(Éxodo) 32:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Tusa tima, Tuke Pujuu ditan kajejuk ijinatjai tiuwaitak, anentain yapajia dutikachui.

(Éxodo) 32:14 Iomraidhean Croise

(Jonás) 3:10

Tuja ashí aents Nínevenmaya aidau pegkegchau takatan idaisagmatai, Apajuí suwimkan susatjai tiuwaitak, dekas dutikashtatjai tusa idaisauwai.

(Jeremías) 26:13

Suwimak dakitakjumek pujutjum iwajatajum, nunikjum Tuke Pujuu atumin Apajuíjiya nunú umigkatajum. Nuniagminig nii suwimkan amastatjime tujabi nunak amaschattawai.

(Jeremías) 18:8

Untsu nunú aents aidau pegkegchau takatan idayinak mina umigtuinakuig, suwimkan susatasan umigkau akunush suwimkanak sumaitsujai.

(Jonás) 4:2

Nunik Tuke Pujuun chichajak: “Tuke Pujuuwah, wika juna aneasan tuyajai. Wi mina nugkajui pujusan anentaibiag duka imatiksamek umikume. Amek Apajuí pegkeg, wait anenkagtin, wamak kajechu, anentak wajasuitam iman asam, suwimkan susattajai timesh awake anentaimjam, suwimak sutsuk idainaitam nuna dekau asan, wika amina ukukin Tarsis nugkanum atushat tupikaktajai tibaijai.

(Joel) 2:13

¡Pegkegchau takatak idaikujum mina umigtuktajum! Wake besemag dekapeakjum, jáanchjum japiki ichí yujatsuk atumek pempeentumakjum kajegmamkatajum, nuniakjum dekas dewakjapi tumamtajum. Wika kakagchauch wait anenkagtinaitjai. Wika wamak kajechuitjai, nuadui wika tsagkugkagtugtasan pujajai.

(Jeremías) 26:19

“Nuna aatus Miqueas tutaish, apu Ezequíasak Judá wegantu aidaujai ijunjag niinak maachajui. Nuadui apu Ezequíasak ashí aents aidaujai Tuke Pujuun ishamaidau asag, tsagkugkagtugta tusag segajui. Nuadui Tuke Pujuu ditan suwimkan susatag tiuwaitak tsagkujug idaisauwai. ¿Dita nuniku ainaimpash, ii Jeremías maaku utugchat igkugtag?” tiajui.

(Deuteronomio) 32:26

“Tuja wi anentaimsan, tikich nugkanum dapampaakan utsagtajai, dutika ai dita wegantu aidau megkaejamtai, pachisaish augmatchatai juwaktin ati tusan anentaimsabiajai.

(Éxodo) 33:13

Nunú dekasketkuig wajina dutikatjai tusamea anentaime nunú ujatkata, wisha nuna dekaan dekas yaimpaktatuapi titajai. Ame etegkagtujuitme mina aentsug atinme tusam. Nuadui idaikagtutsuk uyunkagtusta”, tiuwai.

(1 Samuel) 15:11

“Saúlnak apu adaimainchaunas adaikayagtai, mina chichamjun umigtutsuk nii wakegamun takawai”, tiuwai. Tusa timatai, Samuel kajeka Saúl tsagkujata tusa Apajuín sega segaakua tuke tsawajui.

(Génesis) 6:6

Imaniagtai Apajuí wake besemag anentaimak, najanmainchaunas najanawabiagtaih, tusa awake anentaimjauwai.

(Números) 14:20

Tusa tama Tuke Pujuu Moisésan ayaak: “Ayu, ame segatam nunak imatiksanuk tsagkujattajai.

(Deuteronomio) 10:10

Tuja wi yama nagkamchaku pujusamiag imanisnuk mujá cuarenta tsawan, nuigtu cuarenta kashi pujusamiajai, nunika pujusan Tuke Pujuu segabiajai, ijinawaipa tusan. Tusa sega ai yaunchuk antugtukua nunisag ataktushkam Tuke Pujuu mina antugtuku asa ijipachabi.

(Deuteronomio) 32:36

Tuke Pujuu niina aentsji aidau kakaag ayamjumamainchaun wainu asa ayamjuktatui. Ditan ashí amuinak aents inaku waitkatai, tuja agkan batsamin aina nujai amukam kakaumainchau dekapeagtai, Apajuí wait anentug,

(Jueces) 2:18

Tuke Pujuu apu chichama epegkin atinun adaikag tuké yaijakui. Nunú apu aidau batsamsamtaig, Israel aents aidaunak ditá shiwaaji waitkagtaish Tuke Pujuu ayamjujakui, wagki waituinak chichainamun antuju asa.

(Amós) 7:3

Tusa tai Tuke Pujuu chichagtak: “¡Duka nunikchattawai!” tujutmayi.

(Amós) 7:6

Tusa tai Tuke Pujuu ditan wait anentug chichaak: “Juju suwimkashkam uminkashtatui”, timayi.