(Éxodo) 4:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tama Moisés Tuke Pujuun ayaak: “¡Chah, Tuke Pujuuwah! Wika shiig jintiaja chichamainchau dekapnujai, junak yaunchuk nagkamsan, yamai ame augtakminish nunisnuk chichajai”, tau.

(Éxodo) 4:10 Iomraidhean Croise

(Éxodo) 3:11

Tusa tama Moisés Apajuín ayaak: “¿Wisha wainkauchitag juninnush Egipto apuji pujamunum jeganush, Israel aents wi wegantu aidau nuwi batsata nunash jiimainkaitag?” tiuwai.

(Éxodo) 4:1

Tutai Moisés ayaak: “Tujash minak dekaskeap tawa tujutchagtatui, nuninak wi taishkam antugtutsuk Tuke Pujuu wantintugmakchau aig, tuu wekaeme, tujutiagtatui”, tiuwai.

(Éxodo) 6:12

Tama Moisés Tuke Pujuun ayaak: “Israel aents aidaukesh mina antugtuinatsu nunash ¿wajuk faraógkash antugtuktigki wi shiig jintiaja chichatsug nuniaish?” tau.

(Éxodo) 6:30

Tusa tama Moisés Tuke Pujuun ayaak: “Tujash wi shiig jintiaja chichatsug nuniaish faraógkash ¿wajuk minash antugtuktigki?” tiuwai.

(Jeremías) 1:6

Tusa tujutkui wi ayaakun: “Chah, apu Tuke Pujuuwah, wika tsakataitag nuniau asan jintiaja chichatnak dekatsjai”, tibaijai.

(Miqueas) 6:4

Atumek Egipto nugkanum inaku waitkatai batsatutigmin wi jiijan agkanmitkauwaitjime; atumin yaimpakag jiipagtinme tusan Moisésan, Aarógkan, Marían ishiakamiajai.

(Los Hechos de los Apóstoles) 7:22

Dutika Moisesnak egiptonmaya unuimatai aina nunak ashí jintintuawajui. Dutikamu asa, chichamesh najamin takatjinish imanuk ajakui.

(Segunda carta de San Pablo a los Corintios) 10:10

Tujash awai mina pachittsag: Pablo carta agag awetugmakug najamnun tujamji, tujash taa pujakug chichamesh puyatjusa antugmainchauwe tujutuinawai.

(Segunda carta de San Pablo a los Corintios) 11:6

Wi shiig jintiaja chichaachkunush dekatjuig nuninchauwaitjai. Duka ashí ii takaamunum tuke iwaintibiajime.