(Éxodo) 6:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Dutikan mina aentsug atinme titatjai, tuja wika Tuke Pujuu atumi ememattai atatjai. Duwi dekajuawagtinai, iina Apajuíji Tuke Pujuu tutaya nunuwap egiptunmaya aents aidau inaku waitkatai batsatutin agkanmitkagbauwaita tusag.

(Éxodo) 6:7 Iomraidhean Croise

(Génesis) 26:3

Tuja yamaikik juju nugka juwig pujusta, wi aminak kuitamkattagme. Wi aminak pegkegnum yumigsattagme. Tuja amina uchijum wegantu aidaun ashí juju nugka aina juna susattajai. Wi amina apa Abrahaman anagkuawaitag nunak, nuni umiktatjai.

(Génesis) 28:13

Tuja apu Tuke Pujuushkam niiyai ayaumas wajaun wainkauwai. Nunik wajas chichajak: “¡Witjai Tuke Pujuu, Apajuínuk, amina apachjum Abraham, nuigtu amina apa Isaac emematujaku aina nunuwaitjai! ¡Juju nugka juwi ame tepam junak amina, tuja amina uchigmin uchiji wegantu agtina nudau atinun amastatjai!

(1 Reyes) 8:60

Nuna diisag aents tikich nugkanmaya aidaush dekas tikich Tuke Pujuu Apajuíya ibauk atsawapi titin atinme.

(Nehemías) 1:10

“Ii aidautik amina inakem ainaji. Amina aentsjum aidau Egipto nugkanum waitkam batsatu amina senchigmijai jiija agkanmitkauwaitam nunú ainaji.

(Salmos) 100:3

¡Tuke Pujuuwapi dekas apuk titajum! Iinak nii najapauwai, nuadui iik niinu ainaji. ¡Niina aentsji ainag duwi, aents uwigjin kuitamama numamtuk kuitamjamui!

(Éxodo) 13:14

Tuja tikich tsawantai uchijum inimpak: ‘¿Wagka jusha jutikame?’ tujamkuig, ame ayaakum: ‘Ii aidauti Egipto nugkanum batsamsa inaku waitkatai batsatutin Tuke Pujuu niina senchijin jiigmag agkanmitkagmauwa nunú tsawan asamtai jutikaji.

(Éxodo) 13:3

Tusa tima Moisés nii wegantu Israel aents aidaun chichajak: “¡Atum Egipto nugkanum batsamsajum waitu batsatutigmin, Tuke Pujuu niina senchijijai juju tsawantin jiipaja nunú tsawan aneaku atajum! Nuniakjum nunú tsawantinig pag levadurajai pachimja inajuamuk yuwawaigpajum.

(Éxodo) 14:18

Nuna dutikamtai ¡egiptunmaya aents aidauk dekajuawagtatui dekas wi Apajuí Tuke Pujuu tutayaitag nuna!” tiuwai.

(Éxodo) 14:4

Tuja atumin pataetugmaktinme tusan wi niinak ataktu antakchau awajsattajai. Dutika ai pataetugmakui, niina, tuja niina suntaji aidaujaí wi mina senchijun iwaintuktatjai. Dutika ai egiptunmaya aidauk, wi Apajuí Tuke Pujuu tutayaitag nuna dekajuawagtatui”, tiuwai. Tusa tiajam Israel aents aidauk Tuke Pujuu tibaun betek uminak nuwi aakmajag batsamsajui.

(Éxodo) 15:16

¡Chah, Tuke Pujuuwah, aatus sapigmainak anentaimjatnume! Amina senchijum iwainam juna dekainak kaya buchitmainchauwa nunin wajastinme, nunikmatai amina aentsjum ame uwemtijamu aina juka ame nugka anagkuawaitam nuwi shiig utsaanatnume.

(Éxodo) 15:2

Tuke Pujuu minak senchimtijawai, niyai mina ayamjumataijuk, nuadui wika niina kantamjajai. Niiyai dekas mina Apajuíjuk, nuadui shiig aneasan ememattatjai. Niiyai dekas mina apajun Apajuíji, nuadui wika tuke niina etsagjatnaitjai.

(Éxodo) 16:12

“Israel aents aidau chichaman pataina nuna antukjai. Nuadui juju aajam dita aidau ujakta: ‘Ajum agkuantai neje yuwattagme. Untsu kashikmasjum pag shiig kuashat yuwattagme tujamui. Aatus dekawagtatui wi Apajuí Tuke Pujuu tutayaitag nuna’ tawai”, tiuwai.

(Éxodo) 16:6

Tusa tima Moisés Aarógjai Israel aents aidaun ujainak: “Yamai agkuantai dekattagme, atum Egipto nugkanum batsatutigmin Tuke Pujuu jiipagmaya nunú.

(Éxodo) 2:11

Moisés tsakaja múun wajas pujau, makichik tsawantai nii wegantunmayan niina yachi aidaun ijagsatatus weuwai. Nunik jegakma takat shiig senchi katsugman takainak batsatun wainkauwai. Nunik diistakama egiptunmaya aents niina yachi hebreo aentsun suwimtatman wainkauwai.

(Éxodo) 6:6

“Nuadui Israel aents aidau tita: ‘¡Witjai Tuke Pujuunuk! Nuniau asan egiptunmaya aents aidau waitkainam batsatjum nunak egiptunmaya aidaun suwimka suwakun jiigtatjime. Tuja takat katsugmanum takamtijamainakui waituinajum nunashkam dutiksanuk agkanmitkattajime. Wi mina senchigjai ayamjukan jiigtatjime.

