(Génesis) 15:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Nunú ashí nagkaemaju ai, Apajuí Abragkan wakanmantun wajantun chichajak: “¡Abragkah, ishamjukaipa, witjai amina kuitamnunuk! Amek shiig kuashat wajigtin atatme”, tiuwai.

(Génesis) 15:1 Iomraidhean Croise

(Génesis) 15:2

Tusa tama Abram ayaak: “Apu Tuke Pujuuwah, ¿wisha nunash itugkatnunak ibaunash waketaja? Amek, mina uchig atsugta duka shiig dekame. Amek minak makichik uchikesh sujuschaume, nuadui ashí mina wajiig aidaunak, nugkajai nagkamas, wi tsakapagbau Eliezer Damasconmayaya nudau atinai” tiuwai.

(Génesis) 15:4

Tutai Tuke Pujuu ayaak: “Antukta nijah, juju ashí amina wajijum aina duka amina uchigminu atinai, tikich aents amina uchigmichuk jukishtinai”, tiuwai.

(Génesis) 21:17

Nunik uchi buutun Apajuí antugkauwai. Nunik Apajuí ángel tumain Agaran chichajak: “¿Wagka Agarah amesh aniame? Ishamkaipa, Apajuí uchi buutun antuke.

(Génesis) 22:1

Kuashat tsawan asa, Apajuí Abrahaman niiyai kajinas anentaimak dekaskeapi tabaujin dekapsatatus niina daajin adaitus untsukui. Tusa untsuam nii ayaak: “Juwi pujajai”, tiuwai.

(Génesis) 22:20

Nuwi kuashat tsawan pujus, Abraham niina yachi Nacoran nuwe Milcá, niina aishinak kuashat uchin uchigmatkauwai tabaun dekauwai.

(Génesis) 26:24

Tuja nunú kashia duik Tuke Pujuu Isaakan wantintuk chichajak: “¡Witjai amina apa Abrahama Apajuíjinuk, makichkish ishamkagtukaipa, wi aminak kuitamjame! Abraham mina chichamjun umigtukua duwi aminash aikasnuk pegkegnum yumigsan, amina uchigmin uchiji wegantu agtinashkam ikauntuktatjame”, tiuwai.

(Génesis) 31:7

Imatika takagmaitak, nii minak imaan akiktajame tujutbaunak tsanujug, nuna yapajia midau amainnak sujatsui. Tujash nii dutijutaishkam, Apajuíya duka minak tukek idaituschae, Labán pegkegchau awajkai tusa.

(2 Samuel) 22:3

Ametme mina Apajuígmek, ametme kaya muunnum uumka ejamtayama imanmek, ametme mina ejamaka uwemtaijuk. Ametme senchimek, mina uwemtijinmek; amek dekas shiig yakí, mina uumka uwemtaijuitme. Amek dekas shiig yakí mina ejamataijuitme, ametme mina uwemtijin. ¡Aents magkagtin aidau mantuatag tuinakuish, ame minak ayamjutkabiume!

(Salmos) 115:10

Sacerdote aidautigmesh ima Tuke Pujuuwaig kajinmamsa anentaimtajum. Wagki nii jutiinak yaimpawai, tuja nigki kuitamjamui.

(Salmos) 27:1

Tuke Pujuuwai mina tsaaptinjuk, Tuke Pujuuwai mina uwemtaijuk, Tuke Pujuuwai mina pujutjun kuitamjutuk, nunin aish ¿yanak wisha ishamkainja?

(Salmos) 84:11

Wagki Tuke Pujuu Apajuí iinak ejapak kuitamjamui; tuja aents tudau takatsuk batsata nunak, nii wait anentak eme anentus kuitamui, dutikak waji pegkeg aidaunak sujitatsui.

(Salmos) 84:9

Apajuíyah, jutii ejamaktin ame etegkam apu emauwaitam nunú shiig anentsam kuitamkata.

