dita costaljin trigo aimjugta, dutikam maki makichik ditá costaljin awantak kuichik egketuata.

(Génesis) 47:29

Israel shiig muumpaki nii jakatnujin dekapmamag, niina uchiji Josén untsuka chichajak: “Wi titatjam nunú umigtuktinaitkumek, amina uwejum mina bakuju wakentin yununkata, dutikam dekas ame segatam nunak umiktatjai tusam tujutta. ¡Wait aneasam wi jakamtaig Egipto nugka juwigkik ukugsaipa!

(Génesis) 47:31

Tama Jacob uchijin chichajak: “¡Dekas nunak umiktatjai! tusam yamaya juwik tujutta”, tiuwai. Tusa tama José ayaak: “¡Nunak dekas umiktatjai!” tiuwai. Tusa timatai Israel niina pegakji chaiken tsuntsuma tepes, Josén see tusa Apajuín emematiuwai.

(2 Samuel) 12:17

Imanik waittai niina atuwe apu aidau jegajuawag inankitag tuidau. Dutikamash niig dakitau. Tuja ditajai ijunja yujumak yutanashkam dakitau.

(Primera carta de San Pablo a Timoteo) 5:17

Anciano aidau shiig takaina duka eme anentsá diyaku shiig akikbau amainai, imá senchi chichaman etsejuinak nuigtú jintinkagtuina nu,

(Rut) 2:6

Tutai nii ayaak: “Juka Moabnumia nuwa Noemíjai taama nunuwai.