(Éxodo) 34:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ aatus tiuwai: “¡Tuke Pujuuwah, dekaskenum mina anenkumek uyunkagtusta! Iik dekas antakchau ainaji, tujash tsagkugkagtujam amina aentsjum ekagtita”, tiuwai.

(Éxodo) 34:9 Iomraidhean Croise

(Salmos) 33:12

Aents aidau Tuke Pujuuwai dekas iina Apajuíjig tuina duka shiig aneasag pujusagtinai, wagki midau ati tusa etegkamu asag.

(Éxodo) 19:5

“Tuja ashí nugka aina duka ashí aents aina nujai midau ainawai. Nunin aig wi atumin mina aentsug atinme tusan etegkauwaitjime. Nuadui wi chichaman tajim nunú antukjum umiakjumek atum dekas atatjume mina aentsug tikich aents aina nuna nagkaesau.

(Éxodo) 32:9

Tusa Tuke Pujuu ataktu Moisésan chichajak: “Wi ditanak diyakjai, nuniau asan dekajai ditak dekas shiig antakchau ainawai.

(Éxodo) 33:12

Moisés Tuke Pujuun chichajak: “Ame minak juju aents aina juju yajuakam emata tujutme. Tujutiatkum yaki minash atutkati duka eke tujuttsume. Nuniayatkum: ‘Aneajame, nuniau asan kajittsan anentaimtajame’ tujutmayume.

(Éxodo) 34:7

Mina anenkajuk yaunchuk auwa nunisag tuke atinai, nuadui aents aidau mina dakitjuinak pegkegchaun takainak, wijai shiwagmagainakuish, tsagkugkagtinaitjai. ¡Dutikayatkun dita pegkegchau takamsamujin suwimka suwakun ditá uchiji aidaunash tijaji aidaunash, ama tijaji aidaunash suwimkan suwaitjai!” tiuwai.

(Miqueas) 7:18

“Apajuíjuh, tikich Apajuí amejai betekak atsawai. “Amek amina aentsjum ujumak iwaku batsata nuna pegkegchauji tsagkujakum, intimtaiji aidaush kajimatkim idaime. Amek jutii aidauti anejatu asam, kajekmesh tuke nunismekek pujatsme.

(Números) 14:19

Nuadui amina anenkagmek múunta ibau asamtai, juju aents aina nuna pegkegchaujig tsagkujata, wagki ditak Egipto nugkanum batsatu jiija yajuakam ame kuitamsam imajui ikaunbau asam”, tiuwai.

(Evangelio según San Mateo) 28:20

dutikakjum ashí ju umiktajum, atumin tiuwaitjim dushakam jintintuatajum. Wika ashí tsawantai, nugka nagkanbau atina duish atumjaig tuke pujutnaitjai. Aatus atí.

(Deuteronomio) 32:9

Apajuík Jacopa uchiji wegantunmaya aidautin etegtamjauwai niinu agtinun.

(Deuteronomio) 4:20

“Atumnak jiju ukuijatasa hornonum jitayama numamtuk Egipto nugkanum waitkam batsatutigmin Tuke Pujuu jiipag niinu etamiuwai.

(Deuteronomio) 9:18

“Nuna dutikan atum yaunchuk pegkegchau takakjum Tuke Pujuu ikajkagmin, wi niina segaakun cuarenta tsawan nuigtu cuarenta kashi yujumka yutsuk umutnash umutsuk pujuyag imanisnuk ataktushkam Tuke Pujuu segaaku pujuyajai.

(Deuteronomio) 9:26

Nuwi pujusan niina senchi segaakun: ‘Tuke Pujuu Apajuíyah, ame tujinmainuk makichkish atsawai. ¡Nuadui juju amina aentsjum aidau, Egipto nugkanum batsatu amina senchigmijai jiijuitam duka, wait aneasam ijinawaipa!

(Deuteronomio) 9:29

¡Tujash Israel aents aidauk amina aentsjum ainawai! Nuniau asamtai amina senchigmin Egipto nugkanum batsatu jiigmayume’, tusan tiyamiajai” tiuwai Moisés.