(Éxodo) 5:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tutai faraón ayaak: “¿Yaita dusha Tuke Pujuush, wi niina chichamen antugkan, Israel aents aidaun shiyaktajum tusa idaisatnunash? ¡Wika Tuke Pujuunak wainchaujai, nuigtushkam Israel aents aidaunak shiyaktinme tusanuk idaisashtatjai!” tau.

(Éxodo) 5:2 Iomraidhean Croise

(2 Reyes) 18:35

Tuja wi adaijag nuwiyash tuu nugkanmaya aidaun apajuíjiya asirianmaya aidaun ¿depetkash niina aentsji aidaunash ayamjukuita? Nunú dekau asajum, Jerusalégnumia aidautinak Tuke Pujuu yaimpak uwemtijamjattawai tumaitsugme”, tiuwai.

(Nehemías) 9:10

Nuadui faraón ashí niina inake aidaujai, tuja nunú nugkanmaya aidau ashí suwimak suwakum ishamain wainchatai aidau iwainajuitme, wagki Israel aents aidaun shiig pegkegchaunum waitkaidau asagmatai. Dutikau asam yamaik ameketme dekas pegkegnum augmattaimek.

(Salmos) 14:1

Aents anentainkachu aidauk: “Apajuík atsawai”, tuinawai. Nuadui dita anentainig ima pegkegchau aina nunú takatak ajuinawai, nuadui dita takamuji aina duka shiig dakitmainai. Tiki makichkiuchikesh pegkejan takauk shiig atsawai.

(Éxodo) 3:19

“Tusa taminish, faraógkak shiyaktajum tujamchatta nunak shiig dekajai. Tujash wi niinak waitkastatjai, shiyaktajum tujamti tusan.

(Éxodo) 7:17

Nuniau asamin juna aatus Tuke Pujuu chichaak: “ ‘ “Yamai dekaattame wi Apajuí Tuke Pujuuwaitag nunú”, tujamui. Nuadui wi ushujutain takakag juwi namakan awattatjai, dutika ai yumi numpa wajastatui.

(Daniel) 3:15

Nunú dekasketkuish nunak tsagkujajime. Untsu yamai músican awatuinakui, jeganjum tikishmaja pujusjum ememattajum. Nuniakjuminig suwimkanak amaschagtatjai. Untsu atum emematchakjuminig, pag inagtai horno kega imannum egkeatajum tusan titatjai. Nuna dutika aish, makichik apajuíkesh atumnak ayamjutpakchagtatui”, tiuwai.

(Evangelio según San Juan) 16:3

Nunak mina Apagnash, minashkam dekajuinachu asag dutijamiagtinai.

(Carta de San Pablo a los Romanos) 1:28

Apajuik aents aidau dakituinamu asa, pegkegchau anentaimta nuwi idaisauwai; pegkegchau dutikmainchau aina nunak takastinme tusa.

(Segunda carta de San Pablo a los Tesalonicenses) 1:8

nuniak suwimkan susatnai Apajuinu dekatan dakitjau aidaun, nuigtú yamajam chicham Apu Jesús pachisa etsegbaun antugkachaju aina nunashkam.

(Jueces) 2:10

Tuja Josuéjai betek batsamajaku aina dushakam múun waigkag jinawajui. Nunú jinawaju ai batsamas akiinkau aidauk Tuke Pujuunak dekajakchau ainawai. Tuja Apajuí ditan ayamjak wainchatai aidaun kuashat iwainajua nunakesh dekachaju ainawai.

(1 Samuel) 2:12

Elí uchiji aidauk pegkegchau aidau asag, Tuke Pujuunak ajantus diijakchau ainawai.