(Génesis) 1:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Yama nagkamchakug, Apajuík nayaimpin nugkajai najanauwai.

(Génesis) 1:1 Iomraidhean Croise

(2 Reyes) 19:15

Tuke Pujuun aujak: “Tuke Pujuu, Israel aents aidau Apajuíjiyah, amina pujusa inamtaigmek querubin batsatbaunum awai, ameketme ashí apu nugkaya aina nuna Apujimek. Tuja ametme nugka nayaimpijai najanaumek.

(Nehemías) 9:6

Tusa tiagmatai Esdras chichaak: “Tuke Pujuuwah, tikich apajuí amejai betekak makichkish atsawai, ima ameketme Tuke Pujuumek. Ame nayaimpik najanauwaitme, tuja nuna nagkaiki awa dushakam ame najanauwaitme, dutikam ashí yaya aidaushkam najankauwaitme. Nugkashkam, tuja nugkanum ayá dushakam ashí ame najanauwaitme. Tuja nayants aidaushkam najanam nuwi ayá dushakam najankauwaitme. Ashí waji aina duka ame pujutak suwame. Nuadui yaya nayaimpinum ayá duka amina emematjamainawai.

(Job) 38:4

Amek wi nugka najanauwaitag, nunú tsawantaik atsuyume, untsu dekaskenum dekakmek, wi nugka najadiag duwish ¿amesh tuwi pujuyume? nunú kame tujutta.

(Salmos) 104:24

¡Tuke Pujuuwah, amek shiig kuashat najankauwaitme! Tuja ashí duka amina yachagmijai umikuitme. ¡Nugka ame najanamua nuwig ashí ame najankamu aina nunú batsatui!

(Salmos) 104:30

Tujash ame Wakanim suwamak ashí nugkanmaya aents aidauk yamajam pujutan juwinawai.

(Salmos) 115:15

¡Tuke Pujuu nayaimpin, nugkajai najanauwa nunú aminak pegkegnum yumigtamsattawai!

(Salmos) 121:2

Minak Tuke Pujuu nayaimpin nugkajai najanauwa nunú yainkattawai.

(Salmos) 124:8

Tuke Pujuu nayaimpin nugkajai najanauwa nunuwai ayamkagtinuk.

(Salmos) 33:6

Tuke Pujuuk ima niina chichamenig nayaim aidaun, nantu, etsa, yaya aidaun aatus ashí najankauwai.

(Salmos) 33:9

Wagki nii niina chichamenig ashí najankauwai. Tuja nii nunikti timauwa duka imanisag makichkish wajukachmin wajas asauwai.

(Salmos) 8:3

Ame nayaim najanamua nuna diisan, tuja nantu, yaya aidaujai ame najankamu aidau nayaimpinum ayá nunashkam wainkun

(Salmos) 8:4

anentaimsan: ¡Aents aidautik pegkegmakesh ainatsji! ¡Tikima wainkauch ainaji! Nunin ajinish ¿wagka tujash puyatkagtusmesh kuitamkagtame?

(Salmos) 90:2

Tuja muja aidaush najaneatsaig, nugkashkam najaneatsaig, yaunchuk nagkamsam, yamaya juish, tuja atakea duishkam ameketme Apajuímek.

(Salmos) 96:5

Tikich aents aidaun apajuímtaiji aina duka wainak ainawai; tuja Tuke Pujuuwai nayaimpin najanauk.

(Éxodo) 20:11

Wagki Tuke Pujuu Apajuík seis tsawantai nayaimpin, nugkan, nayantsan tuja ashí nuwi ayá nujai najankauwai. Dutika tsawan sieteya duwi ayamjauwai. Nuadui nunú tsawanta nunak tuke ayamtai atinun Tuke Pujuu etegkauwai.

(Éxodo) 31:18

Tuke Pujuu Moisésjai muja Sinaínum chichasa ashimak, jimag kaya pakama najanamunum chicham umiktinun, nii agatug susauwai.

