(Éxodo) 33:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Tuja nunú carpa aakmakbaunum Moisés wayamtai, Tuke Pujuu Moisésjai igkunia niina kumpajijai chichamaina imanis chichau. Nunik chichasmatai, Moisés Israel aents aidau batsatbaunum waketujakui. Untsu Nun aajakua nuna uchiji Josué Moisésa yain aajakua duka nunú aakan kuitamak jiintsuk nuwig pujujakui.

(Éxodo) 33:11 Iomraidhean Croise

(Génesis) 32:30

Dutika ukukim, Jacob nunú nugka daajin Penuel adaikauwai, nunak: “Dekas Apajuínak shiig paantap wainkaja, imanun wainkanush jakachjapi iwakuap pujaja” taku tiuwai.

(Éxodo) 17:9

Nuniagtai Moisés Josuén chichajak: “¡Aents aidau etegjam Amalec aents aidaujai kashin maaniata! Nuniamin wi mujanum wakan ushujutain Apajuí sujusbauwa nuna takusan pujuttajai”, tiuwai.

(Éxodo) 24:13

Tusa tima Moisés niina yain Josuéjai mujá weuwai.

(Éxodo) 32:17

Nunú chicham agagbaun jukimtai wakitkiag shimukma, aents aidau pampaidaun Josué antuk Moisésan chichajak: “¡Aents aidau batsata nuwimpash maaniamunum pampainak wajukeama imatuinani antajai!” tau.

(Éxodo) 33:10

Nuna aents aidau wainainak, maki makichik dita Apajuín wajuk emamatin ainawa nunisag ditá aakjin waitinum tikishmajag pujujaku ainawai.

(Éxodo) 33:9

Nunik wayamtai Tuke Pujuu niijai chichai yujagkim yakiya aaka waitijin wajantun au.

(Isaías) 42:8

¡Wika Tuke Pujuuwaitjai, nunuwai mina daajuk! Mina emematjaku kantamtai aina duka tikichik makichkish kantamjuawaigpa, tuja mina emematjutmaina nunú idaikumek, dakumka najanamu aina duka makichkish emematipa.

(Números) 11:28

Tusa tutai Nun aajakua nuna uchiji Josué datsauch asag Moisésan yaijakua nunú chichaak: “¡Mina apujuh Moisésah, chichakainmegka tusam tita!” tiuwai.

(Números) 12:7

Untsu Moisés mina inakjua nujaig aajanuk chichatsjai. Niyai dekas ashí tikich mina inakeg aina nuna nagkaesau ima minak jikatjus umigta duka.

(Números) 12:8

Nuadui niijaig paan igkunian chichajai. Tuja nii mina igkuntua waita nuniaush, ¿wajukeakjumea atumesh mina inakeg Moisésash pegkegchaush chichagjume?” tiuwai.

(Evangelio según San Juan) 11:11

Nuna tii, nuigtú: —Iina kumpají Lazarok kanawai, tujash wi wejin ishintagtajai, tiuwai.

(Evangelio según San Juan) 3:29

Nuwenbaunum, nuwe atinun achiaka duka nuwatkatna nuuwai, tuja aishmag nuwenatna nuna kumpajig ayaumas wajas nunú chichatai antak shiig aneawai. Wishakam nunisnuk senchi shiig aneajai ju chichainamu antakun.

(Deuteronomio) 31:14

Nuna tusa inagnaku ai, Tuke Pujuu Moisésan chichajak: “Ame jakatnuk tsawantak jegawai. Nuniau asamtai Josué untsukam niijai aak pegkejam aakmakbauwa nuwi tantatajum. Nunikagmin wi atum dutikatnun jintintuatjime”, tiuwai. Tusa tima Moisés Josuéjai aak pegkejam Apajuíjai chichatai aakmakbaunum weajui.

(Deuteronomio) 34:10

Tujash Tuke Pujuu Moisésjai igkunia chichajakua imanuk tikichik Israel aents aidaunmaya Apajuí chichamen etsejin profetak makichkish atsujakui.

(Carta de San Santiago) 2:23

Aatus uminkauwai Apajuí chichame agagbauwa nui: “Abrahamak Apajuiyai dekaskeapi tujakui, nuniau asamtai pegkeg diisui”, nuigtush “Apajuí kumpají” tutai aajakui tawa nu.