(Éxodo) 9:26 - Awajún: Apajuí chichame pegkejam Porciones del Antiguo Testamento y el Nuevo Testamento

²⁶ Nunú imaniakush nugka Gosén Israel aents aidau batsatbaunmak makichik bichakesh iyaagchauwai.

(Éxodo) 9:26 Iomraidhean Croise

(Éxodo) 10:23

Imaanikmatai, nii pujamu yantamen pujaujaish wainitsuk, nuigtush yajakesh wekaemainchau wajasag kampatum tsawan nuwig batsatu. Tujash Israel aents batsatbaunmak tsawai au.

(Éxodo) 11:7

Tujash Israel aents aidaun uchiji iwai aidauk makichkish jakashtatui. Tuja tagkuji yama nagkamchaku petsakbau aidaukesh jinashtatui. Nunik agkan batsatu asamtai, makichik yawá shinaukesh antuekashtatui. Duwi dekattagme Apajuí egiptunmaya aidaun suwimka suwak Israel aents aidaunak kuitama nunú.

(Éxodo) 12:13

“Tuja nunú numpai ukatkatajum duka atum tuu jeganum pujagme nuna iwainaktatui, nunú numpa wainkun atumnak agkan nagkaikittajime. Nuadui egiptunmaya aents aidaun wi ijintaish, atuminig makichik jamukesh atsuttawai.

(Éxodo) 8:19

Nunik tujinkag tunchi aidau faraógkan chichajuinak: “Juka dekas Apajuí senchijiyai”, tuidau. Tamashkam faraógkak antakchau wajas Moisés Aarógjai tabaunak antugkachui, Tuke Pujuu nuniktatui tibaunak imaanisag.

(Éxodo) 9:4

Tujash Israel aents aidau tagkujig makichkish jakashti tusa Tuke Pujuu kuitamjuktatui, untsu egiptunmaya aidau tagkujinak ijituattawai.

(Éxodo) 9:6

Nuna tusa idayas tsawamunum egiptunmaya aidaun tagkujinak Tuke Pujuu ashí ijituauwai. Tujash Israel aents aidau tagkujig makichkish jakachui.

(Jeremías) 23:6

Nii inamjatna dui, mina aentsug Judá wegantu aidauk ayamjumaktinai, tuja Israel aents aidaushkam agkan shiig batsamsagtinai. Nunidau asag, Apajuí daajinak: ‘Tuke Pujuuwai iina depetmitkagbauk’ tuu adaikagtinai.

(Amós) 4:7

“Tuja nuigtushkam ajak juut jegau aig, kampatum nantui yumin yutumtijachmaijai. Makichik yaaktanmak yutumtijamiajai, untsu tikich yaaktanmak yutumtijachmaijai. Tikich yantamnumak yumi yutuju asamtai, nugka chupika pegkeg wajas amayi, nuniai untsu tikich yantamnum yumi yutugchau asamtai, ajakak kagaka amayi.