(Eclesiastés) 12:1

Eke múuntuch wetsuk yamai datsauchitam duik Apajuí amina najapauwa nunú aneaku ata. Tuja tsawan waitiamu jegamtai, ame chichaakum: “Kuashat tsawan waitu pujutak shiig awajtatsui”, titinaitme.

(Isaías) 40:21

“¿Atumek duka dekachuk ayujum? ¿Nuna pachisag chichaidauk antuchuk ainajum? ¿Yama nagkamchakush ujapaku ainatsuak? Apajuí nugkan najanauwa duwi nagkamas aents aidauk dekau amain ainawai.

(Isaías) 40:26

Yakí pagkaijum diistajum: ¿Juju ayá nunash ya najanauwaita? Yaya aidaun, nantu, etsa, nuigtu tikich aidau ayá nuna najanak, maki makichik akanag pekasua nunú nigki nuna daaji aidaunash adaitug umikui. Niig senchigtina ibau asa, makichkikesh najantsuk ampija ukukbaujig atsawai.

(Isaías) 40:28

Apajuí Tuke Pujuu, ashí nugkan, nayaimpijai najanauwa duka makichkish yawechu, nuigtush pimpichu, dekatish amuechauwa duka ¿amek dekatsmek, atsa nuniachkumesh amek antuchukum?

(Isaías) 42:5

Tuke Pujuu Apajuí nayaimpin najanauwa nunú, tuja nugkanashkam najana, nunú nugkanum tsapau aidaunashkam najankauwa nunú, tuja iwaku pujutan mayattanashkam aents aidaun susauwa nunú niina inaken chichajak:

(Isaías) 44:24

Tuke Pujuu amina uwemtijamin, ame eke akiintsuminig najapauwa nunú chichaak: “Witjai Tuke Pujuu, ashí waji aina nuna najankaunuk, wi nayaimpinak nugkajai najanauwaitjai, mina yainkauk makichkish atsawai.

(Isaías) 45:18

Tuke Pujuu Apajuí nayaimpin, nugkan najana, juwi aents aidau batsamsatnume tusa umikua nunú chichaak: “Witjai Tuke Pujuunuk, tikichik makichkish atsawai.

(Isaías) 65:17

Apajuí chichaak: “Antuktajum nijah, wi yamajam nayaimpin, nugka yamagmajai najanattajai. Tuja yama nagkamchak nayaim nugkajai aajakua nunak kajimatkiagtinai. Makichkish nunak tuke adeagchagtinai.

(Evangelio según San Mateo) 11:25

Nunú tsawantinig Jesús chichaak: “Emematjame Apawah, nayaimpin nugkan Apujiyah, wagki yacha nuigtú unuimaju aina duka uugkam aents imanchauch aina nunú iwaintuku asamin.

(Evangelio según San Marcos) 13:19

“Wagki Apajuí nugká najanauwa nui nagkamas yamaiya juish imanika waitchatain, atakea duish imanika waittsashtin tikima senchi waitiamu atinai.

(Los Hechos de los Apóstoles) 14:15

—Muun aidauh, ¿wagka aancha aikagme? Jutiishkam aents atum ainajum annuketji; nunin asaja atum wainkajum aikajum aanú idaikujum, dekas Apajuí iwaku pujuwa nu nayaimpin, nugkan, nayantsan, nuigtú ashí nui ayá nunash najankauwa nu nemagkatajum tusa yamajam chicham etsejuinaji.

(Los Hechos de los Apóstoles) 17:24

Apajuí nugkan najanauwai, nuigtú ashí nui ayá nunashkam, niiyai nayaimpin nugkanash apujig, nunin asa aents ni ememattai atin jegamkamunmag pujuchui;

(Los Hechos de los Apóstoles) 4:24

Nuna antukag ashí ijunag Apajuin aujuinak: Apuh, ametme ashí senchigtin nayaim, nugka najanaumek, nayantsashkam ashí nui ayá dushakam.

