(Éxodo) 8:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Imanikmatai, faraón Moisésan, Aarógjai untsuka itan chichajak: “Apajuí, Tuke Pujuu tutai, minash segatjitajum, takash mina, nuigtu mina aentsug aidaunash waitkagmaina nuna emegkagti. Dutikamtai wisha niina aentsji aidaunash kuntinu maa apeenak Tuke Pujuun ememattinme tusan idaitustajai”, tiuwai.

(Éxodo) 8:8 Iomraidhean Croise

(Salmos) 66:3

Apajuí chichagkujum: “Amina takatjumek shiig pegkeg ainawai. Ame ima senchigtin asamin, amina shiwaajum aidauk ishamjamainak aminí yunumainawai.

(Éxodo) 10:16

Imanitai faraón puyatuk wamkes Moisésan Aarógjai untsuka chichajak: “Atum Tuke Pujuu Apajuí emematin ainajum nuna emtin, tuja atumi emtinishkam pegkegchaun takasjai.

(Éxodo) 10:17

Tujash wait aneasjum mina tudaujush tsagkugtugtajum nuniakjum segatjitajum atumi Apajuíjum Tuke Pujuu emematin ainajum nunú, dutikam manchi ajaka amuina nunú megkaejati”, tau.

(Éxodo) 10:18

Tusa tima Moisés faraógka jenia jiinki Tuke Pujuun segauwai.

(Éxodo) 14:5

Nuninai faraógshakam Israel aents aidauk shiyakaje tabaun dekauwai. Nunik niijai atueka takatai aidaujai awake anentaimag kajekag chichainak: “¿Wagka Israel aents aidau iina takagtamainak batsatush jiinag shiyaktinme tusaish timaji?” tuidau.

(Éxodo) 32:11

Tusa tima Moisés Apajuí tsagkugti tusa chichajak: “¡Tuke Pujuu mina Apajuíjuh! ¡Imanikmek kajekaipa! Ameku amina senchigmin amina aentsjum aidau Egipto batsatu jiigmayume.

(Éxodo) 5:2

Tutai faraón ayaak: “¿Yaita dusha Tuke Pujuush, wi niina chichamen antugkan, Israel aents aidaun shiyaktajum tusa idaisatnunash? ¡Wika Tuke Pujuunak wainchaujai, nuigtushkam Israel aents aidaunak shiyaktinme tusanuk idaisashtatjai!” tau.

(Éxodo) 8:15

Tujash faraón nunú utugchatan agkan wajasa, ataktu antakchau wajas Israel aents aidau jiinjainum tau asa awake dakitau. Nuniau asa Moisés Aarógjai tabaunak antugkachui, Tuke Pujuu nuniktatui tibaunak imanisag.

(Éxodo) 8:29

Tusa tama Moisés ayaak: “Israel aents aidau shiyakag kuntinun maa apeenak Tuke Pujuu ememattag tuina nunú wegpajum tusa tichatnaitkuminig, wi amijai juwi chichag nuna jiinkin, Tuke Pujuun segattatjame amina jemin, ame atueka takataijum aidau jeen nuigtu aentsjum aidau jenishkam anchi waitkagmaina duka kashin megkaejatnume tusan”, tiuwai.

(Éxodo) 8:32

Nunikmatai faraón antakchau wajas, Israel aents aidauk dekas jiinjashtinme tiuwai.

(Éxodo) 8:9

Tusa tutai Moisés niina ayaak: “Amina, tuja amejai atuegak takau aina nuna, tuja amina aentsjum aina nujai takash aidau waitkagmaina nunú shiyakti, nunikag namaka utsaanatnume tusanush, wajutiya nunash segattatjame nunú ame tujutta”, tau.

(Éxodo) 9:27

Imanitai faraón Moisésan Aarógjai untsuka chichajak: “Dekas wi pegkegchaun takasag nunak dekagmamjai. Juna imajun itugchata igkugka waitiag duka Tuke Pujuu itugchatjinigkish waitiatsjai, juka mina pegkegchaujui, nuigtu mina aentsug aina nuna pegkegchaujin waitiajai.

(Éxodo) 9:28

Wait aneasjum jutiish Tuke Pujuu segatkagtitajum, chaajip patak ishamain waja nunú, bicha yuta nujai mijaakti. Nunikmatai wisha atumnak emettsuk shiyaktajum tusan idaisatjime”, tau.

(Éxodo) 9:33

Moisés faraógjai chichasa yaaktanmaya jiinmawaik uwejen takui Tuke Pujuun segauwai, dutikamuik wamak chaajip ishamain wajauk, bicha yutauk, yumi yutaushkam mijaakui.

(Números) 21:7

Nunik jinuinak Moisésan jegajuawag chichajuinak: “¡Tuke Pujuu chicham patatku, ameshkam chicham patatkau asaja pegkegchau wajasji! ¡Apajuí segata dapi iina waitkagma nuna yaja ishiakti!” tuidau. Tusa tiagtai, Moisés Apajuín segauwai ditan tsagkujati tusa.

(Los Hechos de los Apóstoles) 8:24

Tama Simón ayaak: —Atum minash Apu segatjitajum, atum mina tujutjum nunú imanisag nagkaetuki, tiuwai.

(1 Samuel) 12:19

Nuadui aents aidau Samuelan chichajuinak: “Amina aentsjum aidauti pachijattsam Tuke Pujuu amina Apajuíjum segata, wagki jinawaig tusa ishamaji. Iik apu sumá yujasa nuni senchi iina tudauji ikauntumakji”, tuidau.