(Génesis) 10:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ Juu aajaku ainawai Jafeta uchiji wegantu aidau, juka maki makichik tikich chichaman chichaku aajakajui. Nunidau asag dita patayi aidaujaig etegdayag, nayantsa pakajin nugka muunnum, tuja ajuntainmashkam batsamsaju ainawai.

(Génesis) 10:5 Iomraidhean Croise

(Génesis) 10:20

Cam aajakua nuna uchiji wegantu aidauk juju ainawai. Ditak maki makichik nugkentin, nuigtushkam maki makichik chichamtin aajaku ainawai. Nuadui ditá patayi aidaujaig etegdayag batsamajaku ainawai.

(Génesis) 10:25

Heberak jimag uchijin akiauwai. Nuwiya makichik Péleg daagtin aajakui. Nunak nii pujusmatai, ashí aents aidau pampagkag maki makichik nugkentin wajasajua duwi tuu adaikau ainawai. Tuja niina yachig Joctán aajakui.

(Génesis) 10:32

Juju adaijag nunú ainawai Apajuí yumin yutumtikag aentsun ijinawa duwi batsamas Noé uchiji wegantu akigbau aina duka. Nuniayatak ditash kanakag tikich nugkanum pampagkag batsamsaju ainawai.

(Génesis) 10:4

Javánka uchiji aidaushkam: Elisa, Tarsis, Quitim, Rodanim, aatus aajakui.

(Génesis) 10:6

Cam aajakua nuna uchiji juju aajaku ainawai: Cus, Mizraim, Fut, Canaán aatus.

(Génesis) 9:19

Juju kampatuma nunú aajaku ainawai Noé uchiji aidau. Juna uchiji wegantu aidau atak nagkamawag dita ashí nugkan pampantuk batsamsau ainawai.

(Salmos) 72:10

¡Nuninak Tarsis nugkan apuji aidau, ajuntai aidaunum batsamnun apuji aidau, Sabá nugkan apuji aidau, nuigtu Sebá nugkan apuji aidau aatus waji aidaun ikautiagtinai!

(Isaías) 40:15

Nugka múun aina duka nii diismak makichik yumi dakitamua nujai betek, nugka yukukuntunmaya makichik nenentuch piipich juki, balanzanum dekapam kijinji atsumaina numamtinai. Nugka múun aidau nayantsan ijus ayá dushakam makichik kayam piipichia nunin ainawai.

(Isaías) 41:5

Wi dutikamunak yaakat nayantsanum ijus batsamin aidauk wainin ainawai. Nuna wainainak senchi sapigmainawai. Nugkashkam ashí yantamnum uujui. Aents tikich nugkanmaya aidau ijunjagtatus ashí kaunawag mininawai.

(Isaías) 42:10

Yamajam kantamtai Tuke Pujuu kantamjuatajum. Ashí nugka najatamunum batsamin aidautigmesh Apajuí emematkujum kantamatajum, lanchanum nayants yujau aidaush, kuntin nayantsanum batsamin aidaush, tuja nugka múun nayantsa ijus ayá nuwi batsamin aidaush Apajuín ememattinme.

(Isaías) 42:4

Tuja ashí nugkanum pujut pegkeg ati tau asa, nii takamujinak makichkish ayamsashtinai, tuja pimpikigkesh idaisashtinai. Tuja nugka múun nayantsa ijus ayá nuwi aents batsamin aidauk, nii jintiamun antuktatus niina dakagtinai, tawai Apajuí”, tiuwai Isaías.

(Isaías) 49:1

“Yaakat múun nayantsan ijus ayá nuwi batsamin aidautijum, tuja tikich nugka múun aidaunum atushat batsamin aidautigmeshkam wi tajim nunú antugtuktajum: Tuke Pujuu minak eke akiintsaig etegtuauwai. Tuja mina dukuju wakeen egketaig mina daajun adaitujus untsugkauwai.

(Isaías) 60:9

Duka lancha múun Tarsisnumia aidau, atumi uchijum aidaun yajuakag Tuke Pujuu atumi Apajuíjum senchimtijamna nuna emematiagtatus oron, plata aidaujai yajuak mininawai.

(Jeremías) 2:10

“Etsa akaetaiya nuni nayantsa ajuntaijin yaakat ayá nuwi wetajum, nuniakjum Quedar nugkanum aents awematajum. Dutikajum inimsatajum

(Deuteronomio) 32:8

Apajuí aents aidaunak akanag maki makichik chichamtin, nugkentin emak batsasui; tujash atum Israel aents aidautigminak Apajuí makichik nugkanmak ijupag kuitamjamui.