(Éxodo) 32:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Imatu batsatai Moisés jegakma aents aidau nantsemainak batsatun wainkauwai. Nunik diikma toro tsakat dakumka najanamu atatman wainak, senchi kajeka chicham umiktin kayanum agagbau takakbaunak nagkima ajuag tsaikui.

(Éxodo) 32:19 Iomraidhean Croise

(2 Samuel) 6:14

Dutika Tuke Pujuun emematak jáanch lino apagbaun sacerdote nugkutain nugkuja shiig senchi natsemki wegau.

(Éxodo) 15:20

Nunikagmatai Tuke Pujuu chichamen etsegtin María, Aarógka umayi, panderetan juki awatak kantamtai, ashí nuwa aidauk ditashkam panderetan awaituinak nantsemaidau.

(Éxodo) 32:11

Tusa tima Moisés Apajuí tsagkugti tusa chichajak: “¡Tuke Pujuu mina Apajuíjuh! ¡Imanikmek kajekaipa! Ameku amina senchigmin amina aentsjum aidau Egipto batsatu jiigmayume.

(Éxodo) 32:18

Tutai Moisés ayaak: “Nunak depetmakbaunum shiig aneenakugkesh imatainatsui. Tuja nuniachkush tikich depetkam wake besemag dekapenakugkesh imatainatsui, ¡auk nunak nampeja batsamas imat batsatui!” tiuwai.

(Éxodo) 34:1

Tuke Pujuu Moisésan chichajak: “¡Jimag kaya tsupikam yaunchuk aajakua nujai betek pakama najanata! Dutikawamin nuwi chicham umiktin yama nagkamchaku agagbau ame ajiaja tsaikmayum nujai betekan ataktu agagtajai.

(Jeremías) 31:32

Wi chichaman umiktinaitag duka yaunchuk dita apachji aajaku aidau Egipto nugkanum batsatun jiijan ditajai chichaman umikuitag nujai betekak achatnai, wagki ditak midau ainayatak, mina chichamjun umikchaju ainawai. Witjai Tuke Pujuunuk, nunak dekas tajai.

(Números) 12:3

Tuja aents ashí nugkanmaya aidaujai apatka diismash Moisésak dekas kakagchauch ima Tuke Pujuu wakegamunak umijin aajakui.

(Evangelio según San Mateo) 5:22

Tujash wi tajime: Makichik aentskesh wainak yachin kajejauk, suwimak suwam amainai. Nunisag yachin anentainkachu chichajú wekagushkam, Sanedrín ejega dekajam amainai, tuja yachin pegkegchau chichajú wekagushkam jii ajumaish kajinkashtina nui pujus waittsatnai.

(Evangelio según San Marcos) 10:14

Dutikiagtatman Jesús wainak kajek chichajak: Idaisatajum, uchi aidauk minai minitnume, utujiakaigpajum, wagki Apajuí inama duka jujú uchi aina junin aina nudauwai, tiuwai.

(Evangelio según San Marcos) 3:5

Nuna ti nui ijuntatman kajeká, wake besemag diisú antumtikmainchau asagmatai. Nunik nuna aentsun chichajak: —Uwejum dakuekta, tiuwai. Tama niishkam uwejin dakueku, nuniamuik uwejenig pegkeg wajasui.

(Primera carta de San Pablo a los Corintios) 10:7

Nuadui atumek ujumak dita wajukawajua nunikjumek apajimtai dakumkamuk emematmaitsugme. Nuna pachis agagbau tawai: “Ashí aentsuk yuwinak, umuinak pekaamsajui, nunikag wajajag nantsemawajui”.

(Carta de San Pablo a los Efesios) 4:26

Kajeakjumesh, tudauk takasaigpa, kajekjumesh tuke etsag akapakigpajum,

(Deuteronomio) 10:2

nunikamin wi nunú kaya pakama najanamua nuwi chicham umiktin yama nagkamchaku agagbau ame ajiaja tsaikabium nujai betekan agagtajai. Dutikamtai arca numi najanamunum egkeam kuitamkattame”, tujutiabi.