(Génesis) 17:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Abragkan noventa y nueve mijanji ajai, Tuke Pujuu wantintuk chichajak: “Antukta nijah, witjai Apajuí ashí senchigtinnuk. Nuadui amek mina emtijuig pegkegchau takamtsuk pujusta.

(Génesis) 17:1 Iomraidhean Croise

(Génesis) 12:1

Makichik tsawantai Apajuí Abragkan chichajak: “¡Amina nugkem, pataim aidau, apa jeshkam ukukta, nunikam wi ame pujustinun nugkan inaktustatjam nuwi wetá!

(Génesis) 12:7

Nuwi pujaun Tuke Pujuu Abragkan wantintuk chichajak: “Amina uchijum wegantu aidaun juju nugkanak susagtinaitjai”, tiuwai. Tusa tima Abram Tuke Pujuu emematku kuntin maa patasa apeatnun kaya ekenag najanauwai, wagki nuwi Tuke Pujuu wantintukbau asa.

(Génesis) 16:16

Agar niina uchiji Ismaelan uchigmakua nunak Abragnak ochenta y siete mijan ajujakui.

(Génesis) 18:1

Makichik tsawantai Abraham Mamrenum ikam encinar tutainum niina aakji waitijin etsa tajiajai eketun Tuke Pujuu wantintukui.

(Génesis) 18:14

¿Apajuí makichik waji tujinka dutiktsuk idaimainush awak? Tikich mijan atata duwi amina ijagsatasan ataktu tajuattajame. Nunú tsawantin Sara uchiji ajittawai”, tiuwai.

(Génesis) 24:40

Tusa tai nii mina aijak: ‘¡Apajuín wi emematkun umijag nunú, niina aentsji nayaimpinmayan emtika awemattawai, wagki nii uyuntamsamtai pegkegnum wekaesamnum tusa! Duwi amek mina uchiju nuwe atinuk yupichu mina apaju patayinia jukittame.

(Génesis) 26:2

Nuwi jegaa pujaun, Tuke Pujuu wantintuk chichajak: “Egiptunmak wepa, dekas wi amina titatjam nuwi weme pujusta.

(Génesis) 28:3

Apajuí ashí senchigtina nunú pegkegnum yumigtamsati, dutijamak nigki ame uchijum wegantunash shiig kuashat uyujkati. Imatikam nugka múun aidaunum batsamsagtin atinme.

(Génesis) 35:11

chichajak: “Witjai dekas Apajuí ashí senchigtinnuk; amek kuashat uchigtin atatme, nuadui ame wegantu aidaush imanisag agtinai. Nuadui ame wegantu aidau nugka muuntan yaaktamawag batsamsagtinai. Tuja ame uchijum wegantunmaya apu waigkagtin ainawai.

(Génesis) 43:14

Apajuí ashí senchigtina nunú atumnak yaimpaktinme, dutijamamtai apu wait anenjamag yatsumin Simeógkan agkanmitka, yatsum Benjamígnash emettsuk awagkiti. Untsu namputchawame nuna awakeachkuish, wika uchigtuchukesh juwaktin atajai!” tiuwai.

(Génesis) 46:3

Tutai Apajuí chichajak: “Witjai Apajuí amina apa Apajuíjinuk. Egipto nugkanum wetak ishamkaipa, awi pujusamin wi ame uchijum wegantunak shiig kuashat ikauntuktatjame.

(Génesis) 48:15

Nuna dutika Josén pegkegnum yumigkiak aatus tiuwai: “Mina apachug Abraham, Isaac Apajuín umijujaku aina nunú wi yama nagkamchakun akiinawaitag duwi nagkamas yamaikish tuke kuitamja nunú,

(Génesis) 48:3

Nunik ekemas Josén chichajak: “Apajuí ashí senchigtina nunú Canaán nugkanum yaakat Luz tutai awa nuwi mina wantintujuk, pegkegnum yumigtak,

(Génesis) 5:22

Nuna akia pujus Enoc trescientos mijan Apajuí wakegamun takajak pujusui. Tuja nuigtushkam tikich uchiji aishmag aidaun, nuwa aidaujai akigkui.

(Génesis) 5:24

Enokak Apajuí wakegamun takak pujau, makichik tsawantai ayatak megkaekauwai. Apajuí niinak jukiuwai.

(Génesis) 6:9

Jujuwai Noé pachisa augmattsamu. Noé aajakui aents shiig pegkeg, ima Apajuí wakejamunak takajaku, tuja tikich aents batsamajakua nujai ijumjamash niig dekas pegkejam aajakui.

(1 Reyes) 2:4

Nuigtushkam Tuke Pujuu mina anagtak: ‘Uchijum aidau pujutji pegkeg asag chichaman betek dita anentaijai, wakanijai mina umigtuinakuig, amina uchijum wegantu aidaunmayan tuke Israel aents aidau apuji ematnaitjai’, tujutiuwa nuna dutiksag umikti.

(1 Reyes) 3:6

Tusa tama Salomón ayaak: “Mina apag David amina inakem aajakua nunú ame tabaun betek umiak shiig takau asamtai, ame yaigkuitme. Tuja minashkam niina uchiji apu wajasa shiig takasti tujutu asam, wait anenjakum duka tujutme.

