(Éxodo) 32:22 - Awajún: Apajuí chichame pegkejam Porciones del Antiguo Testamento y el Nuevo Testamento

²² Tutai Aarón ayaak: “¡Apujuh, minak kajegtukaipa, amek shiig dekame, juju aents aina juka ayatak pegkegchau takatnak wakeyin ainawai!

(Éxodo) 32:22 Iomraidhean Croise

(Génesis) 44:18

Tuja Judá Josén jegantun chichajak: “Mina apujuh, wait aneasam kajegtukaipa, wisha makichik chichaman ima amek antamin titajame. Amek dekas faraógkajai betekaitme.

(Éxodo) 14:11

Nuniayatak Moisésan chichajuinak: “¿Egipto nugkanmak ukumataig atsau asamtaig, imajui uwegshunum jinatnume tusamesh jiijatjamum? ¿Wagka jusha jutikagtame? ¿Wagka Egipto nugkanum pujajinish jiijatkimume?

(Éxodo) 15:24

Nuadui Israel aents aidau, Moisésa kajejuk pegkegchaun chichajuinak: “¿Yamaish iish wajig uwagtaji?” tusa imatjuinau.

(Éxodo) 16:20

Tusa tibau aig Moisésnak antugtsuk, kashin yuwami tusa ampijag ukuidaushkam asajui, tujash duka aka pimutkam kauja mejedau. Nuna dutikawagmatai Moisés ditan kajegkauwai.

(Éxodo) 16:28

Nuniagtai Tuke Pujuu Moisésan chichajak: “Wi atumi jintinkun, juju umiktajum timajim dusha ¿wajupa chichagkama atumesh umiktatjume?

(Éxodo) 32:1

Moisés muja Sinaínum wee megkaekamtai, Israel aents aidau ijunag Aarógkan chichajuinak: “¡Moisés jutiinak Egipto nugkanum batsatjin jiipajui! ¡Tujash dusha wajukaes, megkaetumkae! Nuniku asamtai dekas ¡ame ii apajuímatin najanata, nunú iina uyuntamsamtai shiyakagmi!” tuidau.

(Éxodo) 32:21

Nuna dutika Aarógkan chichajak: “¿Juju aents aidaush itugtamkau asamtaiya, amesh ibau pegkegchau takamtikakmesh tunamitkame?” tau.

(Deuteronomio) 31:27

Wagki atumek aents antakchau intimkiu ainajum nunak wika shiig dekajai. Wi atumjai iwaku pujag duikish atumek Tuke Pujuujai shiwagmaejume. Nunin aidautigmesh ¿wajukatnuk ainagme wi jakamtaish?

(Deuteronomio) 9:24

¡Atumek yaunchuk nagkamsagmesh intimkiu, Tuke Pujuu umigchau ainajum nunak wika dekajime!

(Deuteronomio) 9:7

“Uwegshunum batsamsajum Tuke Pujuu atumi Apajuíjiya nuna chichame intimjukiu ainajum nunú kajimatkitin aigpajum. Atumek Egipto nugkanum batsatutigmin Tuke Pujuu jiipajajua duwi nagkamsajum yamaishkam tuke intimjakjum ikaje yujagme.

(1 Samuel) 15:15

Tusa tama Saúl ayaak: “Aunak mina aentsug aidau Amalec aents aidaun amuinak uwig duwejam pegkeg aidaun, toro duwejam pegkeg aidaujai etegkeg yajuakag itawagmae, wagki nunú maa apeaku Tuke Pujuu amina Apajuíjum emematmi tusag. Untsu tikich aidauk ashí ijinamji”, tau.

(1 Samuel) 15:21

Untsu suntag aidau uwig duwejam aidaun, toro duwejam aidaujai ijinami tibau aig, yaakat Guilgalnum maa apeaku Tuke Pujuu amina Apajuíjum emematmi tusa yajuakagmae”, tiuwai.

(1 Samuel) 15:24

Tusa tima Saúl Samuelan chichajak: “Dekas tame, Tuke Pujuu dutikata tujutbaun kajimatkin pegkegchaun takasjai, tuja ame tujutbaunashkam kajimatkijai. Aents aidaun ishamakun dita segatuinamun umigkajai.