(Éxodo) 7:17

Nuniau asamin juna aatus Tuke Pujuu chichaak: “ ‘ “Yamai dekaattame wi Apajuí Tuke Pujuuwaitag nunú”, tujamui. Nuadui wi ushujutain takakag juwi namakan awattatjai, dutika ai yumi numpa wajastatui.

(Isaías) 41:20

Nuna ashí aents aidau wainkatnume, nuninak puyatjus unuimagtinme, wi Tuke Pujuun mina senchigjai dutikag nuna. Witjai Israel aents aidaun Apajuíji pegkegmanuk, wi nunak najanauwaitjai”, tiuwai.

(Isaías) 49:23

Tuja atumek apu aina nunú apajimattagme, untsu apu nawanji aidauk atumi nawanjuchijum aidaun kuitamin agtatui. Nuninak atumin tikishmatjamjag dawem bika wajasun dukatjamiagtinai. Nuninakui anentaimsajum, dekas Tuke Pujuuk pujawapi titatjume. Tuja mina dekaskeapi tujutuidauk tsanuamak achagtinai.

(Isaías) 49:26

Dutikakun ditak pempeentumakiag yumamatnume, nuninak dita numpenak uwag vinojai betek nampegtinme titatjai. Dutika ai ashí aents nugkanmaya aidauk wi Tuke Pujuu, amina uwemtikin Jacopan Apajuíji senchigtinaitag nuna dekawagtatui. Witjai amina ayamjukan agkanmitkaunuk”, tiuwai Apajuí.

(Isaías) 60:16

Tikich nugkanmaya aidau atum yuwatnun yutai shiig pegkeg aidaun ikautjabiagtinai, tuja apu aidaushkam waji akik aidaun anentag amasagtinai. Nuna Jerusalégnumia aidau wainainak wi Tuke Pujuu, senchigtin, Israel aents aidaun uwemtiknaitag nuna dekajuawagtinai.

(Isaías) 63:8

Apajuí chichaak: “Ditak mina aentsug asag, mina uchig, mina nawantug aina duwi intimjutmainchau ainawai. Nuadui dita pegkegchaujig kuashat aig, wait anentug uwemtikjauwai.

(Jeremías) 31:33

“Tuja nunú tsawan jegamtai, wi ditajai chichaman umiktinaitag duka juju atinai: Wi chicham umikbauwa nuna dita anentain egketjattajai, tuja anentaimtajinish agatjagtatjai. Wi dita Apajuíji atatjai, untsu dita mina aentsug agtatui. Witjai Tuke Pujuunuk, nunak dekas tajai.

(Oseas) 1:10

“Tujash Israel aents aidauk shiig kuashat yujakag, nayantsa kamatkaji dekapamainchauwa iman wajasagtinai. Nunú tsawantinig Apajuík ataktu chichaakug: ‘Atumek mina aentsjuchu ainagme’, tichatnai. Ayatak dekas: ‘Atumek Apajuí tuke pujuuwa nuna uchiji ainagme’, titinai.

(Evangelio según San Mateo) 22:32

“ ‘Witjai Abraham, Isaac, Jacob aina nuna Apajuijinuk’ tawa duka? Apajuik jakau aidaun Apajuijichui, iwaaku aina nuna Apajuijiyai”, tiuwai.

(Carta de San Pablo a los Romanos) 8:31

¿Nuna tajim nuanuish tu tumainaita? Apajuí iina wait anenjama nu jutiijai awa nuniaish, ¿ya pegkegchaush awajtamainaita?

(Deuteronomio) 26:18

Nuadui Tuke Pujuushkam nii anagtamauwa nunak imatiksag yamai chichaak: ‘Israel aents aidauk tikichdauk amaitsui, ima mina aentsjuk ainawai’, tujamui. Nuadui niina chichame umiktin agagbauwa duka betek umiktajum

(Deuteronomio) 4:20

“Atumnak jiju ukuijatasa hornonum jitayama numamtuk Egipto nugkanum waitkam batsatutigmin Tuke Pujuu jiipag niinu etamiuwai.

(Deuteronomio) 7:6

Wagki atumek ima Apajuí Tuke Pujuu tutaya nudau atinme tusa etegjamu ainagme. Nuadui atumnak ima niinuk atinun ashí aents nugkanmaya aina nuwiyan etegtamjauwai.”

(Carta a los Hebreos) 11:16

Tujash ditak nugka dekas pegkeja nuna wakegajakajui, duka nayaimpinum awa nuna. Nuadui Apajuí dita pujusagtinnak yaakat nayaimpinum awa nuna umigkauwai, dutikau asa Apajuik: Juka midau ainawai tutanmak datsamatsui.

(Primera carta de San Pedro) 2:10

Atumek yaunchkek Apajuí aentsji aajakchauwaitjume, tujash yamaik Apajuí aentsji wajasugme. Yaunchkek Apajuí wait anenjachbau aajakuitjume, tujash yamaik wait anenjamjaje.

(Apocalipsis) 21:3

Nuniamunum nayaimpinmaya senchi untsumun antukbaijai, nuniak: “Juajui aents aina duka Apajuijai ijunag pujustatui, nigka ditajai pujustatui. Nunitai dita niina aentsji agtinai, Apajuiya duke ditá Apajuiji atinai.

(Apocalipsis) 21:7

Depetmakunak ashí wají aina nuna susatnaitjai, nunikan wi ditá Apajuiji atatjai, tuja dita mina uchig agtatui.