(Génesis) 10:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Cananeo aents aidaun nugkeg yaakat Sidón nagkamna nugka Guerar tutaya nuni juwaki, yaakat Gazanum nagkatkau aajakui. Tuja nuwi nagkamna yaakat Sodoma, Gomorra, Admá, Seboím aatus aajakua, nuni juwaki yaakat Lesa tutaya imanui nagkatkau aajakui.

(Génesis) 10:19 Iomraidhean Croise

(Génesis) 10:18

arvadeo aidau, semareo aidau, nuigtu amateo aidaushkam. Juju Canaán nugkanum aents aidau dita patayi aidaujai pampagkajui.

(Génesis) 10:20

Cam aajakua nuna uchiji wegantu aidauk juju ainawai. Ditak maki makichik nugkentin, nuigtushkam maki makichik chichamtin aajaku ainawai. Nuadui ditá patayi aidaujaig etegdayag batsamajaku ainawai.

(Génesis) 14:2

Nunú apu aidau: Bera Sodoman apuji, Birsa Gomorran apuji, Sinab Admán apuji, Seméber Seboíman apuji, Bela Sóar tuuta awagtaya nuna apuji aatus aajaku aina nujai maaniamun aepjuniawajui.

(Génesis) 14:3

Makichik uwejan amua apu aina juju ashí dita suntaji aidaun nugka Sidiman pakajin nayants yapaku tutaiya nuwi ijumjajui.

(Génesis) 18:20

Nuna tusa Tuke Pujuu chichaak: “Aents yaakat Sodomanmaya, nuigtu Gomorranmaya aidauk ayatak pegkegchauk tikima shiig katsek ainawai tabaun antajai.

(Génesis) 20:1

Abraham nii pujamun ukuak Néguev nugkanum weuwai. Nunik nuwi jegaa yaakat Cades, Shur nugkajai niinis awa nuwi ejapena yaakat Guerar tawa nuwi pujusui.

(Génesis) 26:1

Yaunchuk Abraham iwaku pujai, yapajut tepeauwa nuna nagkaesau, Isaac pujusmataishkam yapajut tepeauwai. Nunikmatai Isaac yaakat Guerar filisteo aents aidaun apuji, apu Abimelec pujamunum weuwai.

(Job) 38:20

Amek duka dekachu asam tsaaptinuk emamaitsume, tuja suweshkam emamaitsume.

(Oseas) 11:8

“¡Israel aents aidauwah, wika atumi aneakun shiig senchi waitiajai, nuadui wika kajimatkinuk idaimaitsujime! ¡Wika Admánmaya aents aidaun, Seboímnumia aents aidaujai dita pegkegchaujin ijinauwaitag imatikanuk tikima ijinmaitsujime!

(Los Hechos de los Apóstoles) 8:26

Nuniku ai makichik Apajuí angelji Felipen chichajak: “Felipeh, surnumanini weta jinta Jerusalén juwaki Gaza wegamunum uwejush awa nui”, tiuwai.

(Deuteronomio) 32:8

Apajuí aents aidaunak akanag maki makichik chichamtin, nugkentin emak batsasui; tujash atum Israel aents aidautigminak Apajuí makichik nugkanmak ijupag kuitamjamui.

(Jueces) 16:1

Makichik tsawantai Sansón yaakat Gazanum weuwai. Nunik nuwi makichik nuwa akiaku dutiktai pujuttaman wainak, nuna jeen waya niijai kanajui.

(Jueces) 6:4

Nunikag nuwi Israel aents aidau nugken aakmajag batsamas, ajak ajakmamu aidaunak Israel aents aidau yumainnak makichkish ukugtsuk ashí ijituinak, nuigtushkam uwigji aidaun, buey aidaun, burro aidaun aatus ashí yajutuidau. Dutikainak Israel aents aidau yumainnak makichkish ukujainachu.

(1 Samuel) 13:18

Untsu tikich aidauk yaakat Bet-horón aajakua nuni shiyakajui. Nuniagtai kampatuma nunú Seboíma mujajin uwegshunum shiyakajui.