(Éxodo) 4:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ “¡Amesh jutiksamek iwaintukta! Juna wainkag dekas iina muunji Abraham, Isaac, Jacob aajaku aina nuna Apajuíjimpap wantintuke tujamiagtatui”, tusa

(Éxodo) 4:5 Iomraidhean Croise

(Génesis) 12:7

Nuwi pujaun Tuke Pujuu Abragkan wantintuk chichajak: “Amina uchijum wegantu aidaun juju nugkanak susagtinaitjai”, tiuwai. Tusa tima Abram Tuke Pujuu emematku kuntin maa patasa apeatnun kaya ekenag najanauwai, wagki nuwi Tuke Pujuu wantintukbau asa.

(Génesis) 17:1

Abragkan noventa y nueve mijanji ajai, Tuke Pujuu wantintuk chichajak: “Antukta nijah, witjai Apajuí ashí senchigtinnuk. Nuadui amek mina emtijuig pegkegchau takamtsuk pujusta.

(Génesis) 18:1

Makichik tsawantai Abraham Mamrenum ikam encinar tutainum niina aakji waitijin etsa tajiajai eketun Tuke Pujuu wantintukui.

(Génesis) 26:2

Nuwi jegaa pujaun, Tuke Pujuu wantintuk chichajak: “Egiptunmak wepa, dekas wi amina titatjam nuwi weme pujusta.

(Génesis) 28:13

Tuja apu Tuke Pujuushkam niiyai ayaumas wajaun wainkauwai. Nunik wajas chichajak: “¡Witjai Tuke Pujuu, Apajuínuk, amina apachjum Abraham, nuigtu amina apa Isaac emematujaku aina nunuwaitjai! ¡Juju nugka juwi ame tepam junak amina, tuja amina uchigmin uchiji wegantu agtina nudau atinun amastatjai!

(Génesis) 48:15

Nuna dutika Josén pegkegnum yumigkiak aatus tiuwai: “Mina apachug Abraham, Isaac Apajuín umijujaku aina nunú wi yama nagkamchakun akiinawaitag duwi nagkamas yamaikish tuke kuitamja nunú,

(Génesis) 48:3

Nunik ekemas Josén chichajak: “Apajuí ashí senchigtina nunú Canaán nugkanum yaakat Luz tutai awa nuwi mina wantintujuk, pegkegnum yumigtak,

(1 Reyes) 18:36

Tuja kuntinu neje ashí apetai tsawan jegamtai Elías nuwi jeganta chichaak: “Tuke Pujuu Apajuín Abraham, Isaac, Israel aents aidau emematin aina nunuwah, dekas amek Israel aents aidaun ememattayaitam nuna yamai dekatnume. Tuja wika amina inakem asan, ame inatjamin jutikag nunashkam dekatnume.

(Éxodo) 19:9

Tusa ujakam Tuke Pujuu Moisésan chichajak: “Nijah, wi amejai chichamun aents aidau antukag, dekaskeap tawa tusag, tuké antugtamin atinme tau asan, yujagminum pachiinkan wantintuktatjame”, tiuwai. Tusa timatai, Moisés Israel aents aidau tibaunak imatiksag ataktu awagki Tuke Pujuun ujakui.

(Éxodo) 3:15

Tuja nuigtushkam Apajuí Moisésan chichajak: “Juju aatsa mina aentsug aidau ujakta. Wika Apajuí, Tuke Pujuun atumi apachjum Abraham, Isaac, Jacob emematujaku aina nunuwaitjai. Jujuwai mina daag yaunchkesh tuke asauwa nunú. Jujuwai mina daajun ajumaish tuke adaititin aina duka.

(Éxodo) 3:16

Nuadui wetá nunika jegaam Israel aentsu apuji múun aidau ijumja chichagkum: ‘Apajuí, Tuke Pujuu tutaya nuna, atumi apachjum Abraham, Isaac, Jacob emematujaku aina nunú mina wantintujuk chichagtak: Wika ditanak kajimatchau asan, egiptunmaya aents aidau waitkam batsata nunak wainjai.

