(Éxodo) 9:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ amina tagkujum aidau ajagmin batsata nuna Tuke Pujuu niina senchijin jata ishamainun awetittawai. Dutikam caballo aidau, burro aidau, camello aidau, baka aidau, uwig aidau ashí jinattawai.

(Éxodo) 9:3 Iomraidhean Croise

(Génesis) 47:17

Tusa tima egiptunmaya aents aidauk ditá caballojin, uwigjin, bakajin, burrojin aatus yajuakag Josén ikautuawajui. Dutikawagmatai José nuna yajumak makichik mijadai trigon suu pujau.

(Éxodo) 5:3

Tutai dita ainak: “Apajuí, Tuke Pujuu tutai, hebreo aents aidauti emematin ainag nunú wantintugmakji. Nuniku asamtai, uwegshunum kampatum tsawantai jegatainum wetatji. Nuwi jegaa kuntin maa apeaku Tuke Pujuu iina Apajuíji emematiagmi taji. Tuja nunú ii nunishtaik niina suwimke, jatakesh jutiin iyanjamainai, nuniachkush shiwagkesh maaniamunum amupamainai”, tuidau.

(Éxodo) 7:4

Nuna wainkush faraógkak antugtamkachagtatui. Tujash wi mina senchigjai egiptunmaya aidaun suwimka suwakun, mina aentsug Israel aents aidau Egipto batsata nuna ayamjukan jiigtatjai.

(Éxodo) 8:19

Nunik tujinkag tunchi aidau faraógkan chichajuinak: “Juka dekas Apajuí senchijiyai”, tuidau. Tamashkam faraógkak antakchau wajas Moisés Aarógjai tabaunak antugkachui, Tuke Pujuu nuniktatui tibaunak imaanisag.

(Amós) 4:10

Egiptunmaya aents aidaun suwimkan susauwaitag imatikan suwimkan amasuitjime; tuja atumi uchijum aidau maaniamunum jinaati ti ai jinawabi. Nunikagmatai dita caballoji aidaun yajutkajabi, nunú jinaa kauku mejeakjum waitiugme, ¡imaniakjumesh minak umigtukchauwaitjume!” tawai Tuke Pujuu.

(Los Hechos de los Apóstoles) 13:11

Yamai Apu Apajuí suwimkan amasmatai, wainmachu wajasam etsash waintsuk dukap tsawan pujustatme, tiu. Nunú tamawaik iwishnushkam wainmachu wajasú, nunik aentsun egau egkegsamtai wekaesatjai tusa.

(1 Samuel) 6:9

“Tujash diyaku atajum baka aidaush nuna japikish itug wegagtig. Tuja Israel aentsu batsamtai yaakat Bet-shemesh iina nugke nagkatkamunum awa nuwi chicham umiktin agagbau egkeamu arca nuni weakuig, duwi dekattaji dekas Apajuíyap suwimkanak amasaje tusaja. Untsu baka uchiji batsata nuni japiki shimakuig, Apajuí suwimkechuapi shiig jatap aikagmawa, titatji” tuidau.