(Génesis) 21:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nunikmatai Sara anentaimas: “Apajuí minak dushimtijuje shiig aneasti tusa, nuadui wi uchigmakbaun ashí aents aidau dekawajag shiig aneenak dushijagtin ainawai”, tiuwai.

(Génesis) 21:6 Iomraidhean Croise

(Génesis) 17:17

Tusa tama Abraham tsuntsuma nijayin nugka antig pujus, niina anentainig chichas: “¿Aents cien mijanji ajamush uchinash akiimainashit? ¿Sarash noventa mijanji aja ibaush ejapjumainkait?” tusa dushiau.

(Salmos) 126:2

Nuniaku senchi dushimiaji, imaniaku shiig aneasa senchi kantamaiji. Nuniajin tikich nugkanmaya aents pegkegchau aidau chichainak: “¡Tuke Pujuu ditanak shiig pegkegnum yaigke!” tuyanume.

(Isaías) 49:15

“¿Nuwa nii jujegbaujinash wait anentsukesh kajimatkish idainukaih? Nuwa nii jujegbaujin kajimatki idaisaintai, tujash wika aminak makichkish kajimatkinuk idaisashtatjame.

(Isaías) 49:21

Tujamainakui atum chichaakjum: ‘¿Ya iinash uchinash imatikash amase? Iik kuashat uchigtuchu ayaji, nuigtush uchijinmainchau ayaji, iik uchiji yajutka ukukim uchigtuchu juwakuitji. Tujash ¿jusha tuwiya kaunae? ¿Jusha ya kuitamkam tsakakuita?’ titinaitjume”, tiuwai.

(Isaías) 54:1

Isaías chichaak: “Nuwa uchin uchigmachu aidauwah, shiig aneakjum kantamtai senchi kantamatajum, Apajuí chichaak: ‘Nuwa uchin uchigmachu asamtai, idaisamua duka aishinnun nagkaesau uchigtin atatui’, tawai.

(Jeremías) 20:15

Wi akiinamtai: ¡Aishmag akiinae! tusa mina apajun ujaka shiig anemtiksauwa duka shiig pegkegchau atin ati.

(Evangelio según San Lucas) 1:14

Nunikmatai shiig aneasam dakujustatme. Tuja kuashat aents aidaushkam shiig aneediagtatui nu uchi akiinamunum;

(Evangelio según San Lucas) 1:58

Nunikmatai nui ijutkau batsataidau, niina patayí aidaushkam Apu Apajuí wait anenjam uchigmakbaun antukaju asag Elisabetjai shiig aneasajui.

(Carta de San Pablo a los Romanos) 12:15

Shiig aneas pujaujaig, atumshakam shiig aneasjum pujustajum, tuja buutuidaujaig, atumshakam buuttajum.

(Carta a los Hebreos) 11:11

Dekaskeapi tabauwai Abrahamshakam muuntuch wajasuitak Sarashkam kaga ai senchin jukiuwai uchig aidau ajuttinme tabaunum, wagki Apajuí anagtuama nunak betekap umiktatua tau asa.

(1 Samuel) 1:26

Dutika Ana chichaak: “Mina apujuh, wait aneasam antugtukta. Yaunchuk juwi wi aminí ayaumsa pujusan Tuke Pujuun segaakun pujubiajai,