(Génesis) 11:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Aatus tusa, Tuke Pujuu chichaman pachimjuk, ashí nugkanum dapampaak ishiakui. Dutikamu asag yaakat najantanak idaisaju ainawai.

(Génesis) 11:8 Iomraidhean Croise

(Génesis) 10:25

Heberak jimag uchijin akiauwai. Nuwiya makichik Péleg daagtin aajakui. Nunak nii pujusmatai, ashí aents aidau pampagkag maki makichik nugkentin wajasajua duwi tuu adaikau ainawai. Tuja niina yachig Joctán aajakui.

(Génesis) 10:32

Juju adaijag nunú ainawai Apajuí yumin yutumtikag aentsun ijinawa duwi batsamas Noé uchiji wegantu akigbau aina duka. Nuniayatak ditash kanakag tikich nugkanum pampagkag batsamsaju ainawai.

(Génesis) 10:5

Juu aajaku ainawai Jafeta uchiji wegantu aidau, juka maki makichik tikich chichaman chichaku aajakajui. Nunidau asag dita patayi aidaujaig etegdayag, nayantsa pakajin nugka muunnum, tuja ajuntainmashkam batsamsaju ainawai.

(Génesis) 11:4

Dutikainak: “¡Kaunatajum yaakat najanawagmi, dutikaku kumpin jiika, nuwi eke ekenkawa nayaimpinum iwakmi! ¡Ibau umiku asaja, eme anentsa diitai atin amí! Tuja pampagka tikich nugkanmak shimutsuk juwig tuke batsamsatin agmi”, tuidau.

(Génesis) 11:9

Nuadui nunú yaaktanak Babel adaikau ainawai. Wagki nunú nugkanum Tuke Pujuu aents aidaun chichaman pachimjuk dapampaak ashí nugkanum ishiaku asamtai.

(Génesis) 49:7

¡Atumek pegkegchau, dekas shiig pegkegchau! Atumi kajetjumik kuntin ikamia kajena ibauwai. ¡Nuadui wi atumnak ashí Israel nugkanum dapampaaktinaitjime!

(Salmos) 33:10

Tuke Pujuuk aents pegkegchau tikich nugkanmaya aidau pegkegchaun dutikatag tusa anentaimtugbaujin betek umikti tusag ayatkek idaitsui.

(Evangelio según San Lucas) 1:51

Nigka senchigtina ibau asa junak jutikae; dutikak emebau aidau dutikatasa anentaimtusbaujinash wainak emake.

(Deuteronomio) 32:8

Apajuí aents aidaunak akanag maki makichik chichamtin, nugkentin emak batsasui; tujash atum Israel aents aidautigminak Apajuí makichik nugkanmak ijupag kuitamjamui.