(Éxodo) 34:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Tusa tima Moisés jimag kayan tsupik yaunchuk aajakua nujai betek pakama najanauwai. Dutika najana kashinia duwi kashikmas Tuke Pujuu tibaun umiak nuna juki muja Sinaínum wakauwai.

(Éxodo) 34:4 Iomraidhean Croise

(Éxodo) 19:20

Aatus Tuke Pujuu nayaimpinmaya muja Sinaí titijin yaki tauwai. Nunik taa Moisésan wakata tusa untsukui. Tusa untsukam Moisés wakauwai.

(Éxodo) 19:3

Nuwi pujus Moisés Apajuíjai chichastatus mujanum wakauwai. Nunikmatai Tuke Pujuu nunú mujanmaya Moisésan untsuka chichajak: “Jacob tikich daaji Israel aajakua nuna uchiji wegantu Israel aents aina nunú ujakta:

(Éxodo) 32:16

Nunú kayanak Apajuí najanauwai, tuja nunú kayanum chicham agagbau aajakua nunashkam Apajuík agajui.

(Éxodo) 34:1

Tuke Pujuu Moisésan chichajak: “¡Jimag kaya tsupikam yaunchuk aajakua nujai betek pakama najanata! Dutikawamin nuwi chicham umiktin yama nagkamchaku agagbau ame ajiaja tsaikmayum nujai betekan ataktu agagtajai.

(Deuteronomio) 10:1

Tusa tai Tuke Pujuu chichagtak: “Jimag kaya pakamamu yama nagkamchak aajakua nujai betek tsupika umikta. Dutikam nuigtushkam chicham umiktin agagbau egkeatin arca najanata. Dutika nunú jukim mujá wakata wijai chichastasam,

(Deuteronomio) 10:3

Tusa tujutmatai numi acacia tutaiyai arcan najanawabiajai. Tuja nuigtushkam jimag kaya pakamamun tsupika jukin mujá weamiajai.