(Génesis) 12:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nunú tsawantin ashí nugkanum senchi yapajut tepeauwai. Nuadui Abram niina patayi aidaujai Egipto nugkanum pujustatus weuwai, wagki nii pujamunmag makichik yumainkesh shiig atsau asamtai.

(Génesis) 12:10 Iomraidhean Croise

(Génesis) 41:56

Ashí nugkanum yapajut tepeau asamtai, aents aidauk senchi waituidau, imaniagtai José trigo ijumjamun ashí ujainiuwai egiptunmaya aidau sumaktinme tusa, yapajut aan senchi tepea wegau asamtai.

(Génesis) 41:57

Tuja ashí tikich nugkanmaya aents aidaush José trigo ijumjamu sumakmi tusag Egipto nugkanum shimujakui, wagki ashí tikich nugkanmakesh yutaig shiig atsau asamtai.

(Génesis) 42:5

Tuja ashí Canaág nugkanmag nujan tepeau asamtai, Israela uchiji aidauk tikich aents aidaujai ijunag Egipto nugkanum trigon sumakagtatus shiyakajui.

(Génesis) 43:1

Tuja aan nagkaemas nujan tepea wegau asamtai,

(Génesis) 47:13

Ashí nugka aidaunmak makichik trigokesh atsujakui, nuadui nujantak aan senchi wegau. Nuniau asamtai, egiptunmaya aents aidauk canaágnumia aidaushkam nujantai jinuidau.

(2 Reyes) 6:25

Dutikam epemi batsatu asagmatai, nunú tsawantin Samaria nugkanum nujan tepeauwai. Nuadui burro buuke akikeg ochenta plata najanamu aajakui. Untsu pauma iji jimaituk litro tumain yajamun akike cinco plata najanamu aajakui.

(Salmos) 105:13

Nunidau asag, tikich nugkanum shiyakag, nuwi batsamas, nuna ukuinak tikich apu aidau batsatbaunum jegawag, nuwi ujumchik tsawan pujusag, waja yujayanume.

(Salmos) 107:34

Tuja nugka ajak shiig tsapaunash, nuwiya aents aidau tudaujin ajak tsapachu emawai.

(Salmos) 34:19

Tuke Pujuun umigna duka kuashat utugchatan igkuawai, tujash niinak Apajuí depetmatnak suwawai.

(Jeremías) 14:1

Yumi yututsuk kuashat tsawan au asamtai, Tuke Pujuu Jeremíasan chichajak:

(Evangelio según San Juan) 16:33

Juna tajim junak, minaiya shiig agkan pujuta nu ajitnume tusan tajime. Ju nugka juig waitiamuk igkugtinaitjume, tujash ichichmamjatajum, wi ju nugkanmayanak depetkajai.

(Los Hechos de los Apóstoles) 14:22

Nui jegawag Jesusa nemajuidaun chichajuinak: —Atumek dekaskeapi tiuwaitjum nuig emetmamatajum, Apajuí inamtaijin wayata takuik, kuashat waitiamuk inagkemainai, tiaju.

(Los Hechos de los Apóstoles) 7:11

“Nuniku ai yumi yututsuk asamtai nugka buku wajasui ashí Egipto nugkanum nuigtú Canaagshakam, nunikmatai yapajut tepeamtai senchi waitiamu asauwai, nuniau asamtai iina muunji aajakajua dushakam yumainjig atsujuidau.

(Rut) 1:1

Israel aents aidaunmak eke apu adaijachbau asamtai, ayatak makichik aents Apajuí etegkamu ayamjukam batsamajaku aina, nunú tsawantin ditá nugken ashí nujan tepeauwai. Nunikmatai makichik aents Elimélec daagtin, Judá nugken yaakat Belégnum pujau, Moab nugkanum ujumak tsawan pujustatus weuwai. Nunik wegak niina nuwe Noemí nuigtu niina uchiji jimag: Mahlón, Quilión aatus juki weuwai. Dita aidauk Belégkanmaya ainayatak, Belégkan tikich daaji Efrata tutai asamtai, Efrata aents tutai aajaku ainawai. Nunik shiyakag Moab nugkanum jegawag nuwi batsamsajui.