(Éxodo) 9:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Tujash Israel aents aidau tagkujig makichkish jakashti tusa Tuke Pujuu kuitamjuktatui, untsu egiptunmaya aidau tagkujinak ijituattawai.

(Éxodo) 9:4 Iomraidhean Croise

(Éxodo) 10:23

Imaanikmatai, nii pujamu yantamen pujaujaish wainitsuk, nuigtush yajakesh wekaemainchau wajasag kampatum tsawan nuwig batsatu. Tujash Israel aents batsatbaunmak tsawai au.

(Éxodo) 12:13

“Tuja nunú numpai ukatkatajum duka atum tuu jeganum pujagme nuna iwainaktatui, nunú numpa wainkun atumnak agkan nagkaikittajime. Nuadui egiptunmaya aents aidaun wi ijintaish, atuminig makichik jamukesh atsuttawai.

(Éxodo) 8:19

Nunik tujinkag tunchi aidau faraógkan chichajuinak: “Juka dekas Apajuí senchijiyai”, tuidau. Tamashkam faraógkak antakchau wajas Moisés Aarógjai tabaunak antugkachui, Tuke Pujuu nuniktatui tibaunak imaanisag.

(Éxodo) 8:22

Tujash nunú imaniakuish, mina aentsug Egipto nugkanum Gosén batsata nunak wi kuitamkattajai, nuadui dita batsatbaunmak makichik anchigkesh atsuttawai. Nunú wainkum dekaattame wi Apajuí Tuke Pujuu tutain mina senchigjai juju nugka juwi dutikag nunú.

(Éxodo) 9:26

Nunú imaniakush nugka Gosén Israel aents aidau batsatbaunmak makichik bichakesh iyaagchauwai.

(Éxodo) 9:5

Nuigtushkam Tuke Pujuu tsawantan mamikia chichaak: “ ‘¡Wi kashin nunak dutikattajai!’ tawai”, tiuwai.

(Éxodo) 9:6

Nuna tusa idayas tsawamunum egiptunmaya aidaun tagkujinak Tuke Pujuu ashí ijituauwai. Tujash Israel aents aidau tagkujig makichkish jakachui.

(Amós) 4:7

“Tuja nuigtushkam ajak juut jegau aig, kampatum nantui yumin yutumtijachmaijai. Makichik yaaktanmak yutumtijamiajai, untsu tikich yaaktanmak yutumtijachmaijai. Tikich yantamnumak yumi yutuju asamtai, nugka chupika pegkeg wajas amayi, nuniai untsu tikich yantamnum yumi yutugchau asamtai, ajakak kagaka amayi.

(Malaquías) 3:18

Nuadui, juwapi pegkejak, tuja juka pegkegchauwapi tusag ataktu shiig dekawagtinai. Nuninak Apajuín emematuidaush wajukuk ainawa, tuja Apajuín emematchau aidaush wajukuk ainawa nunashkam shiig dekawagtinai”, tawai.