(Génesis) 12:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nunik nuwi pujau Néguev nugkanum wegak aakjin tegaja yajuak, diipas jintá kanag waja wajakua weuwai.

(Génesis) 12:9 Iomraidhean Croise

(Génesis) 13:1

Abram niina nuwejai Egipto nugkanum pujau Néguev nugkanum wakitkiuwai. Nuwi weak ashí niina wajijinak yajuak weuwai. Nunik weak niina yachi uchijin Lotan ayauwai.

(Génesis) 13:3

Néguev pujau wakitki diipas jintá kanag waja wajakua jegauwai yaakat Betelnum. Tuja nuwi juwaki yaunchuk nii pujujakbau yaakat Betelan nagkaiki, yaakat Hai tawa nuwi jegatsuk ejapeen aajakua nuwi weuwai.

(Génesis) 20:1

Abraham nii pujamun ukuak Néguev nugkanum weuwai. Nunik nuwi jegaa yaakat Cades, Shur nugkajai niinis awa nuwi ejapena yaakat Guerar tawa nuwi pujusui.

(Génesis) 20:13

Apajuí chichagtak: ‘Amina apa jeen pujam duka jiinkim wetá’ tujutmatai, Saran chichagkun makichik yaaktanmakesh jegakuik mina ubajui tujutta tusan tiuwaitjai”, tiuwai.

(Génesis) 24:62

Tuja Isaakak Néguev nugkanum pujujakui. Nuniayatak makichik tsawantai yumigmat “Iwaku pujuuwa nunú minak waitui” tutainum weuwai.

(Salmos) 105:13

Nunidau asag, tikich nugkanum shiyakag, nuwi batsamas, nuna ukuinak tikich apu aidau batsatbaunum jegawag, nuwi ujumchik tsawan pujusag, waja yujayanume.

(Isaías) 30:6

Tuja Isaías chichaak: “Juna Apajuí aatus tawai: ‘Israel aents aidauk egiptunmaya aents aidau ayamjutpaktinme tusag dita wajiji aidaun, dita burrojin, camellojin aatus patag yajuakag, Néguev nugka ishamain, león aidau, dapi aidau, dragón nanamtin aidau aatus ayamunum shimuinawai,

(Deuteronomio) 1:7

Nuadui aakjum aidau tegakjum, wajijum yajuakjum amorreo aents aidau batsatbaunum mujá wetajum. Nunikjum nuna yantamen tikich nugka ayá nuwi batsamsatajum. Duka nugkak juju ainawai: Arabá nugka, ikam tepaju, nugka paka weaju, Néguev nugká, nugka nayantsa pakaji, canaágnumia aents aidau nugke, nuigtu Líbano nugka, namak shiig múun Eufratesa aatus jegawai.