(Génesis) 12:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Ame uchijum wegantu aidaunak wi shiig kuashat uyujkatnaitjai, dutika ai shiig kuashat agtinai. Wi aminak pegkegnum yumigsattagme, tuja nuigtush eme anentsa chichagtai atatme, nuadui aminiyan tikich aidaush pegkeg yumigkin jukiagtinai.

(Génesis) 12:2 Iomraidhean Croise

(Génesis) 13:16

Amina uchijum wegantu aidaunak nugka yukukuntujai betek awajsattajai. Nugka yukukuntu dekapamainchawa iman amina uchijum wegantushkam dekapamainchau agtinai.

(Génesis) 15:5

Nuna tusa Abragkan agá jiiki chichajak: “Yamai nayaim shiig diista, dutikam yaya ayá nunú ame dekapamainaitkumek dekapagta. Juju dekapamainkait, iman atinai amina uchijum wegantu aidauk”, tiuwai.

(Génesis) 17:20

Ame mina Ismael pachisam tujutam nunashkam antugkajame, nuniku asan wi pegkegnum yumigsattajai. Niina uchijish kuashat atinai, tuja niina uchiji wegantunmayanash kuashat uyujkatnaitjai. Ismaelak doce apu agtina nuna apaji atinai. Aatus nugka muunnum batsamsatin ainawai.

(Génesis) 18:18

wagki niig dekas kuashat aents agtina nuna apaji atatui. Nuigtushkam wi niinak, aents ashí nugkanmaya aidaunmayash ima niinig pegkegnum yumigkiam atinme tusan anagkuawaitjai.

(Génesis) 18:19

Wi niinak etegkauwaitjai, ashí niina uchiji wegantu aidaunash mina chichamjun jintintuati, dutikam minák umigtuktinme, nuninak ima pegkeja nunak takastinme tusan. Nuna aatus uminakui, wi anagkuawaitag nunak imatiksanuk umiktatjai”, tiuwai.

(Génesis) 19:29

Aatus Apajuí yaakat nugka pakanum aajaku aina nuwi Lot pujujakua nunak ashí tsaikui. Tujash Apajuík Abrahamnak kajimatkichui. Nuadui niina yachi uchiji Lotan jiiki uwemtikjauwai.

(Génesis) 24:1

Abrahamak shiig múuntuch wajasui. Tuke Pujuu niinak ashí pegkegnum yainkui.

(Génesis) 24:35

Mina Apug Abrahamnak Tuke Pujuu shiig kuashat pegkegnum yaigkui. Dutikak uwijan, bakan, platanash, oronash, inak aishmag aidaun, inak nuwa aidaujai, nuigtu camellon, burro aidaun aatus ashí susa wiakuch awajsae.

(Génesis) 25:11

Abraham jakamtai, niina uchiji Isaac yumigmatan daaji “iwaku pujuuwa nunú minak waitui” tutainum ayaumas pujaun, Apajuí pegkegnum yumigjauwai.

(Génesis) 26:3

Tuja yamaikik juju nugka juwig pujusta, wi aminak kuitamkattagme. Wi aminak pegkegnum yumigsattagme. Tuja amina uchijum wegantu aidaun ashí juju nugka aina juna susattajai. Wi amina apa Abrahaman anagkuawaitag nunak, nuni umiktatjai.

(Génesis) 26:4

Amina uchijum wegantu aidaunak nayaimpinum yaya dekapamainchauwa iman awajsattajai. Dutikakun juju nugka junash ashí ditanak susattajai. Tuja nuigtushkam, ashí tikich nugkanmaya aidaush amina uchijum wegantu aidaunum yunumas pegkeg yumigkin jukiagtinai.

(Génesis) 27:29

¡Kuashat aents aidau aminak takagtamiagtinai, nuigtushkam nugka muunnumia aidaush ima aminak antugtamainak umigtamiagtinai! ¡Ame apu wajasamin, yatsumshakam amina umigtamtinai! ¡Amina pegkegchaunum yumigtamaidauk, ditashkam dutiksaik pegkegchaunum yumigkiam agtinai! ¡Untsu amina pegkegnum yumigtamaidauk, ditashkam dutiksaik pegkegnum yumigkiam agtinai!” tuu yumigjauwai.

(Génesis) 28:14

Dita aidauk kuashat yujakag, nugka yukukuntu dekapamainchauwa iman agtinai. Iman asag ashí nugka pampankag etsa minitaiya aatus, etsa akaetaijiya ajashkam, tsumujiya aatus, nujinmaninishkam ashí yujakagtin ainawai. Ashí aents nugkanum batsatuk aminí, nuigtu ame uchijum aidau wegantu agtina nuwishkam, pegkeg yumigkin jukiagtinai.

