(Éxodo) 6:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tuja Tuke Pujuu Moisésan ataktu chichajak: “Witjai Tuke Pujuunuk.

(Éxodo) 6:2 Iomraidhean Croise

(Génesis) 15:7

Tuja nuigtushkam chichajak: “Witjai Tuke Pujuunuk, wi aminak yaakat Urnum caldeo aents aidaujai pujaumin, juju nugkan ame wegantu agtina nudau tuke atinun amastasan jiikbaijame”, tiuwai.

(Éxodo) 12:12

“Tuja nunú kashia duwi wi ashí Egipto nugkanum nagkaemakun uchi iwai egiptunmaya aidaunak ashí ijinattajai. Dutikakun kuntinu uchiji yama nagkamchaku petsakbau aidaunashkam ashí ijinattajai. Tuja egiptunmaya aidau apajuímtaiji aina nunashkam ashí tsaigkattajai. Ima wikitjai Apajuí Tuke Pujuunuk, tikichik atsawai.

(Éxodo) 14:18

Nuna dutikamtai ¡egiptunmaya aents aidauk dekajuawagtatui dekas wi Apajuí Tuke Pujuu tutayaitag nuna!” tiuwai.

(Éxodo) 15:3

Tuke Pujuuwa nunuwai dekas maanitan yachak. Niina daajig dekas Tuke Pujuu tutayai.

(Éxodo) 17:1

Israel aents aidau uwejush Sin tutainum batsatu ashí jiinag diipas jintá kanui kanuinakua Tuke Pujuu chichamen antujus Refidim nugkanum jegawag aakmajag batsamsajui. Tujash yumi dita umumainuk atsujakui.

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Éxodo) 3:14

Tutai Apajuí ayaak: “Mina daajuk: ‘Tuke Pujuuwai’ Juju mina aentsug aidau ujaakum: ‘Tuke Pujuu’ minak atuminig awetime, titatme”, tiuwai.

(Éxodo) 3:15

Tuja nuigtushkam Apajuí Moisésan chichajak: “Juju aatsa mina aentsug aidau ujakta. Wika Apajuí, Tuke Pujuun atumi apachjum Abraham, Isaac, Jacob emematujaku aina nunuwaitjai. Jujuwai mina daag yaunchkesh tuke asauwa nunú. Jujuwai mina daajun ajumaish tuke adaititin aina duka.

(Éxodo) 6:29

aatus tiuwai: “Witjai Tuke Pujuu tutai. Wi amina titatjam duka ashí imatiksamek faraón ujakta”, tiuwai.

(Éxodo) 6:6

“Nuadui Israel aents aidau tita: ‘¡Witjai Tuke Pujuunuk! Nuniau asan egiptunmaya aents aidau waitkainam batsatjum nunak egiptunmaya aidaun suwimka suwakun jiigtatjime. Tuja takat katsugmanum takamtijamainakui waituinajum nunashkam dutiksanuk agkanmitkattajime. Wi mina senchigjai ayamjukan jiigtatjime.

(Éxodo) 6:8

Nuadui wi Abrahaman, Isaakan, Jacopan chichagkun: “Nugka amastajime” tusan dekas umiktinjun anagkuawaitag nuwi ejegattajime, dutikan nuna amastatjime atumdau tuke atina nuna. Wi Tuke Pujuu tutayaitag imanun nunak tajai’ tita”, tiuwai.

(Isaías) 42:8

¡Wika Tuke Pujuuwaitjai, nunuwai mina daajuk! Mina emematjaku kantamtai aina duka tikichik makichkish kantamjuawaigpa, tuja mina emematjutmaina nunú idaikumek, dakumka najanamu aina duka makichkish emematipa.

(Isaías) 43:11

Ima wikitjai Tuke Pujuunuk; tikichik uwemtikagtumainuk atsawai.”

(Isaías) 43:15

Witjai Tuke Pujuu, Israel aents aidaun najanaunuk. Witjai atumi Apajuíjum pegkegmanuk.”

(Isaías) 44:6

Tuke Pujuu, Israel aents aidaun apuji, Israel aents aidaun uwemtikin, Tuke Pujuu ashí senchigtina nunú chichaak: “Witjai nagkamtinish tuke pujuunuk, tuja atakea duish tuke pujutnaitjai. Tikich Apajuí mina nagkaetasuk atsawai.

(Jeremías) 9:24

Dekas eme anenmamsatatus wakegakug, wi Tuke Pujuu ashí senchigtinaitag nuna shiig dekaa umigtak eme anenmamainai. Wika nugkag anenkajai takajai, nuadui anenka nunú tsanumtsuk shiig takamua nujai shiig awajtawai.”

(Malaquías) 3:6

“Witjai Tuke Pujuunuk. Wika yapajintsujai. Nuadui Israel aents aidautigminak ashí ijinachuitjime.