(Éxodo) 8:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Tujash faraón nunú utugchatan agkan wajasa, ataktu antakchau wajas Israel aents aidau jiinjainum tau asa awake dakitau. Nuniau asa Moisés Aarógjai tabaunak antugkachui, Tuke Pujuu nuniktatui tibaunak imanisag.

(Éxodo) 8:15 Iomraidhean Croise

(Éxodo) 14:5

Nuninai faraógshakam Israel aents aidauk shiyakaje tabaun dekauwai. Nunik niijai atueka takatai aidaujai awake anentaimag kajekag chichainak: “¿Wagka Israel aents aidau iina takagtamainak batsatush jiinag shiyaktinme tusaish timaji?” tuidau.

(Éxodo) 4:21

Nunik wetatman Tuke Pujuu Moisésan chichajak: “¡Egipto nugkanum jegamek, Wi amina iwaintukjam duka faraógka emtinish imatiksamek mina senchiju amaag nujai iwaintukta! Wi niinak antakchau emattajai, dutikamu asa kakajus wetinme tujamchagtatui.

(Éxodo) 7:4

Nuna wainkush faraógkak antugtamkachagtatui. Tujash wi mina senchigjai egiptunmaya aidaun suwimka suwakun, mina aentsug Israel aents aidau Egipto batsata nuna ayamjukan jiigtatjai.

(Éxodo) 8:14

Nunikmatai aents aidau takash jinaun yajuak iju ijuma emakajui, dutikam ashí nugkanum pegkegchau mejeg akijuauwai.

(Éxodo) 8:16

Tuke Pujuu Moisésan chichajak: “Aarón niina ushujutaijiya duwi nugka yukukuntu awatta tita, dutikam tetee najaneak, ashí Egipto nugkanmak piyakti”, tau.

(Éxodo) 8:28

Tusa tutai faraón chichaak: “Untsu takugmek uwegshunum wejum Tuke Pujuu atum emematin ainajum nunú kuntin maa apeakjum ememattajum. ¡Nuniakjum mina pachittsagmesh segatjitajum! Tujash shiig atushtak shiyakaigpajum”, tau.

(Éxodo) 8:29

Tusa tama Moisés ayaak: “Israel aents aidau shiyakag kuntinun maa apeenak Tuke Pujuu ememattag tuina nunú wegpajum tusa tichatnaitkuminig, wi amijai juwi chichag nuna jiinkin, Tuke Pujuun segattatjame amina jemin, ame atueka takataijum aidau jeen nuigtu aentsjum aidau jenishkam anchi waitkagmaina duka kashin megkaejatnume tusan”, tiuwai.

(Éxodo) 8:32

Nunikmatai faraón antakchau wajas, Israel aents aidauk dekas jiinjashtinme tiuwai.

(Éxodo) 8:8

Imanikmatai, faraón Moisésan, Aarógjai untsuka itan chichajak: “Apajuí, Tuke Pujuu tutai, minash segatjitajum, takash mina, nuigtu mina aentsug aidaunash waitkagmaina nuna emegkagti. Dutikamtai wisha niina aentsji aidaunash kuntinu maa apeenak Tuke Pujuun ememattinme tusan idaitustajai”, tiuwai.

(Oseas) 6:4

Tusa tiagtai Apajuí ditan ayaak: “Israel aents aidauwah, Judá wegantu aidauwah, ¿itugkainjimki atumnash? Atum mina aneagme tujutjum duka yujagkim kashi kakegak, tuja jegashik kashi kakekau, tsawak kashikmas megkagama numamtuk atumi anenkeg megkaewai.

(Carta a los Hebreos) 3:15

Agagbauwa nuwi chichaak: “Yamai Apajuí tabau antakjumek, anentaimin utujimka juwakaigpajum duik intimjukiaju aina nunisjumek”, tawai.

(Carta a los Hebreos) 3:8

anentaimin utujimka juwakaigpajum. Aents intimkiu aidau Apajuin uwegshunum dekapsajua numamtukek.

(Apocalipsis) 16:9

Dutikamtai aents aidauk sukuinam senchi esagmayi, imaninak Apajuí senchigtin asa jatá dutika nuna adaisag pegkegchau chichajiagmayi, nunidau asag ditá tudaujinash idaiyinak Apajuinak emematchagmayi.

(1 Samuel) 6:12

Dutikawagmatai baka aidau shimak carretan japiki juki, makichkish yaja wetsuk tutupit shinukmaikia yaakat Bet-shemesh wetainum wegajui. Nunik shimutai filisteo apuji aidaushkam pataetukag yaakat Bet-shemesh nagkatkamunum jegantajui.

(1 Samuel) 6:3

Tusa tama dita aimainak: “Chicham umiktin egketa nunú arca awakeakjumek, Apajuí tsagkugtugti tusajum waji anentag awetitajum. Nunú dutikajum atum jata achiimagjum waitiajum duka tsagagtatjume. Nunikjum duwi dekattagme wagkag suwimkanash Apajuísh amasaje nunú”, tiajui.

(1 Samuel) 6:6

Nuna tusag: “¿Wagkamek atumesh egiptunmaya aents aidau ditá apuji aidaujai antakchau asag, Israel aents aidaun jiija ishimain aig dutikchagtai, Apajuí suwimak susam waituinak jiija ishiakua numamtinush atagme?

(1 Samuel) 6:9

“Tujash diyaku atajum baka aidaush nuna japikish itug wegagtig. Tuja Israel aentsu batsamtai yaakat Bet-shemesh iina nugke nagkatkamunum awa nuwi chicham umiktin agagbau egkeamu arca nuni weakuig, duwi dekattaji dekas Apajuíyap suwimkanak amasaje tusaja. Untsu baka uchiji batsata nuni japiki shimakuig, Apajuí suwimkechuapi shiig jatap aikagmawa, titatji” tuidau.