(Éxodo) 3:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Tujash Tuke Pujuu ataktu chichajak: “Wika mina aentsug aidau Egipto nugkanum batsamas senchi waituina nunak shiig wainjai. Tuja takata apuji aidau takat katsugmanum takamtikainam waituinak pampaina nunashkam antukjai. Tuja dita waituina nunashkam shiig dekajai.

(Éxodo) 3:7 Iomraidhean Croise

(Génesis) 16:11

Nijah, juju uchi ejapjukum nunú uchigmakam, adaikattame Ismael, wagki ame wekaesa waitiakum wake besemag anentaima wekaegam nuna wi antugkajam duwi.

(Génesis) 18:21

Nuadui wi yamai wejitjai ditan, núnikan dekaatjai ditá pegkegchauji shiig múuntai tabau minai wajuta dusha dekaskeashit”, tau.

(Génesis) 21:17

Nunik uchi buutun Apajuí antugkauwai. Nunik Apajuí ángel tumain Agaran chichajak: “¿Wagka Agarah amesh aniame? Ishamkaipa, Apajuí uchi buutun antuke.

(Génesis) 29:32

Tuja Lea ejapjuk aishmagkun uchigmakui. Dutika Rubén adaikauwai, wagki nuna uchigmak chichaak: “Wi wake besemag pujamun Apajuí waitkau asa wait anenjuje. Nuadui yamaik mina aishjuk anentatui”, tiuwai.

(Génesis) 31:12

“Tusan tai nunú ángel chichagtak: ‘Yamai juu shiig diista, ashí kuntin aishmag nuwan entsamjuina duka bukusea apujtugbau aidau, painch aidau, nuigtu utsak aidau aatsam wainkattame. Wi junak amina Labán shiig akigmatsu nuna wainu asan jutikajai’, tujutmayi. Tusa nuigtu chichagtak:

(Génesis) 31:42

Abrahama Apajuíjin, mina apag Isaac emematia nunú mina yainchakuig, amek minak dekas wi takasbaunmak makichkish akigtsuk akupjumain awajtukume. Tujash wi senchi takaku wake besemag pujamun Apajuí waitjuku asa, aminak nii kajanum jiyapakume”, tiuwai.

(2 Samuel) 22:28

Amek aents ememachu aidau uwemtiknaitme, untsu ememau aina duka wainka dushiktai emame.

(Nehemías) 9:9

Iina muunji aajaku aidau Egipto nugkanum batsamas waitujaku aina duka amek wainkauwaitme. Tuja nayants kapantu tutainum jegawag buutuidaush ame antugkauwaitme.

(Salmos) 145:19

Tuja niina eme anentus umijin aina nunú segamak antujuk yaigka uwemtikui.

(Salmos) 22:24

Apajuík ujudauch aidau waitiamun wainiatkug waittsatnume tusag pachitskek idaitsui. Tuja uumjutnakesh uumjuchui. Yainkata tusa segamak antujui, nunik betek yayawai.

(Salmos) 34:4

Wika Tuke Pujuun segabiajai yainkati tusan, dutika ai sapigmamujun agkanmitkajuabi.

(Salmos) 34:6

Wika wainkauchitjai, nuniau asan Tuke Pujuun segabiajai. Tusa segai nii antugtuk, wi waitiamujun agkanmitkajuabi.

(Éxodo) 1:11

Nuna tusa Israel aents aidaun takat katsugmanum takamtikainak waitkasagtinun, apu aidaun adaitujajui. Dutikamu asag, faraón yutai aidaun ijumajakua nuna jimag yaaktan, Pitón, Ramsés aatus najanawajui.

(Éxodo) 1:8

Imanikaju ai kuashat mijan asa Egipto nugka apuji yamajam, José niina patayi aidaun ayamjak dutikauwa nuna makichkish dekachu ekemiuwai. Nunú egiptunmaya aidaun chichajak:

(Éxodo) 33:13

Nunú dekasketkuig wajina dutikatjai tusamea anentaime nunú ujatkata, wisha nuna dekaan dekas yaimpaktatuapi titajai. Ame etegkagtujuitme mina aentsug atinme tusam. Nuadui idaikagtutsuk uyunkagtusta”, tiuwai.

(Éxodo) 5:10

Tusa tiajam faraógka aentsji apu aidau, Israel aents aidau takata takagtai diistin adaijamu aidaujai jiinag Israel aents aidaun ujainak: “Faraón chichaak: ‘¡Yamai nagkamsagmek trigo tsupigbauk susaigpajum tujabiu asamtai, yamaik amaschattaji!

(Éxodo) 5:6

Nuna tusa nunú tsawantaik faraón niina aentsji apu aidaun, nuigtu Israel aents aidau takata takagtai diistin adaijamu aidaujai ijumag chichajak:

(Isaías) 63:9

Israel aents aidaun waitkagtaik, niig tikichin akupkag ayamjukchauwai, dekas nii Apajuí taa ayamjukui. Apajuík niina anenken, niina senchijin aatus, Israel aents aidaunak wait anentak tuké ayamjuk uwemtiknai.

(Números) 20:16

Imatijamainakui Tuke Pujuu yaimpakti tusa segabiaji. Dutika ajin ii sumamun antugtamak, niina aentsji nayaimpinmaya ángel makichik awetugmabi, dutikam nunú Egipto nugkanum batsatutin jiipaju asamtai, yamai juju amina nugkem nagkatkamunum yaakat Cadesnum kauna batsatji.

(Los Hechos de los Apóstoles) 7:34

Dekaskenum mina aentsug Egipto batsamas waituina nunak wainkajai, nuigtush buutainak untsujuina nunash antugkajai, nunikan agkanmitkatasan akaikijai. Nunin asamtai tantata Egipto awematjame’, tiuwai.

(Carta a los Hebreos) 4:15

Wagki jutii Sumo sacerdotejiya nu, ii kakaakchau wegajinish wait anenjamainai. Nigka jutiijai betek pegkegchau takamtiksatasa dekapeam asauwai, tujash nigka makichkish tudaunak takaschauwai.

(1 Samuel) 9:16

“Kashin, yamai etsa eketa juniai Benjamígka nugkenian makichik aentsun awetittajame, nunú mina aentsug Israel aents aina nuna apuji atin asamtai. Ame aceiteyai buuken nijaktatme. Nii mina aentsug Israel aents aidaun filisteo aidau waitkaina nuna ayamjuk agkanmitkattawai, wagki dita waituinak mina segatuinamunak wi antugkau asamtai”, tiuwai.