(Salmos) 91:4

Wagki niig atash niina nanapen uchuchiji aidaun dukuka kuitamama numamtuk kuitamjamnai, nuadui amek puyattsuk shiig aneasam pujustinaitme. ¡Niina anenkega duwi aminak tantag ejamatia numamtuk ejapak kuitamjamkattawai!

(Éxodo) 14:13

Imatiagtai Moisés ditan ayaak: “¡Ishamkagtutsuk anentaim ichichiagtajum! ¡Nuniakjum Tuke Pujuu iina ayamjutpak dutikatta nunú wainkatajum! Yamai atum egiptunmaya aidau wainjum duka ataktu awagkigmek wainkashtinaitjume.

(Isaías) 35:4

Tuja sapig aidau chichagkujum: “¡Ishamkagtutsuk, aishmag wajastajum! ¡Amina Apajuíjum juwi pujawai uwemtijamjagtatus, tuja iina shiwaaji aina nunak nii suwimkan susattawai!” titajum.

(Isaías) 40:10

Apu Tuke Pujuu niina senchijijai minawai, nuniak nii ima senchigtin asa, ashí depetmak minawai. Nunik minak niina aentsji aidau waitkam batsatun yajuak inimui.

(Isaías) 41:10

Ishamkagtukaigpa, wi atumjaig pujajai. Ishamkagtukaigpa, witjai atumi Apajuíjinuk. Wi atumnak senchimtikajime, wi atumnak yayajime, mina uweg senchigtin depetmauwa duwi ayamjukan kuitamjime.

(Isaías) 41:14

Tuja Apajuí ataktu awagki chichaak: “Jacob wegantu Israel aents aidautigmek, piipich kakakchau ainakjumesh, ishamkagtukaigpa, wi atumnak yayajime. Witjai Israel aents aidau Apajuíji pegkegmanuk, wi atumnak agkanmitkauwaitjime.

(Isaías) 43:1

Jacob wegantu Israel aents aidauwah, Tuke Pujuu atumin najapauwa nunú chichagtamak: “Ishamkagtukaigpa, witjai atumin agkanmitkaunuk, wi atumnak daagmin adaisan midau atinme tusan etegkauwaitjime, nuadui atumek midau ainagme.

(Isaías) 43:5

Ishamkagtukaigpa, wi atumjaig pujajai. Amina aentsjum aidau etsa minitaiya nuni, tuja etsa akaetaiya nuni batsata nuna ijumjatasan yajuakan ikaunmattajai.

(Isaías) 44:2

Witjai Tuke Pujuu, atumin najanaunuk, atumek eke akiintsugminig najanauwaitjime. Wi atumnak yayajime. Amek Jesurún Jacob wegantu, mina inakeg wi etegkamuitme, nuadui ishamkagtukaipa.

(Isaías) 44:8

¡Makichkish ishamkagtukaigpa! Yaunchuk nagkamsan emtikan junak ujakuitjime. Duka atumek shiig dekagme, tikich Apajuík wijai betekak makichkish atsawai. Tikich Apajuí atumin kuitamjamainuk atsawai. Wika tikich Apajuínak waintsujai.

(Ezequiel) 1:1

Witjai sacerdote Ezequiel, Buzí uchiji. Babilonianmaya aents aidau apu Joaquígkan achika juwinak tikich Israel aents aidaujai ijumag achijuk jujukiajabi. Dutijuawagmatai Babilonia nugkanum cinco mijan pujusan, mina mijanjun treinta mijan ejeyu ai, tsawan cincotin, nantu Tammuz takau ai, kajanum namak Quebar aajakua nuwi uwet eketai, nayaim ujaniabi. Nunikmatai Apajuín wainkabiajai, nunikan Tuke Pujuu senchijin dekapjabiajai, dutijua ashí iwaintugkabi tikich tsawantinish wajig nagkaemagtinush ayi nuna.