(Génesis) 35:11

chichajak: “Witjai dekas Apajuí ashí senchigtinnuk; amek kuashat uchigtin atatme, nuadui ame wegantu aidaush imanisag agtinai. Nuadui ame wegantu aidau nugka muuntan yaaktamawag batsamsagtinai. Tuja ame uchijum wegantunmaya apu waigkagtin ainawai.

(Génesis) 46:3

Tutai Apajuí chichajak: “Witjai Apajuí amina apa Apajuíjinuk. Egipto nugkanum wetak ishamkaipa, awi pujusamin wi ame uchijum wegantunak shiig kuashat ikauntuktatjame.

(2 Samuel) 7:9

Dutikau asan ame tuwi wekaeyume nuniakminish, wi aminak kuitamkauwaitjame. Tuja amina shiwaajum aidau jetepainakuish, amina ayamjakun ijinawabiajai. Wi aminak tikich aents eme anentsa diitai aina iman eme anentsa diitai awajsajame.

(1 Reyes) 1:47

Nunikmatai apu Davitan atuwe suntaja apuji aidau shiig anentuinak Davitan nagkaesau Apajuí yaigti, dutikam shiig takasti tusa tiagtatus shimutkaje. Tuja Davidchakam Apajuín emematak niina pegajinig tsuntsuma tepese.

(Salmos) 107:38

Apajuí ditanak yayawai, tuja dita tagkuji aidaunashkam kuashat ikauntawai.

(Éxodo) 1:7

Nunikagmataish dita uchiji aidauk kuashat akiinak wedau asag, shiig kuashat yujakajui. Imaanidau asag ditash senchigtin wajasag nugka dita batsatbaunmak piyakajui.

(Éxodo) 32:10

¡Nuadui amek makichkish ayamjukaipa! ¡Wika shiig senchi kajekjai, nuniku asan ditanak ashí ijinattajai! Tujash ame wegantu aidaunak shiig kuashat ikauntuktatjame”, tiuwai.

(Ezequiel) 34:26

“Mina uwig aidaunak midau muja pegkegma nuna yantamen batsastatjai, tuja ditanak wi yaigtatjai, dutikakun yuminashkam nunú tsawantin yutugti tibaunak imatiksanuk yutumtijattajai.

(Miqueas) 7:20

¡Iina apachji Abraham, Jacob, nuigtu tikich iina muunji aajaku aidau anagkuawaitam duka, dutiksamek wait aneasam amina anenkagmin tuke kuitamkagtuktin ata!” tiajui.

(Números) 14:12

Nunin asagmatai wi ditanak jata ishamainun awetittajai, dutika ai jinawag wi nugka pegkejan anagkuawaitag nuwig wayashtinme tusan. Tujash aminiyanak kuashat aentsun uyujkatnaitjai, dutika ai Israel aents aidaun nagkaesau kuashat, senchigtin agtinai”, tiuwai.

(Números) 22:12

Tusa tutai Apajuí Balaaman chichajak: “Anú aents aina nujaig wepa, tuja nunú aents aina dushakam pegkegchaunmak yumigjaipa, wagki ditak wi pegkegnum yumigjamu ainawai”, tiuwai.

(Números) 23:20

Nuniau asa Israel aents aidau pegkegnum yumigjata tusa Apajuí tujutne. Nuadui Apajuí pegkegnum yumigkiamunak wika pegkegchaunmak yumigmaitsujai.

(Carta de San Pablo a los Romanos) 4:11

Nunik pujus Abrahamak pakamakui, ayatak Apajuí dekaskeapi tabaunum pakamakchau ajinkesh Apajuí pegkeg ainagme tujama nuna iwainakta tau asa. Nuniku asa Abrahamak pakamakchau ainayatak Apajuí dekaskeapi tuina nuna apají wajasui, ashí nunin aidaunak Apajuik betekmas pegkeg diyawai.

(Carta de San Pablo a los Gálatas) 3:14

Nunak Apajuí Abrahaman pegkejan anagkuauwa nunash, judiochu aidaush Cristo Jesús dekaskeapi tabauwai, Apajuí Wakaní Pegkejin anagtamauwa nunash jukitnume tabaunum nunikui.

(Carta de San Pablo a los Gálatas) 3:7

Nunin asamtai jujú dekaatajum, Abraham weantu aina duka, Apajuiyai dekaskeapi tuina nu ainawai.

(Deuteronomio) 26:5

Dutikamtai Tuke Pujuu amina Apajuígmi emtin ame chichaakum: “Mina apachug arameo aents aajaku aina duka kuashtachu, nuigtush nugkenchau yujajaku ainawai. Nunik yuja yujakua Egipto nugkanum shiyakag nuwi batsamsajui. Nuwi kuashat tsawan batsamas shiig kuashat yujakag senchigtin wajasajui.