(Génesis) 16:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nuna tusa nuigtushkam chichajak: “Amina uchijum wegantunash shiig kuashat ikauntuktinaitjame, dutika ai makichkish dekapamainchau atinai.

(Génesis) 16:10 Iomraidhean Croise

(Génesis) 13:16

Amina uchijum wegantu aidaunak nugka yukukuntujai betek awajsattajai. Nugka yukukuntu dekapamainchawa iman amina uchijum wegantushkam dekapamainchau agtinai.

(Génesis) 16:9

Tusa tutai, Apajuí ángel tumain chichajak: “Wakitkita amina takagtaigmin, nunika jegaam Saraiyai sumimkata”, tiuwai.

(Génesis) 17:20

Ame mina Ismael pachisam tujutam nunashkam antugkajame, nuniku asan wi pegkegnum yumigsattajai. Niina uchijish kuashat atinai, tuja niina uchiji wegantunmayanash kuashat uyujkatnaitjai. Ismaelak doce apu agtina nuna apaji atinai. Aatus nugka muunnum batsamsatin ainawai.

(Génesis) 21:13

Tujash amina uchijum inaknum akiinauwa nuwiyanashkam amina uchijum asamtai, kuashat ikauntuka ai yaakat múun wajastinai”, tiuwai.

(Génesis) 21:16

Dutika aepeak, nigka tupaan ekemas anentaimas: Mina uchig jau waintanak dakitajai, tau. Nunik eketai uchijishkam buutu.

(Génesis) 21:18

Nuadui wamak weme uchi jukim akuptsuk takusta, wagki anú uchia anuiyan wi kuashat aentsun uyujkatnaitjai, dutika ai shiig kuashat agtinai”, tiuwai.

(Isaías) 63:9

Israel aents aidaun waitkagtaik, niig tikichin akupkag ayamjukchauwai, dekas nii Apajuí taa ayamjukui. Apajuík niina anenken, niina senchijin aatus, Israel aents aidaunak wait anentak tuké ayamjuk uwemtiknai.

(Malaquías) 3:1

Tuja Tuke Pujuu ashí senchigtina nunú chichaak: “Wi taatnun jintan umigtukti tusan mina chichamjun etsegnun awemattajai. Atum Tuke Pujuu dakajum duka pachiachbaunum wamak niina jee pegkegma nuwi wayattawai. “¡Chicham umikbaun jintinjamatna duka minawai!” tawai.

(Evangelio según San Juan) 1:18

Apajuinak makichik aentskesh tuke wainkachu ainawai, ni Uchijí makichkiuch Apajijai ijunag pujuwa nunú dekamtijamauwai.

(Primera carta de San Pablo a Timoteo) 6:16

Nigkiyai jachauwa dushakam, tsaaptin adigmainchaunum pujuwa nu, makichkish wainchatai nuigtush wainmainchauwa nu, niina senchijish, ni inabaujish tuke atina nu ememattai atí. Aatus atí.

(Jueces) 6:11

Nuna tiu ai Apajuí ángel tumain yaakat Ofránum taa numi encina wajaunum nuna wajautin ekemsauwai. Nunú numik Joás Abiezer wegantu aajakua nudau aajakui. Tuja nunú tsawantinig Gedeón Joása uchiji Madián aents aidau waitkainum tusa, uumak vino najanatasa uva najatainum pujus trigon awatug akaak pujau.

(Jueces) 6:16

Tusa tutai Tuke Pujuu ayaak: “Wi amejai pujau asamtai, duka dutikattame. Nuadui Madián aents aidauk makichik aents depetmaina numamtuk depetkam ijinattame”, tiuwai.