(1 Reyes) 8:25

Nuadui ame mina apag David chichagkum: ‘Ame wegantunmaya aidau shiig kuitamamas pujuinak, shiig takainakuig, nuwiyan apu atinun tuké etegtinaitjai’, tiuwaitam dushakam umikta.

(Job) 1:1

Makichik aents aajakui Job daagtin, pegkejam, utugchatji atsuju, Apajuí inake, pegkegchaun takasaig tusa kuitamamin aajakui. Niig Us nugkanum pujujakui.

(Salmos) 115:3

Iina Apajuíjig nayaimpinum pujawai, tuja nii wakegamu aidaun ashí najankauwai.

(Salmos) 116:9

Tuja iwaku juju nugka juwi pujag nuaduik, Tuke Pujuunak tuke umigkatnaitjai.

(Éxodo) 6:3

Wika Abrahaman, Isaakan, Jacopan wantintukuitag nuaduik: ‘Apajuí ashí senchigtinaitjai’ tuu iwainmamkauwaitjai. Tujash dekas mina daag ‘Tuke Pujuu’ tutaya nunak ujakchau ainajai.

(Daniel) 4:35

Apajuí emtinig aents aidauk tikima wainkaush ainawai. Apajuík nayaimpinmash, nugkanmash nii wajuk wakegawa nuna umiawai. Apajuíjai ainik tudaimainuk atsawai, nuigtush ¿wagka aikame? tusa tumainkesh atsawai’, tibaijai.

(Miqueas) 6:8

Tuke Pujuuk atumnak tuwita pegkejash, tuja aminunash wajina wakegawa nunak yaunchuk ujapakagmae. Duka utugchatchauwai shiig yupichuchi, tuja duka juju ainawai: Shiig takata nunú aneetajum, nuniakjum aents imanchauch aidaush wait anenjatajum, nuniakjum emematsuk ima minak emematjitajum tusa Apajuík wakegawai.

(Números) 11:23

Tutai Tuke Pujuu ayaak: “¿Amek mina senchijuk piipichik diyam? ¡Tuja wi taja dusha uminkatpash, atsa uminkashtimpash duka yamai wainkattame!” tiuwai.

(Números) 24:16

Wika Apajuí Wakani egkemjutjamtai tikishmaja pujusan, shiig paan wainjai Tuke Pujuu ashí senchigtina nunú nii wakegamujin mina iwaintujak, chichaman etsegkatnun sujawai.

(Evangelio según San Mateo) 19:26

Tiagtai Jesús ditan diis chichajak: —Aents diismak dutikmaitsui, tujash Apajuik ashí dutikmainai, tiuwai.

(Evangelio según San Mateo) 5:48

Dekas atumek betek umin atajum, atumin Apa nayaimpinum puja nu betek umina iman.

(Evangelio según San Lucas) 1:6

Ditak Apajuí eemtinish pegkegnak takaidau, nunidau asag Apu Apajuí chicham umiktajum tibauwa nui awa nunashkam imatiksag betek umidau.

(Los Hechos de los Apóstoles) 23:1

Dutikam Pablo apu ijunjau aidaun shiig esetug diis chichaak: —Yatsug aidauh, wika Apajuí emtinish pegkeg anentaiyai pujusuitjai yamaiya juishkam nunisnuk pujajai.

(Los Hechos de los Apóstoles) 24:16

Nuniau asan Apajuí eemtinish, nuigtú aents aidaunmash mina anentaimtajuish pegkeg, wantinkatasan kakanmamjai.

(Carta de San Pablo a los Efesios) 3:20

Nuadui Apajuí emematiagmi, ii wají dutikatasaya segaji nuniachkuish wají anentaimtaji nuna nagkaegas ashí pegkejan dutikmaina nu, nunak niina senchijí jutiiní awa nujai dutikmainai.

(Deuteronomio) 10:17

Wagki Tuke Pujuu atumi Apajuíjiya duka tikich apajuímtai aina nuna nagkaesau, ashí apu aidaun Apujiyai. Niig dekas Apajuí múuntai, senchigtinai, tuja ishamainai, niig aents aidaunak etegka idaitsuk ashí betek kuitamnai, nuigtushkam wait anenjugti tusa akiamkesh amaitsui.

(Deuteronomio) 30:20

Tuke Pujuu atumi Apajuíjiya nunú ima aneetajum. Nuniakjum nii umigkatajum. Tuja nii tabauwa nunú betek umigkatajum. Nunú betek umiakjumek, atumi apachjum Abraham, Isaac, Jacob aatus aajaku aina nuna Tuke Pujuu atumi Apajuíjum nugkan amastinaitjime tusa anagkuawa nuwi jegajum kuashat tsawan pujustinaitjume”, tiuwai.

(Carta de San Pablo a los Filipenses) 4:13

Ashí nunak nunimainaitjai, Cristo senchimtijau asamtai.

(Carta a los Hebreos) 12:28

Tuja Apajuí inamtaijiya nuwi batsamsatnaitag duka makichkish umuchiam achatin asamtai, see tiagmi Apajuí ju pachisa. Nuniaku shiig puyatjusa, eme anentsá emematiagmi, niina shiig awagma dutiksaik.

(Carta a los Hebreos) 7:25

Nuadui niiyai tuke atinun uwemtikagtumainuk, jutii niiní yunumka Apajuiyaish jegajinig. Nigka tuke pujuuwa ibau asa Apajuin segatjamui.