(Éxodo) 32:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tusa tiagtai Aarón ditan ayaak: “¡Takugmek atumi nuwemdau, uchigminu, nawanjumdau akiitaiji oro aina nunú ukuitjajum juwi itatajum!” tiuwai.

(Éxodo) 32:2 Iomraidhean Croise

(Génesis) 24:22

Camello yumin uwakagmatai, makichik oro dujinum nenatai najanamun seis gramo kijinji ajamun juki Rebecan detuauwai. Dutika nuigtushkam jimag kuntunum patakumtain oro najanamun cien gramo kijinji ajamun juki nunashkam susauwai.

(Génesis) 24:47

dutikamtai duwi wi niina iniakun: ‘¿Amesh yana nawanjiyaitpa?’ tusan tai nii aijak: ‘Wika Nacoran uchiji Betuel Milcáyai akiinauwa nuna nawanjiyaitjai’, tujutmae. Timatai niina nujiin nenatain detuamjai, tuja nuigtu jimajan kuntunum patakumtain patakuamjai.

(Éxodo) 20:23

nuniku asag ¡mina emematjumaina numamtukek oro, plata aina nujai dakumak najanawajag emematinmeka!

(Éxodo) 32:3

Tusa tiajam oro najanamu ditá kuishin nenau aidauk yajuakag Aarógkan ejetuawajui.

(Oseas) 2:8

“Tuja wika niina kuitamu asan, nii yuwatnunak, nii atsumamujinash ashí suwaitag nunak niig anentaimas diyatsui. Wika niinak oronash, platanash suwaitjai. Dutika aish nuna yajuak nii ememattin aidaun dakumag najanauwai.