(Éxodo) 4:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Dutijamamtai niijai chichasta, nuniakum wi amina tajam nunú ashí ujakta, dutikam ame tumaina nuna nii Israel aents aidaun ujakti. Tuja wi niinak yaigtatjai, dutikakun atum dutikatnunashkam jintintuattajime.

(Éxodo) 4:15 Iomraidhean Croise

(Salmos) 51:15

Apuh, minash kantamati tujutta, wisha kantamtain amina kantamjuatjame.

(Éxodo) 3:12

Tutai Apajuí ayaak: “Wi aminak uyuuntsattagme. Mina aentsug ame wegantu aidau Egipto nugkanum batsata nunú jiija yajuakam, ashí atum aidautijum juju muja juwi emematjitnaitjume. Nunú betek uminkui dekattame wi amina awemajam nunú”, tiuwai.

(Éxodo) 4:12

Nuadui wetá, wi aminak chichamtikattajame, wiki ame anentaimja chichaktinnash jintintuattagme”, tiuwai.

(Éxodo) 4:28

Dutika igkugkam Tuke Pujuu titatme tibaunak imatiksag Moisés Aarógkan ashí ujakui. Tuja nunú dutikattame tusa Tuke Pujuu tibaunashkam imatiksag ujakui.

(Éxodo) 4:30

Dutika ijumag Tuke Pujuu Moisésan titatjume tibaunak Aarón imatiksag ashí ditan ujakui. Dutikamtai Moisés Tuke Pujuu senchijin wainchatai aidau iwainagta tibaunak imatiksag dita wainainamunum ashí iwainajui.

(Jeremías) 1:9

Nuna tusa Tuke Pujuu wenujun achigtuk chichagtak:

(Jeremías) 36:32

Nuna tusa nagkanak, Jeremías tikich duwapen juki Baruc papiin agau aajakua nuna susauwai, dutikam nuna juki Jeremías tabaunak imatiksag ashí agajui. Nunak yama nagkamchaku agagbaun apu Joaquim apeauwa nuna ashí betek agajui, dutikak, nuigtushkam tikichin nunú chicham agagbaujai betekmamtinun Jeremías ekek tutai nunashkam dutiksag ashí agajui.

(Números) 22:38

Tusa tama Balaam ayaak: “Kame yamaik juwi taajai amejai chichastasan. Tujash wika mina senchigjaikik chichamaitsujai, Apajuí wajinjuttig nuna wika titatjai”, tiuwai.

(Números) 23:12

Tusa tama Balaam ayaak: “Wika amejai chichaakun, Tuke Pujuush tunak tujutit nuna wika titatjai timagme”, tiuwai.

(Números) 23:16

Nunik jeganmatai Tuke Pujuu Balaama wantintuk nii chichaktinjin ujakui, dutika chichajak: “Wakitkita Balac pujamunum, nunikam wi amina tajam nunú betek ujakta”, tiuwai.

(Números) 23:5

Tusa tima Balaam chichaktinjin Tuke Pujuu ujakui. Dutika chichajak: “Wakitkita Balac pujamunum, nunikam wi amina tajam nunú betek tita”, tiuwai.

(Evangelio según San Mateo) 28:20

dutikakjum ashí ju umiktajum, atumin tiuwaitjim dushakam jintintuatajum. Wika ashí tsawantai, nugka nagkanbau atina duish atumjaig tuke pujutnaitjai. Aatus atí.

(Evangelio según San Lucas) 21:15

wagki wi atum chichaktinnak dekamtikattajime, dutikamu asagmin atum chichataik, shiwajum aina nuiyagkesh makichkish tujamainchau agtinai.

(Primera carta de San Pablo a los Corintios) 11:23

Wika Apu Jesús tujutbauwa dutiksanuk atumnash jintintuabiajime: Apu Jesusak sujam asauwa nunú kashik pagkan juki,

(Primera carta de San Pablo a los Corintios) 15:1

Yatsug aidauh, aneemtijatasan wakegajime, wi yamajam chicham etsegbau antukuitjum nuig ebetmamjajum batsatjum nuna;

(Deuteronomio) 18:18

“ ‘Wi dita aina nuwiyan makichik mina chichamjun etsejin amejai betekan dita wegantunmayan etegkattajai. Dutikan wiki nii chichaktinnak jintintuattajai. Nuadui wi tabaun juki etsegtatui.

(1 Samuel) 16:3

Nunika jegaam Jesé ipaata ame kuntin maa apeamin uyuuntamsati. Tuja ame dutikatnunak wi jintintuattagme. Tuja apu atinnashkam wi iwaintuktatjame. Dutikamtai nunú aceiteyai buuknum nijakta”, tiuwai.