(Génesis) 22:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Tutai nii chichajak: “Uchigmek makichkish antigkaipa. Ame Apajuí ima senchi umijam nunak yamaik dekajuajame, wagki, amina uchijum makichkiuch aigkish, sujimtsuk mina sujustasam umiku asamin”, tiuwai.

(Génesis) 22:12 Iomraidhean Croise

(Génesis) 20:11

Tama Abraham ayaak: “Wika juiyag makichkish Apajuí nemagchaus ainawa timajai. Tau asan ishamkagtakun mina nuwajui tichamjai, wagki mina mantuinak duwajun jujutkinum tusan.

(Génesis) 22:13

Tusa tima niimsatakama, uwig tsakat aishmag numi kanawen niina kachujin tutinak wajaun wainkauwai. Nunik uchijin maatag tabaun idayak, nuna weji achika juki maa nuna nejen ashí apeak Apajuín emematiuwai.

(Génesis) 22:16

chichajak: “Tuke Pujuu chichaak juna timae: ‘Amek wi tabau umiakum amina uchijum makichkiuch aigkish sujitjukchau asamin, wiki wi chicham umiktinjun tumamjai’ tujamui.

(Génesis) 22:2

Tutai Apajuí chichajak: “¡Amina uchijum makichkiuch asamtai, senchi aneam nunú jukim niijai Moria nugkanum wetá! Nuwi jegam wi mujan iwaintuktatjam nuwi uchijum maa apeakum mina emematjita”, tiuwai.

(Génesis) 26:5

Nunak dutikattajai, wagki wi Abrahaman mina chichameg, wi jintinjam jujai betek umikta tusa tibaunak imatiksag umigtuku asamtai”, tiuwai.

(Génesis) 42:18

Dutika nunú kampatum tsawan nagkaemai ditan chichajak: “Wika Apajuínak ishamajai, nuadui atumesh wi tajim nunú betek umiktajum, nunikagmin wishakam tsagkujan mautsuk idaisattajime.

(Job) 1:1

Makichik aents aajakui Job daagtin, pegkejam, utugchatji atsuju, Apajuí inake, pegkegchaun takasaig tusa kuitamamin aajakui. Niig Us nugkanum pujujakui.

(Job) 5:19

Ame ishamainnum pujutaish, nigka kuashta aminak agkanmitkagmattawai. Tuja pegkegchauwa nunú waitkasti tusag idaitamsashtatui.

(Salmos) 1:6

Tuke Pujuuk aents pegkeg aidaun kuitamui. Untsu aents pegkegchau aidauk dita pegkegchaujinig waittsagtinai.

(Salmos) 2:11

Nuniakjum Apajuí eme anentsajum umigkujum shiig aneasjum ememattajum.

(Éxodo) 20:20

Tiagtai Moisés ditan ayaak: “¡Ishamkaigpa! Apajuí junak niina senchijin atumi iwaintugmak juniawai. Juna wainkag ataktuk tudaunak takaschatnume tujamu asa”, tiuwai.

(Proverbios) 1:7

Yachameta duka Tuke Pujuu eme anentsa umigbauwa nuwi nagkamnawai. Tuja aents pegkegchau aidauk unuimat pegkeg jintiamua nunak dakitawai.

(Jeremías) 19:5

Tuja nuigtushkam, wi dutikatajum tichamaitak, nuigtush makichkish anentaimtachbaujun, Baalan emematuinak dita uchijin maawag patasa apeatnun altaran najadau ainawai.

(Malaquías) 4:2

Untsu atum mina eme anenjautigminak shiig kuitamkattajime. Duka makichkish uukchamu paan etsa etsantujai betek atinai. Tuja pegkegchau awajtamkatag tuinakuish wi kuitamkatnaitjime. Dutikamu asajum, toro tsakatuch aidau wenuken batsatu jiinainak, shiig aneas tsekegama imanitnaitjume.

(Evangelio según San Mateo) 16:24

Nuna tii Jesús ni jintintaiji aidaun: —Makichik aentskesh mina jintintaig atatus wakegauk, niinunak idaiyak, waitiakush nemagtukti.

