(Éxodo) 33:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Moisés Tuke Pujuun chichajak: “Ame minak juju aents aina juju yajuakam emata tujutme. Tujutiatkum yaki minash atutkati duka eke tujuttsume. Nuniayatkum: ‘Aneajame, nuniau asan kajittsan anentaimtajame’ tujutmayume.

(Éxodo) 33:12 Iomraidhean Croise

(Génesis) 18:19

Wi niinak etegkauwaitjai, ashí niina uchiji wegantu aidaunash mina chichamjun jintintuati, dutikam minák umigtuktinme, nuninak ima pegkeja nunak takastinme tusan. Nuna aatus uminakui, wi anagkuawaitag nunak imatiksanuk umiktatjai”, tiuwai.

(2 Samuel) 15:25

Dutikawagmatai David sacerdote Sadokan chichajak: “Chicham umiktin agagbau egketu arca Apajuínua duka yaakat Jerusalén awagkitajum, wagki Tuke Pujuu mina wait anenjakug Jerusalén ataktu awagtuktatui, dutijakui juju chicham umiktin arcanum egketu ukuktatag duka Niina aakjinig aun ataktu wainmainaitjai.

(Salmos) 1:6

Tuke Pujuuk aents pegkeg aidaun kuitamui. Untsu aents pegkegchau aidauk dita pegkegchaujinig waittsagtinai.

(Éxodo) 3:10

Nuadui umintsata, wi aminak Egipto apuji pujamunum jegaam, mina aentsug ame wegantu aidau batsata nunú jiigminum tusan akupeajame”, tiuwai.

(Éxodo) 3:4

Tusa nuna diistatus jegantattak wegaun Tuke Pujuu wainak, numi piipich kegamunmaya untsuak: “¡Moisés! ¡Moisés!” tama, nii ayaak: “Juwi pujajai”, tiuwai.

(Éxodo) 32:34

¡Tuja amek wakitkim Israel aents aidau yajuakam wi nugka amastajime tusan anagkuawaitjim nuwi wetá! Mina aentsug nayaimpinmaya uyuuntamsattawai. Tujash tsawan dita suwimak jukitnuji jegakui, duwi suwimkanak susattajai”, tiuwai.

(Éxodo) 33:1

Tuke Pujuu Moisésan chichajak: “Abrahaman, Isaakan, Jacopan uchiji wegantu aidaun nugka susatnaitjai tusan wi tiuwaitag nuwi Israel aents aidau Egipto nugkanum batsatu ame jiigmayum nunú yajuakam wetá.

(Éxodo) 33:17

Tusa tutai Tuke Pujuu Moisésan ayaak: “¡Aminak kajittsa anentaimtau asan, ame segatam nunak umiktatjai, tuja aminak shiig anentsan diyagme!” tiuwai.

(Éxodo) 33:2

Amina uyuntamsatnun mina aentsug nayaimpinmayan awemattajai. Tuja Canaán aents, amorreo aents, hitita aents, ferezeo aents, heveo aents, Jebús aents aidau Canaán nugkanum batsata nunak jiijan utsagtatjai.

(Éxodo) 34:9

aatus tiuwai: “¡Tuke Pujuuwah, dekaskenum mina anenkumek uyunkagtusta! Iik dekas antakchau ainaji, tujash tsagkugkagtujam amina aentsjum ekagtita”, tiuwai.

(Isaías) 43:1

Jacob wegantu Israel aents aidauwah, Tuke Pujuu atumin najapauwa nunú chichagtamak: “Ishamkagtukaigpa, witjai atumin agkanmitkaunuk, wi atumnak daagmin adaisan midau atinme tusan etegkauwaitjime, nuadui atumek midau ainagme.

(Isaías) 45:3

Tuja waji pegkeg aidau makichkish wainmainchau uukbau awa nuna, wi amastatjai. Nunú wainkam, Tuke Pujuu Israel aents aidau Apajuíjinuk ima wikitag nunú dekattame. Wi aminak untsukmajame.

(Jeremías) 1:5

“Wi aminak eke akiintsuminig, mina chichamjun ashí nugkanum etsegtugkati tusan etegkauwaitjame”, tujutmayi.

(Segunda carta de San Pablo a Timoteo) 2:19

Tujash Apajuí nagkamku tibauwa duka yapajinmaitsui nunisagke, duka agagbaunmag: “Apu Apajuik wainui niinu aina nunak”. Nuigtushkam: “Ashí aents apu Jesusan umijuidauk, pegkegchau aina nunak tupanjatnume”, tawai.