(Éxodo) 7:23 - Awajún: Apajuí chichame pegkejam Porciones del Antiguo Testamento y el Nuevo Testamento

²³ Nuadui faraógkak puyatjusagkesh diitsuk ukuak nii pujusa inamtaijin wakitkiuwai.

(Éxodo) 7:23 Iomraidhean Croise

(Éxodo) 7:22

Tuja egiptunmaya tunchi aidaushkam dita dekamujijai yumin numpa awajsajui, nuna dutikawagmatai faraógkak nuni senchi antakchau wajasui. Nuniau asa Moisés Aarógjai tuinamunak antugchau, Tuke Pujuu nuniktatui tibaunak imanisag.

(Éxodo) 7:24

Imanik namak numpa wajasu asamtai, ashí egiptunmaya aidauk yumi pegkeg piyagmatai uwagmi tusag namaka uwet yumigmatan taukajui. Wagki namakia yumik umumainchau asamtai.

(Éxodo) 9:20

Tusa ujakam faraógka atuwe aidau Tuke Pujuu tibaun ishamaidauk, ditá inake aidaun, tagkuji aidaujai jegaa utsawajui.

(Éxodo) 9:21

Untsu tikich aidau Tuke Pujuu tibaun puyatjus anentaimtuinachuk, ditá inake aidaunak tagkuji aidaujaig jegag utsachajui.

(Jeremías) 36:24

Nunú chicham Apajuínu agagbaun antuinakush, apuk niina atuwe aidaujaig makichkish ishamkachajui, tuja awake anentaimjagkesh wake besemag dekapenakug jáanchjinak ichigchajui.

(Habacuc) 1:5

Tusa timatai Apajuí ayaak: “Tikich aents aidau batsata nuwish wajukeawa nunú shiig diistajum. Aunak dukap tsawan atsuk wi dutikattag nunú wainkajum anentai jegashtatjume. Juna tikich ujapainakuig, atumek dekaskeapi tumaitsugme.

(Malaquías) 2:2

“Atumek ima minak umigtumain ainagme, nuniakjum ajaantugsajum diigmain ainagme. Nuniachkuminig pegkegchaunum yumigjattajime. Tuja dekaskenum takagtachkugminig, wi atumin pegkegnum yumigkiajim nuna yapajian, pegkegchaunum yumigjattajime. Tuja nuigtushkam atum sacerdote asajum, eme anentaku kuitamam ajum duka jiiki ajapam wainka juwaktatjume. ¡Nunikagmin atum kuntin mina sujajum nuna ijinig yapimin nijaktatjime, dutika ai ijan japimak ajapenak atumjai ijumjamag ajapjamawagtatui!

(Deuteronomio) 32:46

nuadui Israel aents aidaun chichajak: “Wi atumin jintintuajim nunú shiig antuka jukitajum. Nunikjum atumi uchijum aidau jintintuatajum, dutikawajam ditashkam chicham umiktin agagbauwa nuna ashí betek umiktinme.

(1 Samuel) 4:20

Nunik uchigmak jakauwai. Nunik eke jatsaig uchi uchigmitkau aidau chichajuinak: “Ishamkaipa, uchik aishmag uchigmakume”, tiajui. Tusa tamash nigka chichakchauwai, wagki jakau asa.