(Éxodo) 6:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Tama Moisés Tuke Pujuun ayaak: “Israel aents aidaukesh mina antugtuinatsu nunash ¿wajuk faraógkash antugtuktigki wi shiig jintiaja chichatsug nuniaish?” tau.

(Éxodo) 6:12 Iomraidhean Croise

(Éxodo) 3:11

Tusa tama Moisés Apajuín ayaak: “¿Wisha wainkauchitag juninnush Egipto apuji pujamunum jeganush, Israel aents wi wegantu aidau nuwi batsata nunash jiimainkaitag?” tiuwai.

(Éxodo) 3:13

Tutai Moisés Apajuín ayaak: “Tujash wi jegaan ditá chichagkun: ‘Atumin apachjum Abraham, Isaac, Jacob Apajuín emematujaku aina nunú atumin agkanmitkati tusa awetime’ tai dita mina aijuinak: ‘¿Dusha yaita daajish?’ tusa tujutainakuish, wisha ditanash ¿wajintu aikagtatja?” tiuwai.

(Éxodo) 4:1

Tutai Moisés ayaak: “Tujash minak dekaskeap tawa tujutchagtatui, nuninak wi taishkam antugtutsuk Tuke Pujuu wantintugmakchau aig, tuu wekaeme, tujutiagtatui”, tiuwai.

(Éxodo) 4:10

Tama Moisés Tuke Pujuun ayaak: “¡Chah, Tuke Pujuuwah! Wika shiig jintiaja chichamainchau dekapnujai, junak yaunchuk nagkamsan, yamai ame augtakminish nunisnuk chichajai”, tau.

(Éxodo) 6:13

Tutai Tuke Pujuu Moisésan Aarógjai akateak: “Israel aents aidau faraógjai chichagkujum: ‘¡Tuke Pujuu Israel aents aidaun jiigtinme!’ tujamae titajum”, tiuwai.

(Éxodo) 6:30

Tusa tama Moisés Tuke Pujuun ayaak: “Tujash wi shiig jintiaja chichatsug nuniaish faraógkash ¿wajuk minash antugtuktigki?” tiuwai.

(Éxodo) 6:9

Tusa tima Moisés dutiksag Israel aents aidaun ataktu ujakui. Tujash ditak antugkachaju ainawai, wagki Moisésa tuu wekaetin shiig senchi takamtijamainak waitkagmainawai tuidau asag.

(Isaías) 6:5

Imaniakui chichaakun: “¡Jajapi yamaik! Wagki wika pegkegchaun chichau wajasu, tuja aents pegkegchaun chichau aina nujai ijunjan pujag, nuniayatkunuap Tuke Pujuu ashí senchigtina nuna pan wainkaja”, tusan tibaijai.

(Jeremías) 1:6

Tusa tujutkui wi ayaakun: “Chah, apu Tuke Pujuuwah, wika tsakataitag nuniau asan jintiaja chichatnak dekatsjai”, tibaijai.

(Los Hechos de los Apóstoles) 7:51

“Atumek tuke antumtikmainchau, nuigtú antutaigmish, anentaimtagminish Apajuí anentaimtuchua nunin aajakuitjume, nuniau asajum Wakaní Pegkejishkam shiwagmagme, atumi muunjum wajukejakua nunisjumek.

(Deuteronomio) 30:6

Tuke Pujuu atumi Apajuíjum atumjai, tuja atum wegantu agtinjai chichaman umikua nunú kajimattsuk aneaku atajum. Nuniakjum atumi anentaimijai, wakanmijai Apajuí aneau asajum iwaku pujusminjum.