(Evangelio según San Mateo) 19:29

Tuja ashí aents mina nemagtuinak jeen, yachi aidaun, umayí aidaun, apajin, dukujin, nuwen, uchijí aidaun, nugke aidaun ukukiaju aidauk, dita ukukbaujin nagkaesau ciegka imaania jukiagtin ainawai, nuigtushkam pujut tuke atina nunash jukiagtinai.

(Evangelio según San Mateo) 5:16

Atumshakam nunisjumek, ashí pegkeg aidauk takaakjum aents aidaush iwaintuktajum, nuna wainainak atumin Apa nayaimpinum puja nuna emematiagtinme.

(Evangelio según San Juan) 3:16

“Wagki Apajuí ashí aentstin senchi anejatu asa, Uchijí makichkiuchia nuna sujamsauwai, ashí niina dekaskeapi tuidauk megkaekashtinme, ayatak pujut nagkanchau ajitnume tau asa.

(Los Hechos de los Apóstoles) 9:31

Dutikawagmatai iglesia aidauk ashí Judea nugkanum, Galileanmash nuigtú Samarianmashkam, shiig agkan batsatainak, Apu Jesusan puyatjus umijuidau, nuninak nuni nagkaemas kawedau Wakaní Pegkeji ichichmamat suinamu asag.

(Carta de San Pablo a los Romanos) 5:8

Tujash Apajuik ni anenkajinak iwaintugmakui, ii tudau ainajinig Cristo jutiiní mantamdauwa dui.

(Carta de San Pablo a los Romanos) 8:32

Apajuí niina Uchijinakesh sujitjamtsuk ashí aents aidau tudaujin mantamnati tusa awetugbauwa ibaush, ¿wagkag ni Uchijin ashí wajiin susatna dutiksag iinash amaschagti?

(Primera carta de San Pablo a los Corintios) 10:13

Atum pegkegchau anentaimtakjum waitiajum nunak tikich aents aidaush nunisag waituinawai, tujash Apajuik betek umina ibau asa atum katsunmainchaunmag waittsati tusag idaitamsachagtatui, ayatak ame pegkegchau anentaimkum waitiam dusha wajuk katsunjam nagkaemainaitme nuna yaimpaktatui.

(Segunda carta de San Pablo a los Corintios) 8:12

Wagki, aents dekaskenum wakejus dutikatjai tusa, wajupa ajawa nuna diis anenjauch sukagta nuna shiig anentus Apajuik jujawai, Apajuik aents atsuja nunak segatsui.

(Carta a los Hebreos) 11:19

Abrahamak, Apajuik senchigtina ibau asampap aents jakaunash inanmainaita tabaunum, uchijí mauwaitak Apajuí ataktú inaantukim jukiuwa numamtina nuna iwainawai.

(Carta a los Hebreos) 12:28

Tuja Apajuí inamtaijiya nuwi batsamsatnaitag duka makichkish umuchiam achatin asamtai, see tiagmi Apajuí ju pachisa. Nuniaku shiig puyatjusa, eme anentsá emematiagmi, niina shiig awagma dutiksaik.

(Carta de San Santiago) 2:18

Tujash tikichia nu chichaak: Aminak dekaskeapi tabau ajutjame, nuniai mina takaamu ajutui, iwaintugkakia dekaskeapi tabaugmia nu ame takatsuk, nuniamin wi iwaintuktagme mina dekaskeapi tabaujua nuna wi takaamug aina nujai.

(Apocalipsis) 19:5

Nuna tiagtai nunú ekeemtaiya nuiya chichaak: “¡Ashí niina inake aidautigmesh, eme anentsá diitai, eme anentsá diishtai aidautigmesh, iina Apajuijiya nu eme anentsajum ememattajum!” tabaun antukbaijai.

(1 Samuel) 15:22

Tusa timatai Samuel chichaak: “Kuntin maa, nuna neje ashí apeamua nuna nagkaesau, Tuke Pujuu tabau shiig antuka umigbauwa nunú niinak shiig awagmawai. Tuja nuigtushkam anentag dekas shiig pegkeg aidau Apajuí suwamua nuna nagkaesauwa duka nii umigbauwa nunuwai.