(Éxodo) 4:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Tutai Tuke Pujuu Moisésan kajejuk chichajak: “¡Awi amina yatsum Aarón Leví wegantu shiig chichau puja nuna wi wainag jamah! Nuigtushkam nii amina igkumpaktatus minawai. Tuja amina waipak shiig aneas jujamkittawai.

(Éxodo) 4:14 Iomraidhean Croise

(2 Samuel) 6:7

Dutika achikmatai Tuke Pujuu niina shiig senchi kajegkauwai. Nuadui arcanum ayaumas jaka iyantui.

(Salmos) 105:26

Tuja kuashat waitkagtai, Apajuí niina inake etegkamujin Moisésan Aarógjai Egipto nugkanum awemauwai.

(Éxodo) 4:13

Tama Moisés ataktu chichaak: “¡Chah, Tuke Pujuuwah, wait aneasam dekas tikich awemata!” tau.

(Éxodo) 4:17

Tuja ¡anú ushujutaijum jukim wetá, núnikam aanjai kuashat wainchatai aidau iwainagtatme!” tiuwai.

(Éxodo) 4:27

Nuna nuniai Tuke Pujuu Aarógkan chichajak: “¡Uwegshunum weme Moisés igkugkam utita!” tiuwai. Tima niishkam weji “muja Tuke Pujuu etegkamu pegkejam” tutainum waka igkug kumpamak yapiin kugkuasui.

(Números) 12:2

Dutikainak: “¡Tuke Pujuuk ima Moisésjaigkik chichatsui, auk jutijaishkam chichawai!” tuidau. Tusa tiagtatman Tuke Pujuu antugkauwai.

(Los Hechos de los Apóstoles) 15:28

Wakaní Pegkejin shiig awajkae jutiinash aikasag, nunin asamtai makichkish dita umimainchauk utugchatak apujtuschagmi, jujú aina junak dutikatnume taji;

(Segunda carta de San Pablo a los Corintios) 2:13

tujash yatsug Titon wainkachu asan shiig juwamainchau dekapeakun, ditanak akattsan ukuakun Macedonia nugkanum webaijai.

(Carta de San Pablo a los Filipenses) 2:21

Wagki ashí tikich aidauk, Cristo Jesús wakega nuna egatsuk dita wakegamua nunak egainawai.

(Josué) 24:5

“ ‘Nunika nuwi kuashat mijan batsatai, wi Moisésan Aarógjai akuptukuitjai ditan yaigtinme tusan. Dutikan egiptunmaya aents aidaunak shiig senchi suwimka susan waitkasan atumi muunjum aidau nuwi batsatun jiijuitjai.

(1 Samuel) 12:8

“Atumi apachjum aajaku aina nunú Jacob niina uchiji wegantu aidaujai Egipto nugkanum shiyakag batsatun, nuwiya aents waitkasu ainawai. Imatika waitkainam Tuke Pujuu yaimpakti tusag segajaku ainawai. Nuna antujuk Tuke Pujuu Moisésan Aarógjai awetiuwai. Dutikam iina apachji aidaun jiija yajuak juju nugka juwi ikaunmauwai.

(1 Samuel) 2:27

Tuja nunú tsawantin Apajuí chichame etsejin Elín ijagsatatus jegajuauwai. Nunik jegajua chichajak: “Amina apachjum aidau Egipto nugkanum faraógka inaku waitkatai batsatun wi mina senchijun ditan iwaintukuitag nuna dekati Tuke Pujuu tujamui.