(Carta de San Pablo a los Romanos) 11:36

Ashí najankamu aina duka Ni najankamu ainawai, nunú aina duka ni chichamenig ainawai, nunin asa ashí niinuk ainawai. Iman asamtai: ¡Imá nigki tuke ememattai atí! Aatus atí.

(Primera carta de San Pablo a los Corintios) 8:6

tujash jutiinuk imá makichki Apajuik, ashí najankamu aina nuna Apají, jutiiskam niinuk ainaji, nuigtush iina Apujig Jesucristua duke, niinig ashí najaneaku ainawai, jutiishkam nigki najanamuitji.

(Carta de San Pablo a los Efesios) 3:9

Nuigtushkam Apajuí ashí wají aidaun najankauwa nunú, yaunchuk nagkamas dutikatjai tibau dekaachbau aajakua nu wajuk uminkae, nunú dekamtikata tujutiuwai.

(Carta a los Hebreos) 1:10

Junashkam Uchijin tiuwai: “Apuh, amek yama nagkamtinish nugka najankum nayaimpishkam najankauwaitme.

(Carta a los Hebreos) 1:2

Tujash yamaik, ju tsawan inagnamunum batsatag ju tsawantaik niina Uchijin awetugma dui aujtamui, ashí wají aidauk ni najankamu asamtai ashí niinuk atí tusa idaitusua nuna.

(Carta a los Hebreos) 11:3

Apajuiyai dekaskeapi tau asaja dekainaji, nugkanum nuigtú agkajunum ayá duka Apajuí chichameniap najaneakuita tusa. Yamai paan wainainag duka, wají wainajakchamu aajakui.

(Carta a los Hebreos) 3:4

Ashí jega aina nunak aents jegamainawai, antsag ashí wají aina dushakam Apajuí najankamu ainawai.

(Segunda carta de San Pedro) 3:5

Nunú aents aidauk, yaunchuk tsawan aajakua imanui nagkamas Apajuí nayaimpin najana niina chichamenig nugkan yuminmaya akankamu, yuminmag egketka nunak tuke aneas dekachu wajukmaina nuninawai.

(Primera carta de San Juan) 1:1

Cristo chicham pujutan sukagtin yama nagkamtin aajakua nunú chichaamu antugkauwaitji, ni iwainaja takaamush iina jiin wainkauwaitji nuigtú ii uwejinish achikaish dekapsau ainaji.

(Apocalipsis) 10:6

nunik, ajumaish tuke pujutin, nayaimpin ashí wají aidau nui ayá nunash, nugkanash ashí wají aidau nui ayá nujai, nayantsanash ashí wají nui ayá nujai najankauwa nuna daajin adaiyak: “Yamaik tsawantak jegae,

(Apocalipsis) 14:7

nuniak senchi untsumak: “Apajuí puyatjusjum ememattajum, wagki suwimak sukagtustina duka hora jegau asamtai; ememattajum nayaimpin, nugkan, nayantsan, yumi pukuni jiinaina nunash najankauwa nunú”, timayi.

(Apocalipsis) 21:6

Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.

(Apocalipsis) 22:13

Witjai nagkamtinish tuke pujusunuk ajubaish tuke pujutnunuk, nagkamnamunmash nuigtú nagkatkamunmash wikitjai”, timayi.

(Apocalipsis) 3:14

Agatjata ángel iglesia Laodicea awa nuna diina nunú: Junak ni tibaujinak betek umina nunú, waitjuchu dekaskea nuna etsejin, nuigtú nagkamchakush Apajuijai ashí najankauwa nunú chichaak:

(Apocalipsis) 4:11

“Apuh, iina Apajuijiya ameketme ememattaim, nuigtush eme anentai, nuigtushkam senchigtinaitam ibau asam. Wagki ame ashí wají aidauk najankauwaitme, dutikamu asag ame wakejusam najankauwaitam nunisag, ame wakegamunmag ainawai”, awajiagmayi.