(Éxodo) 5:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Nuna dutika ukuinak Moisés niina yachi Aarógjai faraógkan jegajuawag chichajuinak: “Israel aents aidauti emematin ainag nunú Apajuí, Tuke Pujuuwa nu chichaak: “ ‘Mina aentsug aina nunú idaitugsata, dutikam uwegshunum shiyakag, awi ijunag mina emematjuinak jiistamatnume’ tawai”, tuidau.

(Éxodo) 5:1 Iomraidhean Croise

(1 Reyes) 21:20

Tusa ujakam, Nabot Elíasan ayaak: “Amek mina shiwaajuitme, tujash juwi igkunkaume”, tiuwai. Tama Elías ayaak: “Ehe, igkugjame. Wagki amek Tuke Pujuu diismak ima pegkegchauwa duke takame.

(Éxodo) 10:3

Tusa tima Moisés Aarógjai faraógka jegajuawag chichajuinak: “Tuke Pujuu Apajuí, Hebreo aents aidauti emematin ainag nunú aatus tawai: ‘¿Wajupa asamea emematjum idaikumesh wi tabaush umiktatme? Idaisata mina aentsug aidau, jiinjag mina emematjitnume.

(Éxodo) 10:4

Tujash emeteakminig, kashin manchin ishitkattajame amina nugkemin.

(Éxodo) 10:9

Tusa tama Moisés ayaak: “¡Jutii aidautik ashí iina uchiji piipich aidau, múuntuch aidau, iina nawanji aidau, iina uchiji aishmag aidau aatsa ashí yajuaka, nuigtu iina uwigji, baka aidaujaí yajuaka shiyaktatji! ¡Nunú atatui dekas jutii Tuke Pujuu emematuinaku shiig aneasa jiistamauwa nunú!” tiuwai.

(Éxodo) 3:18

“Tusa tamin Israel aentsu apuji múun aidau antugtamkagtatui. Nunikagmatai ditajai faraón jegajua chichagkum: ‘Tuke Pujuu, Apajuí hebreo aents aidau Apajuíji jutii aidauti emematin ainag nunú wantintugmakji. Nuniku asamtai idaikagtusta kampatum tsawan mujá shiyakaja, nuwi kuntin maa apeaku Tuke Pujuu iina Apajuíjiya nunú emematmi taji’ titatme.

(Éxodo) 33:13

Nunú dekasketkuig wajina dutikatjai tusamea anentaime nunú ujatkata, wisha nuna dekaan dekas yaimpaktatuapi titajai. Ame etegkagtujuitme mina aentsug atinme tusam. Nuadui idaikagtutsuk uyunkagtusta”, tiuwai.

(Éxodo) 4:23

Nunin asamtai, agkan idaitugsata mina uchig aidau jiinjag emematjitnume timajame, tusa tamash dakitau asamin, wi amina uchijum iwaiya nuna mantuattajame’, tujamui tusam tita”, tiuwai.

(Éxodo) 6:11

“¡Wetá faraón pujamunum! núnikam Israel aents aidau Egipto batsata duka, idaisata jiinjati, tita”, tiuwai.

(Éxodo) 7:16

Nuwi wajamin taamtai chichagkum: “ ‘Hebreo aents aidauti Apajuí Tuke Pujuu tutai emematin ainag nunú amina ujakti tusa awetine. Nuniak aatus tujamui: “Mina aentsug aidau uwegshunum shiyakag mina emematjitnume agkan idaisata timagme. Tujash antugtatsme”, tujamui.

(Éxodo) 7:2

Wi titatjam nunú ame Aarón ashí ujakta; dutikam nii faraógkan chichajak: Israel aents aidau juwi batsata duka idaisata jiinjatnume tusa titatui.

(Éxodo) 8:1

Tuke Pujuu Moisésan chichajak: “Faraón pujamunum wetá, nunika chichagkum: “ ‘¡Mina aentsug aina nunú agkan idaitugsata, jiinag shiyakag mina emematjitnume! tujamui.

(Éxodo) 8:16

Tuke Pujuu Moisésan chichajak: “Aarón niina ushujutaijiya duwi nugka yukukuntu awatta tita, dutikam tetee najaneak, ashí Egipto nugkanmak piyakti”, tau.

(Éxodo) 8:17

Tusa tima nuna uminak Aarón ushujutaiyai nugka yukukuntun awatiuwai, dutikam ashí Egipto nugkanum nugka yukukuntu aidau ayauk tetee najaneak, Egipto nugkanak akijuauwai. Imaniku asa aents aidaunak, kuntin aidaujai senchi waitkaidau.

(Éxodo) 8:20

Nunitai Tuke Pujuu Moisésan chichajak: “Kashin kashikmas faraón namaka jegattawai, nuniktin asamtai, ameshkam kashikmasa nantakim jegaantata, núnikam Apajuí chichaak: ‘¡Mina aentsug aina nunak agkan idaitugsati, dutikam jiinag mina emematjitnume!

(Éxodo) 8:27

Nunin asamtai iik kampatum tsawantai weaja uwegshunum jegaa kuntin maa apeaku nii tujamauwa dutiksaik iina Apajuíji Tuke Pujuu tutaya nunú ememattag taji”, tau.

(Éxodo) 9:1

Nunikmatai Tuke Pujuu Moisésan chichajak: “Faraón jegajua chichagkum: ‘Tuke Pujuu Apajuí, Hebreo aents aidauti emematin ainag nunú chichaak: Mina aentsug aina nuna jiigti, dutikam mina emematjitnume’, tawai.

(Éxodo) 9:2

Tusa tamaitkum jiinjatnume tutsuk ayatak eme emeteakua wegau asamin,

(Ezequiel) 2:6

Tujash ditak ishamkaipa, dita chichaman tujamainakuish, ishamkagtukaipa, jagki tentea apakbauwa iman, tuja titig ayaunum ejapeena wajamaina iman dekapeakmesh, tuja kajekag pegkegchaun chichagtamainakuish, amek ishamkagtukaipa.

(Evangelio según San Mateo) 10:18

dutijamainak gobernador aidaunum ejetamawag nuigtú rey aidaunmash ejetamawagtinai mina nemagtuidau asagmin. Dutijamawagmatai ditá eemtin mina pachittsajum chichaakjum, Apajuí anentaimtuchu aidau eemtinish etsegtugkatin ainagme.

(Evangelio según San Mateo) 10:28

Iyashmin mainakuish ishamkaigpajum, tujash wakanminak maumainchau ainawai. Dekas ishamkatajum iyashin, wakannash waitut tuke atina nui egkepamaina nu.

(Los Hechos de los Apóstoles) 4:29

Nunin asamtai Apuh wainme amina inakem aidaun awantuina nunú, senchijum susata, ditash ishamkagtutsuk chichamjumin etsegkatnume,

(Primera carta de San Pablo a los Corintios) 5:8

Nunin asamtai yaunchuk tudau takainaku pegkegchau unuimatkamu aina nunisaik pujusaik Cristo ememattsuk, yamajam pujut dekas pegkeg aina nu takainaku dekaskenum emematiagmi.