(Éxodo) 34:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nunika Moisés wajamunum nagkaemak senchi jiika chichaak: “¡Witjai Apajuí TUKE PUJUU tutain, wika kakagchauch, wait anenkagtin, wamak kajechu, anenkaji múun, dekaskenum chichauwaitjai!

(Éxodo) 34:6 Iomraidhean Croise

(Génesis) 24:27

“¡Tuke Pujuu mina apug Abrahama Apajuíjig pegkegnum chichagtai atin ati! Dekas amek mina apug wait anentau asam anagkuamugmek umitskek idaisachume. Ame minashkam jinta inaktugsam, mina apug Abrahama patayin itajuaume”, tiuwai.

(1 Reyes) 19:11

Tusa timatai Tuke Pujuu niina chichajak: “¡Jiinkim anú mujanum mina emtijui wajasta!” tiuwai. Nuna tusa inagnaig, Tuke Pujuu nagkaemakiuwai, nuniai dase shiig senchi dasentak nunú mujan umuchiam kaya múun aidau jimaituk dakaejauwai. Nunú nagkaemaig nugka senchi uugkauwai. Tujash Tuke Pujuuk dasenmak atsujakui.

(1 Reyes) 8:30

Amina aentsjum Israel wegantu aidauti, jega ame emematku ijuntai jegamkamua nuni ijuntsa segajam nunú nayaim amina pujutaigmia nuwi pujusam antugkagtukta, nunikam ii pegkegchau takamsamujish tsagkugkagtugta.

(Nehemías) 9:17

Nunidau asag amina chichamjum umitan dakitjag, ame dita yayaakum wainchatai ishamain aidau iwainajuitam nunashkam kajimatkiajui. Nunidau asag amina chichama intimjutpakiag, tikich apun adaikajabi ataktu Egipto nugkanum awagtamki waitkam batsabiag nuwig ejetamatnume tusag. Tujash amek tsagkugkagtin, anejatin, wait anenkagtin, nuigtush kakajus kajechuitam duwi kajimatkimek idaisachuitme.

(Salmos) 116:5

Tuke Pujuuk pegkejam, wait anenkagtinai, iina Apajuíjiya duka kakagchauch anejatin wajasui.

(Salmos) 145:8

Tuke Pujuuk kakagchauch, wait anenkagtin; wamak kajechu anentak wajasui.

(Salmos) 91:4

Wagki niig atash niina nanapen uchuchiji aidaun dukuka kuitamama numamtuk kuitamjamnai, nuadui amek puyattsuk shiig aneasam pujustinaitme. ¡Niina anenkega duwi aminak tantag ejamatia numamtuk ejapak kuitamjamkattawai!

(Éxodo) 20:5

“Nunú aidau eme anentsajum Apajuíjai betek anentaimtu yujaigpajum. Witjai Tuke Pujuu Apajuí atum emematin ainajum duka. Wika Apajuí akasmauwaitjai. Nuniau asan aents aidau mina dakitjuinak pegkegchaun takaina nuna suwimka suwakun, nuna uchiji aidaunash, tijaji aidaunash, ama tijaji aina imanuiyanash suwimkan suwaitjai.

(Éxodo) 33:19

Tutai Tuke Pujuu niina ayaak: “Wi ame wajamunum nagkaemaktatjai, nuniakui ame mina pegkegmajua nunú wainkamnum tusan. Nuniakun mina daag Tuke Pujuuwa nuna ujaktatjame. Wika yana wait anentasa wakegaja, nuna wait anennaitjai.

(Proverbios) 3:3

Tuja anenka duka, dekaskea nujai makichkish idaisatin aipa; duka nugkutaijai betek nugkuaju ata. Amina anentaimtagmin kajimatmainchau aneaku ata.

(Jeremías) 9:24

Dekas eme anenmamsatatus wakegakug, wi Tuke Pujuu ashí senchigtinaitag nuna shiig dekaa umigtak eme anenmamainai. Wika nugkag anenkajai takajai, nuadui anenka nunú tsanumtsuk shiig takamua nujai shiig awajtawai.”

(Joel) 2:13

¡Pegkegchau takatak idaikujum mina umigtuktajum! Wake besemag dekapeakjum, jáanchjum japiki ichí yujatsuk atumek pempeentumakjum kajegmamkatajum, nuniakjum dekas dewakjapi tumamtajum. Wika kakagchauch wait anenkagtinaitjai. Wika wamak kajechuitjai, nuadui wika tsagkugkagtugtasan pujajai.

(Jonás) 4:2

Nunik Tuke Pujuun chichajak: “Tuke Pujuuwah, wika juna aneasan tuyajai. Wi mina nugkajui pujusan anentaibiag duka imatiksamek umikume. Amek Apajuí pegkeg, wait anenkagtin, wamak kajechu, anentak wajasuitam iman asam, suwimkan susattajai timesh awake anentaimjam, suwimak sutsuk idainaitam nuna dekau asan, wika amina ukukin Tarsis nugkanum atushat tupikaktajai tibaijai.

(Miqueas) 7:18

“Apajuíjuh, tikich Apajuí amejai betekak atsawai. “Amek amina aentsjum ujumak iwaku batsata nuna pegkegchauji tsagkujakum, intimtaiji aidaush kajimatkim idaime. Amek jutii aidauti anejatu asam, kajekmesh tuke nunismekek pujatsme.

(Miqueas) 7:20

¡Iina apachji Abraham, Jacob, nuigtu tikich iina muunji aajaku aidau anagkuawaitam duka, dutiksamek wait aneasam amina anenkagmin tuke kuitamkagtuktin ata!” tiajui.

(Números) 12:8

Nuadui niijaig paan igkunian chichajai. Tuja nii mina igkuntua waita nuniaush, ¿wajukeakjumea atumesh mina inakeg Moisésash pegkegchaush chichagjume?” tiuwai.

(Evangelio según San Juan) 1:17

Apajuik chicham umiktina nunak Moisesai sujamsau aajakui, tujash wait anenkagtamu nuigtú dekaskea duka Jesucristui jukiuwaitji.

(Carta de San Pablo a los Romanos) 2:4

Apajuik ame pegkegchau takataish shiig senchi wait anenjamu asa suwimkan sujamtsuk, tudau takatan idaiyak pujutin yapajiati tusa emamkes dakagma dusha dakitame.

(Deuteronomio) 32:3

Tuke Pujuu daaji pachisan nigka pegkejai, múuntai tusan etsegkatjai. ¡Atumshakam, iina Apajuíjiya duka dekas múuntai titajum!

(Deuteronomio) 4:31

niig wait anenkagtina iman asa atumnakek idaitamsashtinai. Ijipatnash ijipashtinai, nuigtushkam nii atumi muunjum aidaujai chichaman umikua nunak kajimatkishtinai, wagki nunak tuké umiktinaitjai tiu asa.

(Carta de San Santiago) 5:11

Nuadui jutiik shiig anentuinaji waituinakush ichichmamag katsuntuina duka. Atumek antukuitjume wajuk Job waitiakush katsunjauwaita nu, nuigtú inagnamunmash Apu Apajuish wajuk dutikauwaita nu, Apu Apajuik wait anenmain diijatak wait anenkagtinai.