(Éxodo) 8:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Tuke Pujuu Moisésan chichajak: “Faraón pujamunum wetá, nunika chichagkum: “ ‘¡Mina aentsug aina nunú agkan idaitugsata, jiinag shiyakag mina emematjitnume! tujamui.

(Éxodo) 8:1 Iomraidhean Croise

(Salmos) 105:30

Takash aidaunashkam, ashí yaaktanum piyakti, nuniak apu pegajinish tuja nii ekemtaijinish utsaniag waitkasti tusa ishitkabi.

(Éxodo) 3:12

Tutai Apajuí ayaak: “Wi aminak uyuuntsattagme. Mina aentsug ame wegantu aidau Egipto nugkanum batsata nunú jiija yajuakam, ashí atum aidautijum juju muja juwi emematjitnaitjume. Nunú betek uminkui dekattame wi amina awemajam nunú”, tiuwai.

(Éxodo) 3:18

“Tusa tamin Israel aentsu apuji múun aidau antugtamkagtatui. Nunikagmatai ditajai faraón jegajua chichagkum: ‘Tuke Pujuu, Apajuí hebreo aents aidau Apajuíji jutii aidauti emematin ainag nunú wantintugmakji. Nuniku asamtai idaikagtusta kampatum tsawan mujá shiyakaja, nuwi kuntin maa apeaku Tuke Pujuu iina Apajuíjiya nunú emematmi taji’ titatme.

(Éxodo) 4:23

Nunin asamtai, agkan idaitugsata mina uchig aidau jiinjag emematjitnume timajame, tusa tamash dakitau asamin, wi amina uchijum iwaiya nuna mantuattajame’, tujamui tusam tita”, tiuwai.

(Éxodo) 5:1

Nuna dutika ukuinak Moisés niina yachi Aarógjai faraógkan jegajuawag chichajuinak: “Israel aents aidauti emematin ainag nunú Apajuí, Tuke Pujuuwa nu chichaak: “ ‘Mina aentsug aina nunú idaitugsata, dutikam uwegshunum shiyakag, awi ijunag mina emematjuinak jiistamatnume’ tawai”, tuidau.

(Éxodo) 5:3

Tutai dita ainak: “Apajuí, Tuke Pujuu tutai, hebreo aents aidauti emematin ainag nunú wantintugmakji. Nuniku asamtai, uwegshunum kampatum tsawantai jegatainum wetatji. Nuwi jegaa kuntin maa apeaku Tuke Pujuu iina Apajuíji emematiagmi taji. Tuja nunú ii nunishtaik niina suwimke, jatakesh jutiin iyanjamainai, nuniachkush shiwagkesh maaniamunum amupamainai”, tuidau.

(Éxodo) 7:16

Nuwi wajamin taamtai chichagkum: “ ‘Hebreo aents aidauti Apajuí Tuke Pujuu tutai emematin ainag nunú amina ujakti tusa awetine. Nuniak aatus tujamui: “Mina aentsug aidau uwegshunum shiyakag mina emematjitnume agkan idaisata timagme. Tujash antugtatsme”, tujamui.

(Éxodo) 7:25

Tuke Pujuu namakan numpa emauwa nunú siete tsawan nagkaemakiu ai,

(Éxodo) 8:2

Tusa ujamaitkum ame jiinjati tusa idaichakminig, wi suwimka amaakun ashí Egipto nugkanum takashun ishitkattagme,

(Éxodo) 8:20

Nunitai Tuke Pujuu Moisésan chichajak: “Kashin kashikmas faraón namaka jegattawai, nuniktin asamtai, ameshkam kashikmasa nantakim jegaantata, núnikam Apajuí chichaak: ‘¡Mina aentsug aina nunak agkan idaitugsati, dutikam jiinag mina emematjitnume!

(Éxodo) 9:1

Nunikmatai Tuke Pujuu Moisésan chichajak: “Faraón jegajua chichagkum: ‘Tuke Pujuu Apajuí, Hebreo aents aidauti emematin ainag nunú chichaak: Mina aentsug aina nuna jiigti, dutikam mina emematjitnume’, tawai.