(Éxodo) 4:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Tama Moisés ataktu chichaak: “¡Chah, Tuke Pujuuwah, wait aneasam dekas tikich awemata!” tau.

(Éxodo) 4:13 Iomraidhean Croise

(Génesis) 24:7

Tuke Pujuu Apajuí nayaimpinmayaya nunú mina pataju nugkeen mina apaju jeen pujai jiijak, mina, tuja mina uchijun uchiji wegantu agtina nunú batsamsatnun susatjai tusa juju nugkan anagtuauwa nunú Apajuí niina aentsjin nayaimpinmayan emtikak awemattawai. Nuadui mina uchijun nuwe atinuk nii yaimpasmatai juki itaattame.

(Génesis) 41:35

Trigo senchi nejet mijan atata nuadui juukag ashí yaakat aina nuwi ijumjatnume. Duka amina chichamjuminig kuitamkamu ati, yapajut tepeamtaish nuwiya juki aents aidau ayugnatin asamtai.

(Génesis) 48:16

tuja Apajuí ángel tumain nayaimpinmaya pegkegchau aidaunmash ashí agkanmitkajuauwa dushakam, ¡juju uchi aidaunak pegkegnum yumigsati! ¡Nuadui mina daajush, mina apachug aidau, Abraham, Isaakan daajish, ditá daajin atakea duwish tuke pachitai atinme! ¡Ditak kuashat uchigtin atinme, nuninak shiig kuashat yujaktinme!”

(1 Reyes) 19:4

Untsu niig nigki uwegshunmanini weuwai. Nunik makichik tsawan wea weakua tampuch wajamunum jeganta nuwi ayaumas pujusui. Nuwi pujus jamainun anentaimu asa chichaak: “¡Tuke Pujuuwah, yamai anentaimkun waittsashjai! ¡Dekas jakati tujutta, wagki wika mina muuntug aina nuna nagkaesaukesh atsujai!” tiuwai.

(Éxodo) 4:1

Tutai Moisés ayaak: “Tujash minak dekaskeap tawa tujutchagtatui, nuninak wi taishkam antugtutsuk Tuke Pujuu wantintugmakchau aig, tuu wekaeme, tujutiagtatui”, tiuwai.

(Éxodo) 4:12

Nuadui wetá, wi aminak chichamtikattajame, wiki ame anentaimja chichaktinnash jintintuattagme”, tiuwai.

(Éxodo) 4:14

Tutai Tuke Pujuu Moisésan kajejuk chichajak: “¡Awi amina yatsum Aarón Leví wegantu shiig chichau puja nuna wi wainag jamah! Nuigtushkam nii amina igkumpaktatus minawai. Tuja amina waipak shiig aneas jujamkittawai.

(Jeremías) 1:6

Tusa tujutkui wi ayaakun: “Chah, apu Tuke Pujuuwah, wika tsakataitag nuniau asan jintiaja chichatnak dekatsjai”, tibaijai.

(Jeremías) 20:9

Tuja wi anentaimsa chichaakun: ‘Dekas yamai nagkamsanuk Apajuínak kajimatkitjai, tuja niina daajin pachisnush etsegkashtatjai’, tajai. ¡Tujash amina chichamem mina anentaijui jiijai betek nimpak mina ukunchjunash sukuawai! Dekas yamaik chichakchatjai tajai, tujash amina chichamjumnak etsegtsuk idaimainchau dekapeajai.

(Jonás) 1:3

Tusa timaitak Nínive wemainun ukuak, dekas tikich nugkanum Apajuísh waitmainchaunum wetajai tusa, yaakat Jope lancha anumtaijin jegauwai. Nunik jegakma makichik lancha wetatus uminas tepaun wainkauwai. Nunik España nugkanum yaakat Tarsis atushat asamtai, imanui weakun Apajuín uumjuka ukuktajai tusa shiig aneas akikmak egkemjauwai.

(Jonás) 1:6

Nunittaman lanchanum takau aidaun apuji jegantun chichajak: “¿Kaja wajasuh, amesh juwish waji kanush egkemtame? ¡Nantakim amina Apajuíjum segata! ¡Wait anenjamag yaimpakchaintash!” tau.

(Evangelio según San Mateo) 13:41

Aentsmaga akiinauwa nunú angelji aidaun ishiaktinai, ni inama nuiyan ashí pegkegchau takau aidau, tikichin pegkegchaun takamtikin aina nuna ijumjatnume tusa;

(Evangelio según San Juan) 6:29

Tiagtai Jesús ayaak: —Juuwai Apajuí wakega duka, ni awemamua nuna dekaskeapi titinme tawa nuuwai.

(Jueces) 2:1

Apajuí ángel tumain Guilgalnumia juwaki Boquimnum weuwai. Nunik jegaa Israel aents aidaun chichajak: “Atumnak Egipto nugkanum batsatutigmin wi jiigmaijime. Dutikan juju nugka juna atumi muunjum aidaun anagkuakun, atumi uchijum wegantu aidaun susatnaitjai, tiuwaitag nuwi itajime. Ditan chichajuinakun: ‘Wi atumjai chichaman umikag nunak tuké umiktinaitjai’, tiuwaitjai.