(Éxodo) 32:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Nuniagtai Tuke Pujuu Moisésan chichajak: “¡Mujá pujam duka wakitkita, amina aentsjum aidau Egipto nugkanum batsatu jiigmayum duka pegkegchaun takainak wi dutikatajum tibaunak uminatsui!

(Éxodo) 32:7 Iomraidhean Croise

(Éxodo) 19:24

Tutai Tuke Pujuu Moisésan chichajak: “Wakitkim jegata. Nunikam Aarógjai wakata. Untsu sacerdote aina duka Israel aidaujaig nugka mamiktuamua nuna nagkaikiajag wi pujag juwig makichkish wakainmegka. Nuna nuninakug wi ¡suwimka susa ai jinawagtatui!” tiuwai.

(Éxodo) 32:1

Moisés muja Sinaínum wee megkaekamtai, Israel aents aidau ijunag Aarógkan chichajuinak: “¡Moisés jutiinak Egipto nugkanum batsatjin jiipajui! ¡Tujash dusha wajukaes, megkaetumkae! Nuniku asamtai dekas ¡ame ii apajuímatin najanata, nunú iina uyuntamsamtai shiyakagmi!” tuidau.

(Éxodo) 32:11

Tusa tima Moisés Apajuí tsagkugti tusa chichajak: “¡Tuke Pujuu mina Apajuíjuh! ¡Imanikmek kajekaipa! Ameku amina senchigmin amina aentsjum aidau Egipto batsatu jiigmayume.

(Éxodo) 32:4

Dutikawagmatai Aarón nuna yajuak ukuiyag, toro tsakatan dakumak najanauwai. Dutikamtai dita chichainak: “¡Egipto nugkanum inaku waitkatai batsatjin Apajuí jiipakiuwa duka jujuwai!” tuidau.

(Éxodo) 33:1

Tuke Pujuu Moisésan chichajak: “Abrahaman, Isaakan, Jacopan uchiji wegantu aidaun nugka susatnaitjai tusan wi tiuwaitag nuwi Israel aents aidau Egipto nugkanum batsatu ame jiigmayum nunú yajuakam wetá.

(Isaías) 1:4

“¡Aents ayatak pegkegchaunak takau aidauk, pegkegchau takat aina nuna utuatmamkag batsamin ainawai! ¡Tuja pegkegchaun takajaku aina nuna uchiji wegantu aidaushkam, pegkegchaunak dekainayatak, nuninun yujaju asag Tuke Pujuu, pegkejam, Israel aents aidaun Apajuíjiya nuna kajimatkiag idaisaje!

(Daniel) 9:24

“Amina pataim aidau Apajuín intimjukiag pegkegchaun takamsaju asag suwimkan jukiag waituina nunak, setenta semana waitu batsamtatui, tuja yaakat pegkejam tsaikbauwa dushakam nunisag setenta semana asatnai. Imanik waituinak anentaimtan jukiagtinai, tuja Apajuí dita tudaujinak tsagkujatnai, dutikamtai ima pegkeg takata nunú tuke atinai. Tuja Apajuí emematku ijuntai jegamkamunum tesaamu shiig pegkejam tutaya dushakam yaunchuk profeta aidau takasu aina iman shiig iwajamu atinai.

(Deuteronomio) 31:29

Wagki wi jakamtaig pegkegchaun takainak wi dutikatajum tiuwaitag nuna idaisagtina nunak wika dekajai. Nuigtush atak tikich tsawan atina duwi Apajuí emtin pegkegchaun taka batsamas Tuke Pujuu kajegka suwimak susam kuashat waittsagtina nunashkam dekajai”, tiuwai Moisés.

(Deuteronomio) 32:5

“Israel aents aidauwah, atumek pegkegchau ainagme. Pegkegchau takakjum Apajuí ikajin ainagme. Nunin asajum Apajuí uchijig amaitsugme.

(Deuteronomio) 4:16

wainkajum dakumka najana ememattai aina nunú aishmagkesh, nuwakesh dakumka najanagmek emematigpa pegkegchau wajasaijum.

(Deuteronomio) 9:12

Nuna sujusa chichagtak: ‘Amina aentsjum aidau Egipto nugkanum batsatu jiigmayum duka wainak yujawai. Nuniau asamtai wamak wakitkita, wi dita aidaun juju umiktajum tusa tibaunak kajimatkiag idayinak jiju ukuijag nujai dita ememattinum najanawag batsamtuinawai’, tujutiabi.

(Deuteronomio) 9:8

Nuigtushkam muja Horeb pujusjumesh pegkegchau takakjum Tuke Pujuu ikajkauwaitjume. Nuadui Tuke Pujuu atumin senchi kajegtamak ijipamain awagtamkabi.

(Jueces) 2:19

Untsu nunú apu adaikamu aidau jakamtaig, ataktushkam nunisag Apajuí ememattan kajimatkiag wainka apajuímtai aidaun emematujaku ainawai. Ditak yaunchuk ditá apachji aajaku aina nuna nagkaesau pegkegchau aajaku ainawai. Nunidau asag aents antakchaujai betek ima pegkegchaunak takajaku ainawai.