(Éxodo) 32:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Nuadui ame dutikawaminig egiptunmaya aents aidau chichagtamainak: ‘¡Apajuí ditanak tsanuja yajuak, mujá uyujus ijina emegkajui!’ tusa dushiktamain ainawai. Nuadui dekas ¡kajegkau akumesh tsagkujata!

(Éxodo) 32:12 Iomraidhean Croise

(Génesis) 6:6

Imaniagtai Apajuí wake besemag anentaimak, najanmainchaunas najanawabiagtaih, tusa awake anentaimjauwai.

(1 Reyes) 8:51

Wagki ditak amina aentsjum asag aminu ainawai. Egipto nugkanum batsamas jiju jii kegamunum jiya ukuitayama numamtuk awajam waituinak batsatu ame jiijuitme.

(Salmos) 90:13

¡Tuke Pujuuwah, ataktu yaijatkata! ¿Wajupa asamea yaijatkattame? ¡Juju amina inakem aina nunú wait anenjata!

(Éxodo) 32:14

Tusa tima, Tuke Pujuu ditan kajejuk ijinatjai tiuwaitak, anentain yapajia dutikachui.

(Éxodo) 33:13

Nunú dekasketkuig wajina dutikatjai tusamea anentaime nunú ujatkata, wisha nuna dekaan dekas yaimpaktatuapi titajai. Ame etegkagtujuitme mina aentsug atinme tusam. Nuadui idaikagtutsuk uyunkagtusta”, tiuwai.

(Isaías) 64:7

¡Amina segapauk, tuja amina nii wait anenjugti tusa kakanmamukesh makichkish atsawai! Nuadui amek iina pegkegchaujin uumka idaikagtusume.

(Isaías) 64:8

Apuh, ii nunin ainajinish, ametme iina apajimek. Ii aidautik duwejai betek ainaji, untsu amek aents duwen namuka najannujai betekaitme. ¡Iik ashí ame najankamu ainaji!

(Joel) 2:17

Sacerdote aidaushkam kaunatnume, nunikag altarnum jeganta wajasag buutuinak aatus Apajuín segatnume: “¡Tuke Pujuuwah, amina aentsjum aidau tsagkujata, makichik aentskesh ditan dushijati tusamek idaisaipa! ¡Tuja tikich aents aidau depetkatnume tusamesh idaisaipa! Aents tudau aidau tuke aneasag inimpainak: ‘¿Atumi Apajuíjish wajukame?’ tusag dushiki batsamtinme tusamek idaisaipa”, tiuwai.

(Amós) 7:3

Tusa tai Tuke Pujuu chichagtak: “¡Duka nunikchattawai!” tujutmayi.

(Amós) 7:6

Tusa tai Tuke Pujuu ditan wait anentug chichaak: “Juju suwimkashkam uminkashtatui”, timayi.

(Jonás) 3:9

Nunika ajinish Apajuí iina kajegtamak suwimkan amastag tiu akush, wait anenjamag tsagkugtamjamtai jinutsuk iwaku pujuschainjiash”, tiuwai.

(Números) 14:19

Nuadui amina anenkagmek múunta ibau asamtai, juju aents aina nuna pegkegchaujig tsagkujata, wagki ditak Egipto nugkanum batsatu jiija yajuakam ame kuitamsam imajui ikaunbau asam”, tiuwai.

(Deuteronomio) 32:36

Tuke Pujuu niina aentsji aidau kakaag ayamjumamainchaun wainu asa ayamjuktatui. Ditan ashí amuinak aents inaku waitkatai, tuja agkan batsamin aina nujai amukam kakaumainchau dekapeagtai, Apajuí wait anentug,

(Deuteronomio) 9:28

Wagki Israel aents aina juju ame ijinawaminig, egiptunmaya aents aidau chichagtamainak: “Apajuí Israel aents aidaun kajejau asa Egipto nugkanum batsatun jiija yajuak, nii nugka anagkuawa nuwi ejetsuk jintá uwegshunum ijina utsagke”, tujamain ainawai.

(1 Samuel) 12:22

“Atum aidautijum ima nigki eme anentsajum emematjuminig atumnakek idaitamsashtatui, wagki niig mina aentsug atinme tusa etegtamjau asa.