(Éxodo) 3:18

“Tusa tamin Israel aentsu apuji múun aidau antugtamkagtatui. Nunikagmatai ditajai faraón jegajua chichagkum: ‘Tuke Pujuu, Apajuí hebreo aents aidau Apajuíji jutii aidauti emematin ainag nunú wantintugmakji. Nuniku asamtai idaikagtusta kampatum tsawan mujá shiyakaja, nuwi kuntin maa apeaku Tuke Pujuu iina Apajuíjiya nunú emematmi taji’ titatme.

(Éxodo) 3:4

Tusa nuna diistatus jegantattak wegaun Tuke Pujuu wainak, numi piipich kegamunmaya untsuak: “¡Moisés! ¡Moisés!” tama, nii ayaak: “Juwi pujajai”, tiuwai.

(Éxodo) 3:6

tusa nuigtushkam chichajak: “Witjai Apajuínuk, amina apachjum Abraham, Isaac, Jacob aidau emematujaku aina nunuwaitjai”, tiuwai. Tutai nuna antuk Moisés ishamak Apajuín diimainchau dekapeak, yapin dukukui.

(Éxodo) 4:1

Tutai Moisés ayaak: “Tujash minak dekaskeap tawa tujutchagtatui, nuninak wi taishkam antugtutsuk Tuke Pujuu wantintugmakchau aig, tuu wekaeme, tujutiagtatui”, tiuwai.

(Éxodo) 4:31

Nuna wainkag Israel aents aidauk: Dekas Tuke Pujuuwap awemae tiajui. Tuja Israel aents aidau waituina nunak wainjai, tuja waitkam batsata nunashkam dekajai Tuke Pujuu timae tabaun antukag, tikishmag pujusag niina emematuidau.

(Éxodo) 4:4

Nunitai Tuke Pujuu Moisésan chichajak: “Ujuknum achikta” tau. Tama Moisés achikui; dutikam ataktu ushujutai wajasui. Nunikmatai chichajak:

(Jeremías) 31:3

Yaunchkek wika ditanak atushat wantintukuitjai. Nunika chichagkun: Wika atumnak tuke aneen asan, yamaikish tuke wait anentakun kuitamjime.

(Evangelio según San Juan) 11:15

tujash awi pujuschag dui shiig aneajai; wagki atum dekaskeapi tiagtin asagmin. Tujash wee diisagmi, tau.

(Evangelio según San Juan) 11:42

Wika dekajai, amek minak tuke antugtam nunak; tujash ju aents ijunaina nu shiig wainkag, ame awetiuwaitam nuna dekaskeapi tujuttinme tabaunum tajame, tau.

(Evangelio según San Juan) 20:27

Nuna tusa Tomasan chichajak: —Jui tsajam uwegmin inuata, dutikakum mina uweg aina nu diistá; uwejum itantá nunikam mina bijagjui inuata. ¡Dekaskeapi tuchauk aipa, dekaskeapi tinu atá! tiuwai.

(Evangelio según San Juan) 20:31

Nuniaig juka: Atumesh Jesusak, Cristo Apajuí Uchijimpapita, tusajum dekaskeapita takujum, pujut tuke atina nu jukimnujum, tusan agatjime.

(Evangelio según San Juan) 5:36

Tujash Juan mina pachitus etsegtugkauwa nuna nagkaesau ajutui; wagki mina Apag takatan sujak ju umiktá tujutbauwa nuna takaag duke minak etsegtujuinawai Apag awetiuwa nuna.

(Los Hechos de los Apóstoles) 7:2

tama ni ayaak: “¡Yatsug aidauh nuigtú mina muuntug aidautigmesh antuktajum! Iina Apajuiji dekas imana nunú, iina muunji Abraham aajakua nuna, Harán wegatsaig Mesopotamia pujuttaman wantintuk,

(Carta a los Hebreos) 11:16

Tujash ditak nugka dekas pegkeja nuna wakegajakajui, duka nayaimpinum awa nuna. Nuadui Apajuí dita pujusagtinnak yaakat nayaimpinum awa nuna umigkauwai, dutikau asa Apajuik: Juka midau ainawai tutanmak datsamatsui.