(Números) 12:6

nunik jegantagmatai Tuke Pujuu ditan chichajak: “¡Antuktajum wi titatjim nunú! Atum ainajum anuiyan wi makichik profeta apusamua nujaig wika ayatak wakanmanta wajantan, tuja kajanum aajan chichajai.

(Números) 24:4

Wika Apajuí Wakani egkemjutjamtai tikishmaja pujusan, paan wainjai. Tuja Apajuí ashí senchigtina nunú mina nii wakegamujin iwaintujak, chicham etsegkatnun suja nuna ima shiig paan dekajai.

(Evangelio según San Mateo) 28:5

Nunikaju ai, ángel nuwa aidaun chichajak: —Ishamkaigpajum, wika dekajai atum Jesusan achijagma nu egajum nunak.

(Evangelio según San Mateo) 8:26

Tama ditan ayaak: —¿Wagka sapigmajume aents imatikas dekaskeapi tuchau aidauwah? Tusa nantakí dasen, kuchanashkam imijiaku, dutikam kuchashkam miyasuch wajas patamsauwai.

(Evangelio según San Lucas) 1:13

nunitai ángel chichajak: —Zacariasah ishamkaipa, wagki ame Apajuí augbauk antuekae, nuniau asamtai nuwem Elisabet aishmagkun uchigmakmatai Juan adaikattame.

(Evangelio según San Lucas) 1:30

Nunitai ángel chichajak: —María ishamkaipa, aminak Apajuí wait anenjamjae,

(Evangelio según San Lucas) 12:32

“Ishamkaigpajum, ujumak mina jintintaig ainajum nuutigmek, wagki atumnak Apa Apajuiya nu mina inamtaijui pujustinme tusa wakejutpagme.

(Los Hechos de los Apóstoles) 10:22

Tama dita aiinak: —Capitán Cornelio, pegkejan takaak Apajuin emematin asamtai ashí judío aidaush aneas wakegas diin aina nunú awetamatai minaji. Nuna Apajuí angelji chichajak amina ujaktá, dutikam ni jeemin tajutjamati, nunik ni tujamkui shiig antugkata tibau asa, tuidau.

(Primera carta de San Pablo a los Corintios) 3:22

Wishakam, Apoloshkam, Cefaschakam, nugka dushakam, pujutash, jaamushkam, atum yamai pujajum dushakam, atak atina dushakam. Ashí ju aidauk atumdau ainawai,

(Deuteronomio) 31:6

Mijamtsuk wajiu wajastajum. Atumi shiwaajum aina nujai maaniakjumesh ishamkagtukaigpa, wagki Tuke Pujuu atumi Apajuíjum atumnak kuitamjamui, nuniau asa ima atumnakek kajimatjamkig idaitamsashtatui”, tiuwai.

(Carta a los Hebreos) 1:1

Apajuik yaunchuk iina muunji batsamajakajua nunak niina etsegtin aajakajua nuwi kuashtá au aujkawa inibiajui ni wajuk ausata tawa dutiksag.

(Apocalipsis) 1:17

Imanun wainkan, ni wajamunum ayaumsan tuke jakaujai betek iyagbaijai, nuniai ni uwejí untsujin achijak: Ishamkaipa Witjai nagkamtinish tuke pujusunuk, ajumaish tuke pujutnunuk;

(Rut) 2:12

Nuna tusa ataktu chichajak: “¡Atashu uchiji dukuji nanapen waigka ayamjumama numamtuk, amina kuitamjamkatna nunú Tuke Pujuu Apajuí Israel aents aidaun Apajuíjiya nuwi yunumkaume! ¡Nuadui wi niina segajai, ame kuashat takasum nuna akigmakti tusan!” tiuwai.

(1 Samuel) 15:10

Dutikawagmatai Tuke Pujuu Samuelan chichajak:

(1 Samuel) 9:9

(Initaikik makichik Israel aentskesh Apajuín inias dekatag takug: “Aents anentaimas ejenun iniasan dekatjai” tujaku ainawai. Nunak yamai ii profeta taji nuna taku tujaku ainawai.)